L-aħħar aġġornament ta’ din l-informazzjoni kien fis- 07/12/2020. Għall-aħħar aġġornamenti dwar COVID-19 bil-lingwa tiegħek żur:
Victoria
Ġemgħat ta’ Nies Flimkien
- Meta tħalli darek – m’hemmx restrizzjonijiet.
- Ġemgħat ta’ nies fil-pubbliku – sa 100 persuna barra.
- Viżitaturi fid-dar – sa 30-il viżitatur kuljum, jistgħu jkunu minn familji fi djar differenti (trabi taħt l-età ta’ sena m’humiex magħduda).
- Ċelebrazzjonijiet tal-Milied: Sa 30 viżitatur ikunu permessi fi djar kuljum (trabi taħt l-età ta’ sena m’humiex magħduda).
- Sptarijiet u faċilitajiet ta’ kura: l-ebda restrizzjonijiet fuq in-numru ta’ viżitaturi jew fuq it-tul tal-viżti. Japplikaw ir-regoli ssettjati għall-viżitaturi tal-isptarijiet u l-faċilitajiet ta’ kura.
- Tiġijiet, funeral, ġemgħat reliġjużi: il-limiti tneħħew bl-attendenza minflok suġġetta għal persuna kull żewġ metri kwadri.
Xogħol
- Jekk tista’ taħdem mid-dar, għandek tkompli tagħmel hekk. Dan huwa importanti biex tgħin fil-limitu tan-numru tan-nies jitħalltu flimkien – u biex titnaqqas l-imxija tal-coronavirus (COVID-19).
- Ir-ritorn gradwali fuq il-post tax-xogħol b’25 fil-mija tal-istaff u limitu ta’ densità ta’ persuna waħda kull 4 metri kwadri japplika.
- Fil-Victoria, m’għadux obbligatorju li tilbes maskra fl-uffiċċji jew fil-ħwienet tal-kafè.
- Il-maskri għadhom iridu jinġarru dejjem u jintlibsu fuq it-trasport pubbliku, fuq vetturi ma’ oħrajn, f’ċentri ta’ shopping centres u f’postijiet iffullati.
- Jekk ma tistax taħdem mid-dar, tista’ tmur għax-xogħol. Meta tkun ix-xogħol tista’ żżomm ruħek salv billi:
- taħsel idejk regolarment
- tisgħol u tagħtas f’tissue jew f’minkbejk
- iżżomm distanza tal-anqas 1.5 metri minn oħrajn
In-negozji kollha għandu jkollhom , inklużi n-negozji li joperaw mid-dar (iġifieri parrukkiera li jaħdmu mid-dar).
Aktar informazzjoni:
Skejjel
- L-istudenti kollha tal-iskejjel fil-Victoria reġgħu lura għat-tagħlim fl-iskejjel.
- Studenti Universitarji tat-TAFE u tal-edukazzjoni adulta jistgħu jerggħu lura għat-tagħlim fuq il-post.
Aktar informazzjoni:
Ivvjaġġar u Transport
Il-maskri għandhom jinġarru l-ħin kollu u jintlibsu fuq it-trasport pubbliku, fuq vetturi ma’ oħrajn, tipprattika iġjene tajba u ma tivvjaġġax jekk tħossok ma tiflaħx.
- M’hemmx restrizzjonijiet għal raġunijiet biex tħalli darek jew id-distanza li tista’ tivvjaġġa.
- Tista’ tmur vaganza fejn trid fil-Victoria.
- Tista’ tibbukkja akkomodazzjoni ma’ dawk li tgħix magħhom, is-sieħeb/sieħba intimu/intima tiegħek, u sa żewġt iħbieb jew membri tal-familja (u d-dipendenti tagħhom) li ma jgħixux miegħek.
- M’hemmx limitu għar-raġunijiet tal-ivvjaġġar bejn Melbourne metropolitana u Victoria reġjonali.
- Titjiriet ta’ passiġġieri internazzjonali issa huma rikomandati.
Negozju u rekreazzjoni
- Ħwienet tal-kafè, restoranti u bars: m’hemm l-ebda restrizzjonijiet dwar in-numru ta’ klijenti, imma l-postijiet għandhom josservaw ir-regola ta’ persuna waħda kull żewg metri kwadri. Klijenti m’għandhomx għalfejn ikunu bilqiegħda għas-servizz.
- Sports u pools ta’ barra: m’hemmx limitu dwar in-numru ta’ nies. Tapplika r-regola taż-2 metri kwadri.
