Key Points
- The United Nations subcommittee said "obstructions" have forced it to suspend its tour of Australian prisons.
- It says experienced the most resistance in Queensland and NSW.
د بشري حقونو ډلو د نيو ساوت ويلز او کوینزلینډ ایالتونو حکومتونه د ملګرو ملتونو د شکنجې ضد ادارې سره د همکارۍ نه کولو غندلي . يادې ادارې د خنډونو له امله د آسټرالیا د زندانونو ليدو سفر وځنډاوه.
د شکنجې د مخنیوي فرعي کمیټې (SPT) وویل، پداسې حال کې چې د شکنجې او نورو ظالمانه، غیر انساني یا سپکاوي چلند یا مجازاتو (OPCAT) په وړاندې پروتوکول لاندې د خپل ماموریت د ترسره کولو هڅه کوله د "خنډونو" سره مخ شوي، او بله خوا اسټراليا هم د همدې ادارې غړيتوب لري.
د بشري حقونو د څار (HRW) څخه سوفي مک نیل اس بي اس نیوز ته وویل چې وضعیت "ژور شرمونکی" دی.
هغې وویل: "دا مسله حل نه شوه ، او اوس دا واقعیا سپکاوی دی چې دا ډله اسټراليا پريږدي ځکه چې آسټرالیا نشي کولی هغه څه چې دوی زندانو ليدو لپاره اړتیا لري پوره کړي."
ژوره انديښنه
اغلې مک نیل وویل HRW اندیښنه لري او غواړي چې پوي شي په آسټرالیا کې د توقیف شوي خلکو سره څنګه چلند کیږي ، په ځانګړي توګه ماشومان او معلولیت لرونکي خلکو سره.
هغې وویل، "په تیره لسیزه کې، ډیری مسلې شتون لري چې ژورې اندیښنې یې راپورته کړې، چې پکې د معلولیت لرونکو بندیانو اوږدې مودې لپاره یوازیتوب دی، یا هم د مهاجرت په توقیف ځایونو کې د خلکو سره چلند مسله ده."
"موږ ولیدل چې د اسټراليا په شمالي سیمه کې د ډان ډیل کې د ماشومانو سره د چلند په اړه وحشتناک تورونه راپورته شوي. او همدا اوس د لویدیز آسټرالیا په کاسوارینا کې د ترټولو لوی امنیتي بالغ زندان کې د ماشومانو د ساتلو شرایطو په اړه اندیښنې شتون لري. "
د بخښنې نړیوال سازمان آسټرالیا څخه ټیم اوکونر وویل چې د بشري حقونو ډلې د دوی لیدنې دمخه SPT ته په توقیف کې د بومي اسټراليايي مړینې په اړه خپلې اندیښنې وړاندې کړې.
هغه وویل: "په کوینزلینډ کې ، موږ په توقیف کې د مرګونو ناوړه وضعیت لرو چیرې چې په سلګونو بومي خلک د پولیسو په توقیف کې مړه شوي دي."
هغه دا هم له اسټراليا څخه بهر د اسټراليا په توقیف ځایونو کې شرایط "شکنجه" ورته دي.
لیدنه ولې وځنډول شوه؟
SPT وویل چې دوی ډیری سیمو ته د لاسرسي څخه منع شوی چیرې چې خلک توقیف شوي او دوی ته ټول غوښتل شوي اسناد ندي ورکړل شوي.
دې ادارې ویلي چې د دوی لیدنه چې د اکتوبر په ۱۶ پیل شوې وه او ټاکل شوې وه چې د اکتوبر تر ۲۷ پورې دوام وکړي ، "په دومره حد کې جوړجاړی شوی چې دوی یې له ځنډولو پرته بله لاره نه درلوده".
د څلور کسیز پلاوي مشرې عایشه شجون محمد وویل چې دا "د آسټرالیا لخوا د OPCAT لاندې د خپلو مکلفیتونو څخه ښکاره سرغړونه ده".
هغې په یوه بیان کې وویل: "دولت ګوندونه مکلفیت لري چې دواړه په خپله خاوره کې SPT ټيمونه خپلو هيوادونو کې ومني او اجازه ورکړي چې خپل واک په بشپړ ډول وکاروي، لکه څنګه چې په ۱۲ او ۱۴ مادو کې منعکس شوي."
اغلې محمد وویل چې د هغوی اداره په کوینزلینډ او نيو ساوت ويلز کې ترټولو ډير مقاومت تجربه کړی.
هغې وویل: "دا د ژورې خواشینۍ ځای دی چې د SPT د ماموریت محدود پوهاوی او د داخلي اختلافاتو له امله د همکارۍ نشتوالی، په ځانګړې توګه د کوینزلینډ او نیو ساوت ویلز ایالتونو په اړه، موږ دې ته اړ کړل چې دا سخت اقدام وکړو." .
له ۷۰ څخه زیاتو مخکښو سازمانونو او اشخاصو یو بیان لاسلیک کړی چې د نيو ساوت ويلز او کوینزلینډ حکومتونه یې د SPT په وړاندې د دوی د ادعا شوي سرغړونو غندنه کوي.
د اصلاحاتو پخوانی وزیر ډیویډ ایلیټ، ، وویل چې هغه ډاډ ترلاسه کړی چې پخوانیو لومړیو وزیران د ملګرو ملتونو تفتیشونه تصویب نه کړل.
هغه د دوشنبه په ورځ د سیډني راډیو سټیشن 2GB ته وویل: "زه نه غواړم چې د ایران او چین او کیوبا څخه د ملګرو ملتونو پلټونکي د NSW زندانونو ته راشي او موږ ته ووایی چې موږ غلط کارونه کوو."
اس بي اس نیوز د تبصرې لپاره په نيو ساوت وئکز او کوینزلینډ کې د اصلاحاتو لپاره وزیرانو او د فدرالي لوی څارنوال دفتر سره اړیکه نیولې ده.
