कोभिड-१९ अपडेट: अस्ट्रेलियामा पहिलो मात्रा खोपको ९० प्रतिशत लक्ष्य पुरा हुँदै

यो ११ नोभेम्बर २०२१, बिहीवारको संक्षिप्त अस्ट्रेलियाली कोरोनाभाइरस अपडेट हो।

Federal health minister Greg Hunt has said that Australia is expected to surpass 90 per cent single dose vaccination target by 1 PM today. Source: AAP Image/Mick Tsikas

संघीय स्वास्थ्य मन्त्री ग्रेग हन्टले अष्ट्रेलियाद्वारा खोपको पहिलो मात्रा सम्बन्धि ९० लक्ष्य पार गर्ने अपेक्षा गरिएकोले आजको दिन ‘माइलस्टोन डे’ वा कोशे ढुङ्गाको रुपला लिइनुपर्ने बताएका छन्।
थेराप्यूटिक गुड्स एड्मिनिस्ट्रेसन भनिने अस्ट्रेलियामा औषधीजन्य सामान बारे नियमन गर्ने निकायले मोडर्नाको एमआरएनए कोभिड-१९ खोप स्पाइकभ्याक्स ६ देखि ११ वर्ष उमेरका बालबालिकहरुलाई लगाउन अस्थायी स्वीकृति प्रदान गरेको छ।
क्वीन्सल्याण्ड प्रिमियर अनास्टेसिया पलाशे भन्छिन् कि नयाँ र स्रोत नखुलेका थप सङ्क्रमितहरू देखा परे गोल्डकोस्टमा प्रतिबन्धहरूको दायरा बढाइन सकिनेछ।
अस्ट्रेलियन क्यापिटल टेरिटरीमा भने ३३ नयाँ मामिलाहरु एक अवैध हेलोवीन पार्टीसँग जोडिएको अधिकारीहरुको भनाई छ।
भिक्टोरियाले कोभिड-१९ का थप १,३१३ स्थानीय सङ्क्रमण र चार राज्यवासीको मृत्यु बिहीवार दर्ता गरेको छ।
न्यु साउथ वेल्सेले भने थप २६१नयाँ सामुदायिक केसहरू र एक जनाको मृत्यु रेकर्ड गरेको छ। क्वीन्सल्याण्डले दुई नयाँ केसहरू रेकर्ड गरेको छ जसमध्ये एक सङ्क्रमितको स्रोत अज्ञात रहेको बताइएको छ।