- Gyms: in-numru ta’ nies permessi jiddependi skont id-daqs tal-post. Ir-regola tal-4 metri kwadri tapplika meta fil-gym ikun hemm l-istaff. Persuna waħda kull 8 metri kwadri tapplika meta ma jkunx hemm staff fil-gym.
Multi
- Japplikaw multi meta jkun hemm restrizzjonijiet, per eżempju għal ġemgħat ta’ nies flimkien kontra l-liġi.
- Dawk f’Victoria li jonqsu li jiżolaw lilhom infushom wara li jkunu ttestjati pożittivament jew li jkunu identifikati bħala kuntatt mill-qrib jistghu ikollhom iħallsu multa.
Aktar informazzjoni:
New South Wales
Ġemgħat ta’ nies flimkien
- Sa 50 persuna jistgħu jżuru residenza sakemm spazju barra jkun utilizzat. Madankollu mhux irrakomandat li jinġabru aktar minn 30 persuna, jekk ir-residenza ma jkollhiex erja barra.
- Mis-7 ta’ Diċembru sa 100 persuna jistgħu jinġabru barra.
- Tiġijiet, funeral u servizzi reliġjużi: (mis-7 ta’ Diċembru) il-limiti ta’ kapaċità massima twarrbu skont ir-regola taż-2 metri kwadri.
Xogħol
- Mit-Tnejn 14 ta’ Diċembru 2020 l-ordni tas-saħħa pubblika li titlob lil min iħaddem biex jippermettu ħaddiema jaħdmu mid-dar (fejn ikun prattiku u xieraq li jsir dan) ma tapplikax aktar.
- Waqt li l-ħaddiema jerġgħu lura għax-xogħol mill-uffiċċju, postijiet tax-xogħol huma inkoraġġiti li jkollhom Pjanijiet ta’ Sigurtà COVID-19 Safety Plans.
- Dawk li jħaddmu huma nkoraġġiti li jkollhom ħinijiet differenti meta jibdew u jispiċċaw ix-xogħol il-ħaddiema tagħhom biex inaqqsu l-impatt fuq it-trasport pubbliku. Dawk li jużaw it-trasport pubbliku huma nkoraġġiti bil-qawwa biex jilbsu maskra.
- Ħaddiema għandhom joqogħdu d-dar jekk iħossuhom ma jifilħux, u jkunu ttestjati għal Covid-19 jekk ikollhom xi sintomi.
Skejjel
- Kull student/a bis-sintomi tal-COVID-19 m'humiex permessi li jerġgħu lura l-iskola qabel ikunu ttestjati negattivi.
- Formals tal-iskola, dances, ċerimonji ta’ gradwazzjoni u avvenimenti soċjali oħra m’humiex permessi.
- Aktar dwar l-Edukazzjoni fi NSW:
Ivvjaġġar u Trasport
- Dawk li jivvjaġġaw minn stat ieħor jistgħu jżuru NSW għal vaganza imma jridu jimxi mar-regoli tal-istat tagħhom meta jerġgħu lura.
- Caravan parks u postijiet tal-ikkampjar huma miftuħa. Dawk li beħsiebhom jivvjaġġaw u jżuru parks nazzjonali għandhom jiċċekkjaw: għal aktar informazzjoni.
- Żjajjar f’faċilitajiet ta’ kura tal-anzjani residenzjali jew servizz tas-saħħa huma restritti.
Aktar informazzjoni:
Negozji u Rekreazzjoni
- Għal xi tipi ta’ negozji u organizzazzjonijiet, huwa obbligatorju li jirreġistraw bħala COVID Safe skont l-Ordnijiet tas-Saħħa Pubblika. Aktar informazzjoni: https://www.nsw.gov.au/covid-19/covid-safe
- Gyms u nightclubs: persuna waħda kull 4 metri kwadri, b’massimu ta’ 50 persuna permessi fi klassijiet tal-gym jew waqt iż-żfin fin-nightclubs
- Stadjums u teatri: (barra) 100% tal-kapaċità bilqiegħda, u persuna waħda kull 2 metri kwadri għal erjas fejn in-nies joqogħdu bilqiegħda mingħajr ordni. Ġewwa: 75% tal-kapaċità bilqiegħda.
- Postijiet żgħar ta’ ospitalità (b’kobor sa 200 metru kwadru) jista’ jkollhom persuna waħda kull 2 metri kwadri ġewwa.
