നാളെ മുതൽ കൂടുതൽ സമയം പുറത്തിറങ്ങാം: വിക്ടോറിയയിൽ കൂടുതൽ ഇളവുകൾ പ്രഖ്യാപിച്ചു

വിക്ടോറിയയിൽ കൊവിഡ് സാഹചര്യം മെച്ചപ്പെടുന്നതിനാൽ കൂടുതൽ ഇളവുകൾ നൽകുമെന്ന് സർക്കാർ പ്രഖ്യാപിച്ചു. ഞായറാഴ്ച അർദ്ധരാത്രി മുതലാണ് ഇളവുകൾ പ്രാബല്യത്തിൽ വരുന്നത്.

Victorian Premier Daniel Andrews has announced further changes to the state's coronavirus restrictions. Source: AAP

വിക്ടോറിയയിൽ രണ്ടു പുതിയ കേസുകൾ മാത്രാണ് ഞായറാഴ്ച സ്ഥിരീകരിച്ചത്.

സംസ്ഥാനത്ത് ഇപ്പോൾ 137 പേർക്ക് മാത്രമാണ് സജീവമായി രോഗബാധയുള്ളതെന്ന് പ്രീമിയർ ഡാനിയൽ ആൻഡ്ര്യൂസ് അറിയിച്ചു. ഇതിൽ 12 പേരാണ് ആശുപത്രിയിൽ.

ഈ സാഹചര്യത്തിൽ അടുത്ത രണ്ടു ഘട്ട ഇളവുകൾ കൂടി സർക്കാർ പ്രഖ്യാപിച്ചു.

ഒക്ടോബർ 19 തിങ്കളാഴ്ച മുതലും, നവംബർ 2 തിങ്കളാഴ്ച മുതലുമാകും ഈ ഘട്ടങ്ങൾ തുടങ്ങുക

ഒക്ടോബർ 19 തിങ്കൾ മുതൽ

മെട്രോ മെൽബൺ

• വ്യായാമത്തിനോ, മറ്റുള്ളവരെ കാണുന്നതിനായോ വീട്ടിൽ നിന്ന് പുറത്തിറങ്ങുന്നതിന് സമയപരിധി ഉണ്ടാകില്ല.
• വീട്ടിൽ നിന്ന് 25 കിലോമീറ്റർ അകലെ വരെ യാത്ര ചെയ്യാം. നിലവിൽ ഇത് അഞ്ചു കിലോമീറ്ററായിരുന്നു
• കെട്ടിടങ്ങൾക്ക് പുറത്ത് രണ്ടു വീടുകളിൽ നിന്നുള്ള 10 പേർക്ക് വരെ ഒത്തുകൂടാം. നിലവിൽ ഇത് അഞ്ചു പേർ മാത്രമായിരുന്നു
• റിയൽ എസ്റ്റേറ്റ് ലേലങ്ങൾ 10 പേരെ വരെ ഉൾക്കൊള്ളിച്ച് നടത്താം
• വാണിജ്യ റിയൽ എസ്റ്റേറ്റ് ഇൻസ്പെക്ഷൻ തുടങ്ങും
• ടെന്നിസ് കോർട്ടുകൾ, ഗോൾഫ് കോഴ്സുകൾ, സ്കേറ്റ് പാർക്കുകൾ, ഹെയർ ഡ്രസ്സർമാർ എന്നിവ തുറക്കും
• ഔട്ട്ഡോർ നീന്തൽക്കുളങ്ങളിൽ 30 പേർ വരെ അനുവദിക്കും
• ഇൻഡോർ നീന്തൽക്കുളങ്ങളിൽ ഒറ്റയ്ക്കൊറ്റയ്ക്കുള്ള ഹൈഡ്രോ തെറാപ്പി ചികിത്സ

കൊവിഡ് സേഫ് പദ്ധതി ഉണ്ടെങ്കിൽ:

• ഔട്ട്ഡോറിലുള്ള അടിയന്തരമല്ലാത്ത അറ്റകുറ്റപ്പണികൾ, നവീകരണങ്ങൾ, വീടു പെയിന്റിംഗ് തുടങ്ങിയവ, പരമാവധി അഞ്ചു പേരെ ഉൾപ്പെടുത്തി ചെയ്യാം
• ഓട്ടമേറ്റഡ് കാർ വാഷിംഗ്
• ഔട്ട്ഡോർ ഫോട്ടോഗ്രാഫി, അലൈഡ് ഹെൽത്ത് സർവീസുകൾ

ഓസ്ട്രേലിയയിലെ കൊറോണവൈറസ്ബാധയെക്കുറിച്ചുള്ള പുതിയ വാർത്തകളും, നിങ്ങൾ അറിഞ്ഞിരിക്കേണ്ട എല്ലാ വിശദാംശങ്ങളും

