भिक्टोरीयामा आज चार नया संक्रमीत थपिएका छन् ।
थपिएको नया संख्या संगै उत्तरी मेलर्वनबाट सुरु भएको पछिल्लो संक्रमणको संख्या तिस पुगेको छ ।
हिजो करीव ४७ हजार जनामा परिक्षण भएकोमा चार नया संक्रमीत थपिएका हुन् ।
महामारी सुरु भए यता भिक्टोरिया चौथो चरणको लकडाउनमा पुगेको छ ।
सात दिने “सर्किट ब्रेकर” लकडाउन घोषणा गरेका कार्यवाहक प्रिमीयर जेम्स मर्लिनोले राज्यभर लागु हुने गरी अत्यावश्यक बाहेकको अवस्थामा घर भित्रै बस्नु नियमको घोषणा गरेका हुन् ।
लकडाउनको पहिलो दिन मानिसहरू केवल अत्यावश्यक सामाग्री खरिद गर्न,खोप लगाउन,व्यायाम गर्न,स्याहार गर्न र अनुमति दिइएका कामका लागि मात्र घर बाहिर जान पाउनेछन् ।
अनुमति दिइएको यात्रा पनि केवल ५ किलोमिटर सम्म मात्र रहेको छ भने एक परिवारबाट एक जना सदस्य मात्र अत्यावश्यक सामाग्रीको खरिदका लागि जान सक्नेछ ।
भवन भित्र र बाहिर फेस मास्कलाई अनिवार्य गरिएको छ ।
विद्यालयहरू बन्द गरिएका छन् भने क्याफे एवम् रेष्टुरेण्टहरु टेक अवेका लागि मात्र खुलेका छन् ।
Acting Victorian Premier James Merlino addresses the media during a press conference in Melbourne. Source: AAP
गत वर्ष अस्ट्रेलियाकै सबैभन्दा लामो लकडाउन परेको भिक्टोरियामा प्रत्येक दिन सयौँको सङ्ख्यामा सक्रमीत थपिएका थिए ।
१ सय १२ दिन सम्म मेलर्वनबासिहरु घरभित्र बस्न बाध्य बनेका थिए ।
यस अघि जस्तै यस पटक पनि सङ्क्रमण फैलनुमा होटेल क्वारेनटिन जिम्मेवार रहेको हुन सक्ने अधिकारीहरूले बताएका छन् ।
जेनोमिक जाँचका क्रममा भिक्टोरियाको पछिल्लो सङ्क्रमण साउथ अस्ट्रेलियामा क्वारेनटिन बसेका एक भिक्टोरिया बासीबाट सरेको देखिएको छ ।
बिहीबार ११ नयाँ केशहरू पत्ता लाग्दा तिनीहरूको नजिकको सम्पर्कमा आएका मानिसहरूको सङ्ख्या १० हजार भन्दा बढी रहेको बताइएको छ ।
कार्यवाहक प्रिमीयर मर्लिनोले अवस्था “बढ्दो रूपमा अनियन्त्रित” बन्दै गएको बताएका छन् ।
“पछिल्लो समय हामीले भाइरसको अत्यधिक सङ्क्रमित स्ट्रेन,भेरीयन्ट अफ कन्र्सनलाई हामीले झेली रहेका छौ,जुन हामीले रेकर्ड गरे भन्दा तीव्र गतिमा अगाडी बढिरहेको छ ”उनले भने ।
हाल भेटिएको सबै २६ केशमा भारतमा भेटिएको बि.१.६१७ भाइरसबाट सङ्क्रमित भएको पाइएको छ ।
उक्त भाइरसबाट सङ्क्रमित एक व्यक्तिले साधरणतया पाँच जनालाई सङ्क्रमित पार्न सक्ने बताइन्छ ।
अहिले सम्म सङ्क्रमणको जोखिम रहेका एक सय भन्दा बढी स्थानहरूका बारेमा राज्य सरकारले बताइसकेको छ ।
कार्यवाहक प्रिमीयर जेम्स मर्लिनोले लकडाउनका कारण व्यवसायहरूमा असर परेको भन्दै आउँदा दिन सहयोगका बारेमा घोषणा गरिने बताए ।
आज देखि भिक्टोरियामा ४० देखि ४९ वर्ष उमेर समूहका लागि फाईजर खोप उपलब्ध हुने बताइएको छ ।