- Attivitajiet sportivi komunitarji permessi, inklużi sessjonijiet ta’ taħriġ u attivitajiet ta’ kuntatt.
Operaturi tan-negozji u l-avvenimenti għandu jkollhom COVID-19 Safety Plan u jżommu record tan-nies kollha li jidħlu fil-post:
Multi
- Japplikaw multi fejn ikun hemm restrizzjonijiet, per eżempju ta’ ġemgħat ta’ nies kontra l-liġi.
Ksur ta’ ordnijiet li jsiru skont l-Att tas-Saħħa Pubblika tal-2010 huma offiża kriminali u japplikaw multi ħarxa.
Aktar informazzjoni:
Queensland
Ġemgħat ta’ nies flimkien
- 50 persuna huma permessi li jinġabru fi djar u 100 persuna fi spazji pubbliċi fi Queensland.
- Ċerimonji ta’ tiġijiet: Sa 200 persuna jistgħu jattendu tieġ u l-mistednin kollha jistgħu jiżfnu (kemm ġewwa u anke barra).
- Funerali: Sa 200 persuna jistgħu jattendu funeral.
- Kura residenzjali: Tista’ żżur lill-għeżież tiegħek li jkunu qegħdin jirċievu kura residenzjali f'servizz tas-saħħa mentali jew f’servizz ta' drogi u alkoħol.
- Żjajjar fl-isptarijiet: In-numru ta’ viżitaturi huwa determinat skont ir-regoli tal-viżti normali f’kull sptar.
Aktar informazzjoni:
Xogħol
In-negozji għandhom:
- Jissapportjaw ix-xogħol mid-dar
- Jibagħtu d-dar lil dawk li ma jkunux jifilħu
- Jippermettu persuna 1 kull 2 metri kwadri
- Ipoġġu sinjali li jidhru biex jinkoraġġixxu li tinżamm id-distanza
- Joperaw skont struttura essenjali ta’ COVID Safe
- Inaddfu l-uċuħ tal-affarijiet kollha ta’ sikwit u tajjeb
- Jipprovdu sanitiżer
Il-ħaddiema għandhom
- Joqogħdu d-dar jekk iħossuhom ma jifilħux
- Ikunu ttestjati jekk ikollhom sintomi tal-
- Iżommu 1.5 metri ‘l bogħod minn oħrajn
- Inaddfu jdejhom ta’ sikwit bis-sapun jew bis-sanitiżer
- Jgħattu ħalqhom meta jisogħlu jew jgħattsu
Skejjel
- Jekk tifel jew tifla jkun ikkunsidrat/a bħala marid/a minn prinċipal, għalliem/a jew membru tal-istaff, għandhom jikkuntattjaw lill-ġenituri jew lil min jieħu ħsieb it-tfal u jitolbuhom biex imorru u jieħdu t-tifel/tifla d-dar
- Il-ġenituri jew min jieħu ħsieb it-tifel/tifla għandhom imorru għat-tifel/tifla malajr kemm jista’ jkun
- It-tifel jew tifla ma jistax jerġa’ lura l-iskola qabel jgħaddi l-perjodu ta’ periklu li jxerred il-virus jew meta ma jkollux sinjal ta’ mard.
Aktar informazzjoni:
Ivvjaġġar u Trasport
- Mill-1 ta’ Diċembru 2020 kull m’għandek tagħmel huwa li timla (Pass ta’ Dikjarazzjoni biex tidħol fil-fruntiera ta’ Queensland) jekk, fl-aħħar 14-il ġurnata kont f’(post perikoluż bl-imxija tal-virus) jew barra l-Awstralja u ma tkunx inżilt bl-ajruplan fi Qeensland meta wasalt l-Awstralja.
- Kull min ikun fi kwarantina mandatorja skont ir-regoli tal-gvern – li se jidħol minn New south Wales jew Victoria – jista’ jħalli l-kwarantina jekk ikollu test negattiv tal-COVID-19, u jkun ipprovda id-dettalji ta’ kuntatt tiegħu u l-indirizz fi Queensland.
- Għandek tinżel bl-aruplan fi Queensland jekk tkun permess li tidħol minn hotspot (post perikoluż bl-imxija tal-virus). Għandek tingħata eżenzjoni biex tidħol mit-triq minn hotspot, sakemm ma tkunx sewwieq ta’ trakk, ħaddiem b’konnessjoni mat-trasport tal-ġarr u loġistika jew tkun qed tagħmel attivitajiet essenzjali magħżula.
