कोभिड-१९ अपडेट: ८० प्रतिशतले खोप लगाए न्यु साउथ वेल्समा 'जीवन सहज हुने' र भिक्टोरियामा थप आर्थिक सहयोग उपलब्ध

यो आइतबार, ५ सेप्टेम्बर २०२१ को अस्ट्रेलियाली कोरोनाभाइरस अपडेट हो।

Jamii zakwanza zapewa chanjo ya COVID-19 mjini Sydney

Wanachama wa jamii zawatu wa asili, wapokea chanjo za Covid-19 katika zahanati iliyo jenga katika kituo chakitaifa cha ubora wa asili. Source: AAP/Dan Himbrechts

मुख्य बुँदाहरू:

न्यु साउथ वेल्समा ४० प्रतिशतले लगाए कोभिड-१९ खोपको दुबै डोज
भिक्टोरिया सरकार द्वारा जोखिममा रहेका समुदायका लागि थप आर्थिक सहायताको घोषणा
एसीटीमा १५ सामुदायिक सङ्क्रमण पुष्टि
क्वीन्सल्यान्डमा एक जनामा कोरोनाभाइरस सङ्क्रमण

न्यु साउथ वेल्स

न्यु साउथ वेल्समा थप १,४८५ जनामा कोरोनाभाइरस सङ्क्रमण पुष्टि हुनुका साथै थप ३ जनाको उक्त भाइरसका कारण मृत्यु भएको छ।

गए राती ८ बजे सम्मको २४ घण्टामा उक्त सामुदायिक केस संख्या पुष्टि भएको अधिकारीहरुको भनाइ छ। साथै, हाल एक हजार जना भन्दा बढी मानिसहरुको राज्यका बिभिन्न अस्पतालहरुमा कोरोनाभाइरसका लागि उपचार भइरहेको जसमध्ये १७५ जना सघन उपचारमा र ती मध्ये ७२ जनाका लागि भेन्टिलेटर प्रयोग गरिएको पनि बताइएको छ।

प्रिमियर ग्लाडिस बेरेजिक्लियनका अनुसार न्यु साउथ वेल्समा अहिले सम्म कोरोनाभाइरस विरुद्धको खोपको दुवै डोज लगाइसकेका मानिसहरुको संख्या ४० प्रतिशत पुगेको छ भने ७३ प्रतिशत ले खोपको पहिलो डोज पाइसकेका छन्।

आजको पत्रकार सम्मेलनमा बोल्दै प्रिमियरले राज्यमा योग्य रहेका मानिसहरु मध्ये ८० प्रतिशत ले कोरोनाभाइरस विरुद्ध खोप लगाएपछि पुरै राज्य भर लकडाउन कहिले नगरिने पनि बताएकी छन्। तर आगामी १४ दिनमा कोरोनाभाइरसका केसहरु पनि अहिले सम्मकै सबै भन्दा धेरै रहन सक्ने चेतावनी पनि बेरेजिक्लियनको रहेको छ।

खोपको लागि आफ्नो नाम लेखाउन यहाँ हेर्नुहोस्

।

भिक्टोरिया

भिक्टोरियामा गए २४ घण्टा भित्र कोरोनाभाइरसका १८३ स्थानीय केसहरुको पुष्टि भएका छन्। पछिल्ला केसहरु मध्ये १०१ जनाको चाहिं पुराना सङ्क्रमणहरुसंग सम्बन्ध रहेको अधिकारीहरुको भनाइ छ।

यसैक्रममा भिक्टोरिया सरकार द्वारा कोरोनाभाइरसका कारण

जोखिमको अवस्थामा रहेका समुदायहरुको आर्थिक सहयोग

का लागि २ करोड ७० लाख डलरको थप लगानी गरिने घोषणा गरिएको छ।

आफु नजिकको खोप वितरण केन्द्र खोज्न यहाँ हेर्नुहोस्।

अस्ट्रेलिया भर गए २४ घण्टा

एसीटीमा कोरोनाभाइरसका १५ स्थानीय केसहरुको पुष्टि, ती मध्ये १३ जनाको पुराना सङ्क्रमितहरुसंग सम्बन्ध रहेको। पछिल्ला सङ्क्रमित मध्ये ६ जना सङ्क्रामक अवस्थामा आइसोलेशनमा रहेको बताइएको छ।
क्वीन्सल्यान्डमा हिजो कोरोनाभाइरस पुष्टि भएका एक शिशु कि आमामा पनि गए चौबीस घण्टा भित्र सङ्क्रमण पुष्टि भएको छ।
पश्चिम अस्ट्रेलियाको सीमा खोलिनु अगाडी राज्यका ८० प्रतिशत योग्य निवासीहरुले कोरोनाभाइरस विरुद्धको खोप लगाएको आफुले हेर्न चाहेको राज्य सरकारको भनाइ।