- न्यु साउथ वेल्समा पछिल्लो २४ घण्टामा आहिलेसम्म कै सबै भन्दा धेरै - ३,७६३ जनामा कोभिड-१९ सङ्क्रमण पुष्टि हुँदा, परीक्षण क्लिनिकहरूका भिँडहरू बढेको देखिएको छ।
- अहिले न्यु साउथ वेल्समा भाइरसका कारण अस्पताल भर्ना हुनेको सङ्ख्या बढेर ३०२ पुगेको छ, जसमध्य ४० जना आइसीयूमा छन्।
- बुधबार बस्ने राष्ट्र मन्त्री परिषद्को बैठकमा न्यु साउथ वेल्स प्रिमियर डोमिनिक पेरोटेले बुस्टर खोप लगाउने समयबारे मुद्दा उठाउने भएका छन्।
- त्यस्तै, देशभर कोरोना भाइरस बढिरहेको समयमा, उक्त बैठकमा मास्कको अनिवार्यताको विषयबारे छलफल हुने छ।
- पछिल्लो समयका तथ्याङ्क अनुसार मोडलिङ्ग गर्दा, अस्ट्रेलियामा प्रति दिन २ लाखजनामा सङ्क्रमण फैलने "असामान्य" अवस्था आउन सक्ने अनुमान गरिएको प्रधान मन्त्री स्कट मोरिसनले बताएका छन्।
- मिडियाले उक्त मोडलिङ्गको आधारमा प्रकाशन गरेका खबरहरू "चुनिएर राखिएको" र "भ्रामक" रहेको अस्ट्रेलियाका प्रमुख स्वास्थ्य अधिकारी पल केलीले बताएका छन्।
- क्वीन्सल्यान्डमा बिहीबार बिहान ५ बजेदेखि सिनेमा, नाटकघर र आतिथ्य उद्योगका कर्मचारीहरूले अनिवार्य रूपमा मास्क लगाउनु पर्ने प्रिमियर अनेस्टेसिया पलाशेले बताएकी छिन्।
- कोभिड-१९ को ओमिक्रन भेरिएन्टको विरुद्ध सुरक्षाका लागि बुस्टर खोप बनाउने कार्यमा कुनै समस्या नआउने मोडर्नाका प्रमुख कार्यकरी अधिकृतले बताएका छन्।
कोभिड-१९ सङ्क्रमणका पछिल्ला तथ्याङ्कहरू:
न्यु साउथ वेल्समा ३,७६३ नयाँ सङ्क्रमित र २ को मृत्यु, भिक्टोरियामा १,५०३ सङ्क्रमण र ६ को मृत्यु।
क्वीन्सल्यान्डमा १८६, टास्मेनियामा १२ र अस्ट्रेलियनक्यापिटल टेरिटरीमा ५८ नयाँ सङ्क्रमित पुष्टि।
विभिन्न राज्य तथा प्रदेशहरूमा हाल लागू क्वारेन्टिन नियम तथा अन्य प्रतिबन्धहरु बारे थाहा पाउन ।
अस्ट्रेलिया आउन चाहने अन्तर्राष्ट्रिय यात्रुहरूका लागि उपलब्ध पछिल्लो आधिकारिक जानकारीका लागि ।