Aktar informazzjoni:
Negozji u rekreazzjoni
- F’postijiet ġewwa: Persuna waħda kull 2 metri kwadri (per eżempju restoranti, ħwienet tal-kafè, pubs, klabbijiet, mużewijiet, galleriji tal-arti, postijiet ta’ qima u talb, ċentri ta’ konvenzjonijiet u d-Dar tal-Parlament) Erjas tal-logħob ġewwa fil-post jistgħu jiftħu.
- Avvenimenti ġewwa: kapaċità ta’ 100% f’postijiet bilqiegħda, bil-biljett b’dawk li jattendtu jilbsu maskra mad-dħul u l-ħruġ (per eżempju teatri, mużika lajv, ċinemas u sports ta’ ġewwa). Dawk li jieħdu sehem fil-wirjiet jistgħu jżommu distanza mill-udjenza ta’ 2m, minbarra fil-każ tal-korijiet li jibqgħu 4m bogħod mill-udjenza.
- Avvenimenti ta’ barra: 1500 permessi f’avvenimenti ta’ barra skont il-Lista tal-Iċċekkjar tal-Avvemint ta’ COVID Safe.
- Stadjums fil-miftuħ: 100% tal-kapaċità bilqiegħda (skont COVID Safe Plan).
- Żfin barra: Żfin barra permess (per eżempju festivals ta’ mużika barra, beer gardens).
Aktar informazzjoni:
Multi
- Hemm multi meta jkun hemm restrizzjonijiet per eżempju għal ġemgħat ta’ nies flimkien kontra l-l-l-liġi jew li ma tintlibisx maskra meta suppost tintlibes bilfors.
Aktar informazzjoni:
South Australia
Ġemgħat ta’ nies flimkien
- Persuna waħda kull 4 metri kwadri f’post ġewwa.
- Persuna waħda kull 2 metri kwadri f’post barra.
- Funzjonijiet privati (inklużi tiġijiet u funerali):
Massimu ta’ 150 persuna, persuna waħda kull 2 metri kwadri
- Fid-dar:10 persuni kull dar (sakemm aktar minn 10 persuni ma joqogħdux b’mod permanenti fir-residenza)
- Post privat:Massimu ta’ 150 persuna
- Akkomodazzjoni għall-vaganzi:In-numru massimu ta’ nies permessi li jorqdu fil-post kif determinat mill-provveditur tal-akkomodazzjoni huwa ta’ massimu ta’ 10 min-nies
- Żjajjar f’faċilitajiet tal-kura tal-anzjani huma restritti. Aktar informazzjoni:
Aktar informazzjoni:
Xogħol
- Waqt li kien hemm tnaqqis ta’ xi restrizzjonijiet, għadu rikomandat bil-qawwa li n-nies jaħdmu mid-dar fejn hu possibbli.
- Il-flessibilità kontinwa fuq il-post tax-xogħol f’dan iż-żmien tissapportja r-rispons kurrenti tal-Covid-19 f’South Australia. Tgħin ukoll biex tiżgura l-kontinwità tan-negozju fil-każ ta’ imxija.
Skejjel
L-Iskejjel f’South Australia huma miftuħa. Fil-każ ta’ imxija f’xi skola żur:
Ivvaġġar u Trasport
- Jekk ikollok bżonn tivvjaġġa jew tuża t-trasport pubbliku, għandek tieħu kemm jista’ jkun possibbli rotta diretta u prattika.
- L-ivvjaġġar fil-biċċa l-kbira ta’ South Australia huwa bla restrizzjoni.
- Dawk kollha li jaslu minn barra l-Awstralja u li jidħlu f’South Australia għandhom jitpoġġew f’lukanda approvata skont il-ħtiġijiet tas-Saħħa f’SA biex jagħmlu kwarantina mandatorja ta’ 14-il ġurnata.
Aktar informazzjoni:
Negozji u rekreazzjoni
- In-numru totali ta’ nies f’post m’għandux jaqbeż persuna waħda kull 2 metri kwadri.
- Ikel u xorb li jkunu servuti għall-konsum f’postijiet (inklużi pubs, ħwienet tal-kafè, klabbijiet, restoranti, fejn jinbiegħ u jsir l-inbid, eċċ) għandu jkun ikkunsmat waqt li kulħadd ikun bilqiegħda meta jsir ġewwa, il-konsum bilwieqfa huwa permess.
