വിക്ടോറിയയിൽ കൊറോണബാധയുടെ നിരക്കിൽ ആശ്വാസകരമായ കുറവുണ്ടെന്ന് സംസ്ഥാന സർക്കാർ അറിയിച്ചു.
116 പേർക്കാണ് പുതിയതായി വൈറസ്ബാധ സ്ഥിരീകരിച്ചത്. ജൂലൈ അഞ്ചിനു ശേഷമുള്ള ഏറ്റവും കുറഞ്ഞ നിരക്കാണ് ഇത്.
ഒരാഴ്ചക്കിടെ ഇത് മൂന്നാം ദിവസമാണ് പുതിയ രോഗബാധ 200ൽ താഴെയാകുന്നത്.
സംസ്ഥാനത്ത് പ്രഖ്യാപിച്ചിരിക്കുന്ന കടുത്ത നിയന്ത്രണങ്ങളാണ് രോഗബാധ കുറയ്ക്കാൻ സഹായിച്ചതെന്ന് പ്രീമിയർ ഡാനിയൽ ആൻഡ്ര്യൂസ് പറഞ്ഞു.
നാലാം ഘട്ട നിയന്ത്രണങ്ങൾ പ്രഖ്യാപിച്ചിട്ട് ഞായറാഴ്ച മൂന്നാഴ്ച പൂർത്തിയായിരുന്നു.
സംസ്ഥാനത്ത് പ്രഖ്യാപിച്ചിരിക്കുന്ന ആരോഗ്യ അടിയന്തരാവസ്ഥ ഒരു വർഷത്തേക്ക് കൂടി നീട്ടുന്ന കാര്യം പരിഗണിക്കുന്നുണ്ടെന്നും പ്രീമിയർ അറിയിച്ചു.
കൊറോണവൈറസ് നിയന്ത്രണങ്ങൾ ഏർപ്പെടുത്താൻ സർക്കാരിന് അധികാരം നൽകുന്നത് ഈ അടിയന്തരാവസ്ഥയാണ്. സെപ്റ്റംബർ 13നാണ് ഇപ്പോൾ പ്രഖ്യാപിച്ചിരിക്കുന്ന അടിയന്തരാവസ്ഥ അവസാനിക്കുന്നത്.
ആറു മാസത്തേക്ക് മാത്രമേ അടിയന്തരാവസ്ഥ പ്രഖ്യാപിക്കാൻ സർക്കാരിന് അധികാരമുള്ളൂ. അതിനാൽ അടിയന്തരാവസ്ഥ നീട്ടുന്നതിനായി പാർലമെന്റ് സമ്മേളനം വിളിച്ചു ചേർക്കുമെന്നും പ്രീമീയർ വ്യക്തമാക്കി.
എന്നാൽ ലോക്ക്ഡൗൺ നീട്ടുമെന്നല്ല ഇതിന്റെ അർത്ഥം ഡാനിയൽ ആൻഡ്ര്യൂസ്
ജനങ്ങളോട് മാസ്ക് ധരിക്കാൻ ആവശ്യപ്പെടുന്നതും, സാമൂഹിക അകലം പാലിക്കൽ നിർബന്ധിതമാക്കുന്നതും പോലുള്ള കൊവിഡ് നിയന്ത്രണങ്ങൾ നടപ്പാക്കാനാണ് അടിയന്തരാവസ്ഥ ഉപയോഗിക്കുന്നത്.
അതിനിടെ സംസ്ഥാനത്ത് 15 പേർ കൂടി മരിച്ചിട്ടുമുണ്ട്. ഇതോടെ സംസ്ഥാനത്തെ ആകെ മരണ സംഖ്യ 430 ആയും, ദേശീയ തലത്തിലേത് 517 ആയും ഉയർന്നു.
NSWൽ മൂന്നു കേസുകൾ
ന്യൂ സൗത്ത് വെയിൽസിൽ മൂന്നുപേർക്കാണ് പുതുതായി വൈറസ്ബാധ സ്ഥിരീകരിച്ചത്.
ഇതിൽ രണ്ടു പേരും വിദേശത്തു നിന്ന് തിരിച്ചെത്തി ഹോട്ടൽ ക്വാറന്റൈനിൽ കഴിയുന്നവരാണ്.
ഒരാൾക്ക് സാമൂഹിക വ്യാപനമാണ്.
സംസ്ഥാനത്ത് ഇതുവരെ നടത്തിയ കൊവിഡ് പരിശോധനകളുടെ എണ്ണം ഇരുപതു ലക്ഷം കവിഞ്ഞിട്ടുമുണ്ട്.
അതിനിടെ, കൊവിഡ് സ്ഥിരീകരിച്ച ഹോട്ടൽ സെക്യൂരിറ്റി ഗാർഡിന് ഐസൊലേഷൻ നിയമം ലംഘിച്ചതിന്റെ പേരിൽ രണ്ടു തവണ പിഴശിക്ഷ നൽകിയതായി ന്യൂ സൗത്ത് വെയിൽസ് പൊലീസ് അറിയിച്ചു.
സിഡ്നിയിൽ ക്വാറന്റൈൻ ഹോട്ടലിൽ സെക്യൂരിറ്റി ഗാർഡായി ജോലി ചെയ്ത 22കാരനാണ് പിഴ നൽകിയത്.
ഇവിടെ മറ്റൊരു ഗാർഡിനും ആദ്യം രോഗബാധ സ്ഥിരീകരിച്ചിരുന്നു.
ഇതിനു ശേഷം പരിശോധന നടത്താൻ നിർദ്ദേശിച്ചപ്പോൾ, പരിശോധനയ്ക്ക് ശേഷം ഈ സെക്യൂരിറ്റി ഗാർഡ് ഐസൊലേഷനിൽ കഴിഞ്ഞില്ലെന്ന് പൊലീസ് അറിയിച്ചു.
ബർവുഡ് വെസ്റ്റ്ഫീൽഡിലും, തൊട്ടടുത്തുള്ള സർവീസസ് NSW ഓഫീസിലും ഇയാൾ പോയിരുന്നു. ഇവിടെ സന്ദർശിച്ചവര്ക്ക് മുന്നറിയിപ്പ് നൽകിയിട്ടുണ്ട്.
2000 ഡോളറാണ് ഈ സെക്യൂരിറ്റി ഗാർഡിന് പിഴ നോട്ടീസ് നൽകിയത്.
Metropolitan Melbourne residents are subject to Stage 4 restrictions and must comply with a curfew between the hours of 8pm and 5am. During the curfew, people in Melbourne can only leave their house for work, and essential health, care or safety reasons.
Between 5am and 8pm, people in Melbourne can leave the home for exercise, to shop for necessary goods and services, for work, for health care, or to care for a sick or elderly relative.
The full list of restrictions can be found here.
All Victorians must wear a face covering when they leave home, no matter where they live.
People in Australia must stay at least 1.5 metres away from others.
Check your state’s restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080.