ഉൾനാടൻ വിക്ടോറിയ

• വീടു സന്ദർശനത്തിനുള്ള ബബ്ളുകൾ പിൻവലിക്കും. രണ്ടു പേരെയും, അവർക്കൊപ്പമുള്ള കുട്ടികളെയും വീടു സന്ദർശനത്തിന് അനുവദിക്കും. ഏതു വീട്ടിൽ നിന്നുള്ളവരുമാകാം ഇത്.
• റെസ്റ്റോറന്റുകളും കഫെകളും: ഔട്ട്ഡോറിൽ 70 പേരും, ഇൻഡോറിൽ 40 പേരും ഉൾപ്പെടുത്തി തുറന്ന് പ്രവർത്തിക്കാം
• കെട്ടിടങ്ങൾക്ക് പുറത്തുള്ള മതപരമായ ചടങ്ങുകൾക്ക് 20 പേർ വരെ
• ഇൻഡോർ നീന്തൽക്കുളങ്ങളിൽ 18 വയസിൽ താഴെയുള്ളവരെ അനുവദിക്കും. പരമാവധി 20 പേർ
• ലൈബ്രറികളും, കളിപ്പാട്ട ലൈബ്രറികളും തുറക്കും. പരമാവധി 20 പേർ

നവംബർ 2 തിങ്കൾ മുതൽ

• നാലു സാഹചര്യങ്ങളിൽ മാത്രമേ വീട്ടിൽ നിന്ന് പുറത്തിറങ്ങാവൂ എന്ന നിയന്ത്രണം പിൻവലിക്കും. ഫലത്തിൽ, എന്തു കാര്യത്തിനും വീട്ടിൽ നിന്ന് പുറത്തിറങ്ങാം
• വീടു സന്ദർശത്തിനുള്ള ബബ്ൾ ഒഴിവാക്കും. രണ്ടു പേർക്കും, അവർക്കൊപ്പമുള്ള കുട്ടികൾക്കും ദിവസത്തിൽ ഒരു തവണ വീടു സന്ദർശിക്കാം. അതായത്, ഏതെങ്കിലും ഒരു കുടുംബത്തിന് ദിവസം ഒരു തവണ വീടു സന്ദർശിക്കാം. എല്ലാ ദിവസവും ഒരേ കുടുംബം തന്നെയാകണമെന്നില്ല.
• റീട്ടെയിൽ വിൽപ്പന സ്ഥാപനങ്ങൾ തുറക്കും
• റെസ്റ്റോറന്റുകളും കഫേകളും – കെട്ടിടങ്ങൾക്കുള്ളിൽ 20 പേരും, പുറത്ത് 50 പേരും ഉൾപ്പെടുത്തി പ്രവർത്തിക്കാം
• ബ്യൂട്ടി പാർലറുകൾ തുറക്കും
• 18 വയസിനു മേലുള്ളവർക്ക് ശാരീരിക സമ്പർക്കമില്ലാത്ത കായിക ഇനങ്ങളും, 18 വയസിൽ താഴെയുള്ളവർക്ക എല്ലാ കായിക മത്സരങ്ങളും തുടങ്ങും
• വിവാഹങ്ങളിൽ 10 പേർ വരെ
• മരണാനന്തര ചടങ്ങുകളിൽ 20 പേർ വരെ

നിലവിലേതു പോലെ കുറഞ്ഞ രോഗബാധയുമായി ഈയാഴ്ചയും മുന്നോട്ടുപോയാൽ, നവംബർ ഒന്ന് എന്നുള്ളത് നേരത്തേയാക്കാൻ കഴിയുമെന്നും പ്രീമിയർ പ്രതീക്ഷ പ്രകടിപ്പിച്ചു.

ഇത് അടുത്ത ഞായറാഴ്ച പ്രഖ്യാപിക്കും.

ഉൾനാടൻ വിക്ടോറിയയിൽ സ്ഥലമോ വീടോ ഉള്ള മെൽബൺകാർക്ക്, കാട്ടുതീ സീസണു മുമ്പുള്ള സുരക്ഷാ നടപടികൾക്കായി അവിടേക്ക് യാത്ര ചെയ്യാം.

ഇതിനായി പ്രത്യേക നടപടിക്രമങ്ങളുണ്ടാകും. കൗൺസിലുകളുടെ നിർദ്ദേശ പ്രകരാമാണ് ഇത് ചെയ്യേണ്ടതെന്ന് പ്രീമിയർ വ്യക്തമാക്കി

People in Australia must stay at least 1.5 metres away from others. Check your jurisdiction's restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080.

News and information is available in 63 languages at sbs.com.au/coronavirus.

Please check the relevant guidelines for your state or territory: NSW, Victoria, Queensland, Western Australia, South Australia, Northern Territory, ACT, Tasmania.