- Nies li joffru servizzi ta’ kura personali għandhom jilbsu tagħmir protettiv personali xieraq meta jkunu jipprovdu kura personali
- F’kull ċinema, teatru jew post ieħor ġewwa fejn l-attività tinkludi li toqgħod bilqiegħda fuq siġġijiet fissi m’għandux ikun hemm aktar minn 50% tal-kapaċita standard tan-numru ta’ nies.
Aktar informazzjoni:
Multi
- Hemm multi meta jkun hemm restrizzjonijiet, per eżempju għal ġemgħat ta’ nies flimkien kontra l-liġi jew li ma tintlibisx maskra meta suppost tintlibes bilfors.
Aktar informazzjoni:
Western Australia
Ġemgħat ta’ nies flimkien
- M’hemmx limitu tan-numru ta’ mistednin fi djar sakemm ma jkunx hemm aktar minn persuna waħda kull 2 metri kwadri.
- M’hemmx limitu fuq in-numru ta’ ġemgħat ta’ nies fil-pubbliku sakemm ikun hemm tal-anqas 2 metri kwadri ta’ spazju kull persuna.
- Ir-regola ta’ 2 metri kwadri ma tapplikax għal wirjiet bilqiegħda skont il-biljett f’postijiet magħżula u f’postijiet ta’ qima.
- Aċċess restritt għal komunitajiet Aboriġini remoti
- Aċċess restritt għal faċilitajiet ta’ kura tal-anzjani residenzjali.
Aktar informazzjoni:
Xogħol
- In-nies f’Western Australia huma nkoraġġiti biex jerġgħu lura għax-xogħol, sakemm ma jħossuhomx ma jifilħux jew vulnerabbli. Jekk inti mħasseb/imħassba dwar li terġa’ lura għax-xogħol, għandek tikkuntattja lil min iħaddmek.
Aktar informazzjoni:
Fuq il-post tax-xogħol
- Ipprattika ndafa tajba u żomm id-distanza fiżika.
- Tieħux bl-idejn.
- Naddaf u ddiżinfetta l-uċuħ tal-affarijiet li jintużaw ta’ sikwit b’mod regulari.
- Kul l-ikel ta’ nofsinhar fuq id-desk tiegħek jew barra, minflok fil-lunch-room.
- Illimita li tmiss u taqsam l-ikel fuq il-post tax-xogħol.
Aktar informazzjoni:
Skejjel
- L-attendenza fl-iskejjel hija ta’ bilfors għall-istudenti kollha, minbarra dawk li jkunu medikament vulnerabbli jew li jkollhom membri tal-familja medikament vulnerabbli.
- Ġenituri/dawk li jindukraw it-tfal jistgħu jidħlu fil-ground tal-iskola biex jieħdu tfal l-iskola jew jeħduhom lura.
Aktar informazzjoni:
Ivvjaġġar u Trasport
- WA qalbet għal arranġament ta’ fruntiera kkontrollata b’mod salv u sensibbli skont l-aħħar pariri tas-saħħa pubblika
- L-arranġament tal-kontroll tal-fruntiera ta’ WA ma’ stati oħra jiddependi fuq kull stat u territorju fl-Awstralja li jkollhom rekord medju f’14-il ġurnata ta’ anqas minn ħames każi komunitrji ta’ COVID-19 kuljum.
- L-ivvjaġġar huwa permess f’Western Australia, inkluż ir-reġjun tal-Kimberley. L-aċċess f’komunitajiet remoti tal-Aborigini jibqa’ projbit.
- Kun af aktar dwar l-eżenzjonijiet tal-ivvjaġġar f’WA:
Negozju u Rekreazzjoni
- M’hemmx limitu fuq in-numru ta’ persuni permessi fil-post, madankollu, ir-regoli ta’ 2 metri kwadri u d-distanza soċjali tapplika. Dan ifisser li n-numru massimu ta’ nies permessi huwa bbażat fuq id-daqs tal-post.
- Postijiet kbar ta’ ospitalità li jistgħu jesgħu aktar minn 500 persuna għandhom jinkludu l-istaff fin-numru ta’ nies fil-post.
- Is-sular tal-logħob tal-casino reġa’ fetaħ skont restrizzjonijiet temporanji li kien hemm qbil dwarhom.
- M’hemmx ħtieġa li jinżamm reġistru tal-klijenti f’resturanti, ħwienet tal-kafè u bars
- L-avvenimenti kollha permessi minbarra dawk fuq skala kbira, festivals mużikali fuq aktar minn palk wieħed
- Optus Stadium, HBF Park u RAC Arena joperaw b’50% tal-kapaċità temporanja
- Wirjiet mingħajr ma toqgħod bilqiegħda permessi f’postijiet bħal swali tal-kunċerti, postijiet ta’ mużika lajv, bars, pubs u nightclubs
- Il-massimu ta’ nies fi spazju ta’ divertiment bilqiegħda huwa 60 fil-mija.
Aktar informazzjoni:
Multi
- Hemm multi meta jkun hemm restrizzjonijiet, per eżempju għal ġemgħat ta’ nies flimkien kontra l-liġi jew li ma tintlibisx maskra meta suppost tintlibes bilfors.
Aktar informazzjoni:
Tasmanja
Ġemgħat ta’ nies flimkien
- Ġemgħat ta’ nies flimkien fid-djar: limitati b’sa 40 persuna f’ħin wieħed. Dan ma jinkludix il-membri residenti fid-dar.
- Tiġijiet, postijiet ta’ talb u qima u postijiet kummerċjali: In-numru ta’ nies ikun determinat skont id-densità tal-erja: massimu ta’ 250 persuna ġewwa u 1000 barra.
- Żjajjar fl-isptarijiet: Il-viżitaturi huma limitati għal massimu ta’ wieħed/waħda kull pazjent f’ħin wieħed.
Xogħol
In-nies huma nkoraġġiti biex ikomplu jaħdmu mid-dar fejn ikun possibbli, biex jgħinu fil-miżuri tad-distanza soċjali u jillimitaw il-kuntatt bejn in-nies.
Skejjel
- L-istudenti kollha li jkunu b’saħħithom ikomplu jitgħallmu fl-iskola.
- Studenti bi problemi tas-saħħa li jistgħu jpoġġuhom f’riskju aktar għoli ta’ mard moderat għal sever kaġun tal-COVID-19 ikunu appoġġjati biex ikomplu jitgħallmu mid-dar fejn ikun possibbli. Biex tagħmel arranġament għal dan, tkellem mal-iskola dwar x’sapport jistgħu jipprovdu.
Ivvjaġġar u Trasport
- Tista’ tivvjaġġa u toqgħod kullimkien fit-Tasmanja, imma trid timxi mar-restrizzjonijiet tal-ġemgħat ta’ nies flimkien u żjajjar fid-djar.
- Vjaġġaturi għat-Tasmanja għandhom jipprovdu d-dettalji tal-kuntatt u tal-ivvjaġġar tagħhom qabel jidħlu fl-istat, biex ikunu ta’ għajnuna fl-immaniġġjar tar-riskju tal-COVID-19 tal-fruntieri tat-Tasmanja.
- L-inħawi fejn il-vjaġġaturi jkunu għaddew iż-żmien qabel jaslu t-Tasmanja jiddetermina l-kundizzjonijiet tad-dħul tagħhom fl-Istat.
- Hemm miżata ta’ kwarantina għal dawk in-nies li jkunu meħtieġa li jagħmlu kwarantina f’akkomodazzjoni speċifikata mill-gvern (japplikaw eżenzjonijiet).
Negozju u Rekreazzjoni
- In-negozji u l-postijiet tax-xogħol kollha issa huma permessi li joperaw, imma għadhom jimplimentaw miżuri biex jissodisfaw il-minimu ta’ standards ta’ sigurtà tal-COVID-19 u jżommu rekord ta’ dan fi pjan ta’ Sigurtà ta’ COVID-19.
- Il-limitu massimu ta’ densità huwa persuna waħda kull 2 metri kwadri
- Gyms issa huma miftuħa, bi pjaninijiet ta’ COVID-Safe li jikkonċentraw fuq id-densità, distanza fiżika, ittrejsjar ta’ kuntatt, tindif u iġenje.
Aktar informazzjoni: .
Multi
- Hemm multi meta jkun hemm restrizzjonijiet, per eżempju għal ġemgħat ta’ nies flimkien kontra l-liġi jew li ma tintlibisx maskra meta suppost tintlibes bilfors.
Aktar informazzjoni:
Northern Territory
Ġemgħat ta’ nies flimkien
- M’hemmx limiti ta’ nies miġbura flimkien ġewwa jew barra fin-NT imma n-nies huma mitluba li jimxu skont ir-regola tad-distanza soċjali ta’ 1.5 metri.
- Tiġijiet u funeral huma permessi
- Ġemgħat ta’ aktar minn 100 persuna jkunu jeħtieġu t-tkomplija tal-lista ta’ ċċekkjar tal-Covid-19.
Aktar informazzjoni: https://coronavirus.nt.gov.au/business-and-work/business/guidelines-for-events-and-gatherings
Xogħol
Skont id-Direzzjonijiet taċ-CHO, negozju, organizzazzjoni jew grupp komunitarju għandu:
- Ikollu Pjan ta’ Sigurtà ta’ COVID-19, li jimxu miegħu u li jkun rivedut kull sitt xhur.
- Jagħmel disponibbli sanitiżer tal-idejn lil klijenti, sakemm ma jkunx hemm faċilitijiet ta’ ħasil tal-idejn.
- Jagħmel sinjali f’erjas li jkunu miftuħa għall-pubbliku u aċċessibbli għall-impjegati li jindikaw li persuna għandha tikkunsidra dan il-ġej:
-Iżżomm distanza fiżika ta’ 1.5 metri
-Iżżomm kuntatt mill-qrib ta’ anqas minn 15-il minuta jekk mhux possibbli li żżomm distanza ta’ 1.5 metri
-Tipprattika iġjene tal-idejn billi taħsel idejha jew tuża sanitiżer tal-idejn
-Toqgħod id-dar jekk ma tħosshiex tiflaħ u tkun ittestjata għall-virus.
Aktar informazzjoni:
Skejjel
L-istudenti kollhafin-Northern Territory huma mistennija li fiżikamnt jattendu l-iskola.
Aktar informazzjoni:
Ivvjaġġar u Trasport
- Dawk li jaslu fit-Territorju minn barra huma diretti li jagħmlu kwarantina taħt superviżjoni bilfors fil-faċilità ta’ kwarantina f’Howard Springs.
Dawk li jaslu minn stat ieħor fin-NT:
- Jekk ma tkunx iddikjarat/a minn hotspot (post perikoluż bl-imxija tal-virus), m’għandekx għalfejn tagħmel kwarantina. Lista ta’ hotspots:
- Dawk kollha li jaslu minn stat ieħor ikollhom jimlew formula tad-dħul tal-fruntiera sa 72 siegħa qabel jaslu.
Aktar informazzjoni:
Negozju u Rekreazzjoni
- Eżerċizzju, ġemgħat miġbura barra, għawm, sajd u l-użu tad-dgħajjes permess
- Parks tal-iskating, pools, playgrounds u gyms ta’ barra huma permessi li jiftħu.
- Ħwienet tal-kafè, restoranti, bars, taħriġ sportiv, swieq ġewwa, gyms, libreriji, galleriji u mużewijiet u kull negozju ieħor huma miftuħa.
- Kompetizzjonijiet b’attendenza mill-komunità u sportivi bl-ispettaturi f’konfigurazzjoni ta’ siġġijiet approvati. Jekk ikun hemm aktar minn 500 persuna l-avveniment ikun jeħtieġ pjan separat approvat ta’ COVID-19 Safety Plan.
Aktar informazzjoni: https://coronavirus.nt.gov.au/business-and-work/business/guidelines-for-events-and-gatherings
Multi
- Hemm multi meta jkun hemm restrizzjonijiet, per eżempju għal ġemgħat ta’ nies flimkien kontra l-liġi jew li ma tintlibisx maskra meta suppost tintlibes bilfors.
Aktar informazzjoni:
Australian Capital Territory
Ġemgħat ta’ nies flimkien
- Fid-Djar:M’hemmx limitu dwar żjajjar.
- Tiġijiet u funerali: Sa 500 mistieden jistgħu jattendu għal tiġijiet jew funerali, sakemm ma jkunx hemm aktar minn persuna waħda kull 4 metri kwadri.
- Postijiet ta’ talb qima: Massimu ta’ 25 persuna, eklużi l-istaff u dawk li jmexxu s-servizz, ffil-post kollu.
- Kura tal-anzjani: nies jistgħu jżuru lill-membri tal-familja jew ħbieb f’faċilità tal-kura tal-anzjani għall-iskopijiet li jipprovu kura u sappoort. M’hemmx limiti fuq in-numru ta’ sigħat li wieħed jgħaddi mal-qraba jew ħbieb.
- Ġemgħat ta’ nies fil-pubbliku: kollha permessi sa 100 persuna (persuna waħda kull 4 metri kwadi ġewwa u persuna waħda kull 2 metri kwadri fi spazju barra), inkluż funerali.
Aktar informazzjoni:
Xogħol
- Lura għax-xogħol fejn jaqbel għal min iħaddem u l-ħaddiema, skont Covid Safe Plan.
- Ibqa’ d-dar jekk tħossok ma tiflaħx u ttestja għal-virus jekk ikollok sintomi tal-COVID-19.
Aktar informazzjoni:
Skejjel
- L-iskejjel fl-ACT huma miftuħa. Il-biċċa l-kbira tal-istudenti u l-għalliema reġgħu lura għat-tagħlim mill-iskola.
- Studenti u għalliema b’kundizzjonijiet ta’ saħħa kronika jew b’sistemi immunitarji kompromessi jistgħu jaħdmu jew jistudjaw mid-dar.
- Jekk it-tifel/tifla tiegħek ma jkunx/tkunx jiflaħ/tiflaħ, tibgħathomx l-iskola.
Ivvjaġġar u Trasport
- Il-każijiet tal-COVID-19 jistgħu jinfirxu malajr u m’hemmx mod faċli biex ikunu mbassra.
- Sakemm l-ivvjaġġar ma jkunx restritt, il-Qasam tas-Saħħa fl-ACT ma jiddikjarax erjas sikuri jew ta’ periklu għall-ivvjaġġar.
- Nies minn inħawi affettwati bil-COVID huma mħeġġa biex jikkunsidaw mill-ġdid l-ivvjaġġar tagħhom lejn l-ACT.
- Tużax transport pubbliku jekk tħossok ma tiflaħx jew tkun fi kwarantina jew f’iżolazzjoni.
- Jekk ikollok bżonn tivvjaġġa lura fejn toqgħod għall-kwarantina, jekk jogħġbok uża mod ta’ transport personali jekk ikun disponibbli.
Negozju u Rekreazzjoni
- Il-gyms, restoranti, ħwienet tal-kafè u bars f’Canberra jistgħu jakkomodaw 25 persuna.
- Jekk in-negozji u postijiet pubbliċi jkunu jridu aktar minn 25 persuna, jistgħu jużaw l-ispazju ta’ persuna waħda kull 2 metri kwadri tal-ispazju li jista’ jintuża ġewwa jew barra, sakemm jużaw iċ-Check In CBR app.
- Negozji u postijiet li ma jużawx iċ-Check In CBR app jistgħu jkomplu jakkomodaw persuna waħda kull 4 metri kwadri tal-ispazju li jista’ jintuża fi spazji ġewwa u persuna waħda kull 2 metri kwadri fi spazji barra.
- Il-klijenti jridu jkunu bilqiegħda waqt li jkunu jikkunsmaw l-alkoħol fi spazji barra.
- Ċinemas u teatri tal-films, sa 500 persuna jekk juzaw ic-Check Inn CBR app.
- Postijiet kbar ġewwa – f’avvenimenti bil-biljett u bilqiegħda sa 65% tal-kapaċità, b’massimu ta’ 1,500 persuna.
- Postijiet barra fil-magħluq b’siġġijiet flimkien permanenti – avvenimenti bil-biljett u bilqiegħda b’sa 65% tal-kapaċità, b’massimu ta’ 1,500 persuna.
- GIO Stadium u Manuka Oval – b’sa 65% tal-kapaċità bilqiegħda.
Multi
- Hemm multi meta jkun hemm restrizzjonijiet, per eżempju għal ġemgħat ta’ nies flimkien kontra l-liġi jew li ma tintlibisx maskra meta suppost tintlibes bilfors.
Aktar informazzjoni: https://www.covid19.act.gov.au
- In-nies fl-Awstralja għandhom joqogħdu tal-anqas 1.5 metri ‘l bogħod minn xulxin. Iċċekkja r-restrizzjonijiet fl-istat jew territorju fejn toqgħod dwar il-limitu ta' nies flimkien:
- Jekk qed tesperjenza sintomi ta’ riħ jew influwenza, oqgħod id-dar u organizza biex taghmel test billi ċċempel lit-tabib tiegħek jew billi tikkuntattja l-Coronavirus Health Information Hotline fuq 1800 020 080.
- Aħbarijiet u informazzjoni jinkisbu f’63 lingwa f’
- Jekk jogħġbok iċċekkja l-linji gwida relevanti tal-istat jew territorju fejn toqgħod: , , , , , , .
