വിക്ടോറിയയിൽ സ്രോതസ് ഏതെന്നറിയാത്ത കൊറൊണവൈറസ് ബാധകൾ കൂടുന്നതായി സംസ്ഥാന സർക്കാർ വെളിപ്പെടുത്തി.
സംസ്ഥാനത്ത് 372 പേർക്കാണ് പുതുതായി വൈറസ്ബാധ സ്ഥിരീകരിച്ചത്. ഇതിൽ 51 പേർക്കും എവിടെ നിന്നാണ് വൈറസ്ബാധിച്ചത് എന്ന് വ്യക്തമല്ല.
അജ്ഞാത രോഗബാധ അഥവാ mystery cases എന്നാണ് സംസ്ഥാന ആരോഗ്യവകുപ്പ് ഇതിനെ വിശേഷിപ്പിക്കുന്നത്.
വിക്ടോറിയയിൽ ഇപ്പോൾ സജീവമായിട്ടുള്ള 7,842 കേസുകളിൽ 3,119ഉം ഇത്തരം അജ്ഞാത കേസുകളാണ്.
അതായത്, സംസ്ഥാനത്ത് രോഗബാധ സ്ഥിരീകരിക്കുന്നതിൽ അഞ്ചിലൊന്ന് കേസുകളിലും സ്രോതസ് ഏതാണെന്ന് വ്യക്തമാകുന്നില്ലെന്ന് പ്രീമിയർ ഡാനിയൽ ആൻഡ്ര്യൂസ് അറിചിച്ചു.
ഇവരുടെ വീടുളിലോ, ജോലിസ്ഥലത്തോ കൊവിഡ് ബാധയുള്ളതോ, രോഗലക്ഷണങ്ങളുള്ളതോ ആയ മറ്റാരെയും കണ്ടെത്താൻ കഴിഞ്ഞിട്ടില്ല. ഇവർ സന്ദർശിച്ച സ്ഥലങ്ങളിലും മറ്റു കേസുകളില്ലെന്നും ചീഫ് ഹെൽത്ത് ഓഫീസർ ബ്രെറ്റ് സട്ടൻ ചൂണ്ടിക്കാട്ടി.
ഇത്തരം അജ്ഞാത രോഗബാധയിൽ 20 വയസിനും 29 വയസിനും ഇടയിൽ പ്രായമുള്ളവരാണ് ഏറ്റവും കൂടുതലെന്നും അദ്ദേഹം. ചൂണ്ടിക്കാട്ടി.
ഏറ്റവും പ്രായം കുറഞ്ഞ മരണം
വിക്ടോറിയയിൽ 14 പുതിയ മരണങ്ങളാണ് റിപ്പോർട്ട് ചെയ്തത്. ഇതിൽ ഒരാൾ 20 വയസിനും 30 വയസിനും ഇടയിൽ പ്രായമുള്ള ഒരു യുവാവാണ്.
രാജ്യത്തെ ഏറ്റവും പ്രായം കുറഞ്ഞ കൊവിഡ് മരണമാണ് ഇത്.
കഴിഞ്ഞയാഴ്ച 30 വയസിനു മേൽ പ്രായമുള്ള ഒരാളും വിക്ടോറിയയിൽ മരിച്ചിരുന്നു.
മറ്റു മരണങ്ങളെല്ലാം 80 വയസിനു മേൽ പ്രായമുള്ളവരാണ്. ആകെ 14 മരണങ്ങളിൽ 12ഉം ഏജ്ഡ് കെയർ കേന്ദ്രങ്ങളുമായി ബന്ധമുള്ളവരാണെന്നും പ്രീമിയർ അറിയിച്ചു.
“പേഷ്യന്റ് സീറോ” ഹോട്ടൽ മാനേജർ
ഓസ്ട്രേലിയയിൽ വൈറസിന്റെ രണ്ടാം വ്യാപനം എങ്ങനെ തുടങ്ങി എന്ന കാര്യത്തിൽ കൂടുതൽ രേഖകൾ പുറത്തുവന്നു.
വിദേശത്തു നിന്ന് തിരിച്ചെത്തിയവരെ ക്വാറന്റൈൻ ചെയ്തിരുന്ന ഹോട്ടലിലെ സെക്യൂരിറ്റി ഗാർഡിൽ നിന്നാണ് വൈറസ് സമൂഹത്തിലേക്ക് വ്യാപിച്ചത് എന്നായിരുന്നു ഇതുവരെയുള്ള റിപ്പോർട്ടുകൾ.
എന്നാൽ സെക്യൂരിറ്റി ഗാർഡല്ല ഈ പേഷ്യന്റ് സീറോ എന്ന് വ്യക്തമാക്കുന്ന ഇമെയിൽ സന്ദേശങ്ങൾ ചോർന്നുകിട്ടിയതായി ദ ഏജ് ദിനപത്രം റിപ്പോർട്ട് ചെയ്തു.
ഒരു ഹോട്ടൽ ജീവനക്കാരനിൽ നിന്നാണ് വൈറസ് പുറത്തേക്ക് വ്യാപിച്ചത് എന്ന് ഇമെയിലുകൾ വ്യക്തമാക്കുന്നു ദ ഏജ് റിപ്പോർട്ട്
മെൽബണിലെ സ്വാൻസ്റ്റൺ സ്ട്രീറ്റിലുള്ള റിഡ്ജസ് ഹോട്ടലിൽ രാത്രിസമയ മാനേജരായി ജോലി ചെയ്തയാൾക്കാണ്, വിദേശത്തു നിന്ന് തിരിച്ചെത്തിയ യാത്രക്കാരിൽ നിന്ന് വൈറസ് ആദ്യം ബാധിച്ചത്.
ഈ ജീവനക്കാരനിൽ നിന്നാണ് മറ്റു സഹപ്രവർത്തകരിലേക്കും അവരുടെ കുടുംബങ്ങളിലേക്കും വൈറസ് പടർന്നത് എന്നാണ് റിപ്പോർട്ട്.
മേയ് 25ന് ഈ മാനേജർക്ക് പനിയുണ്ടാവുകയും, തൊട്ടടുത്ത ദിവസം കൊവിഡ് ബാധ സ്ഥിരീകരിക്കുകയും ചെയ്തു.
എന്നാൽ ഈ മാനേജർ അനുവദനീയമല്ലാത്ത രീതിയിൽ ഹോട്ടലിലെ താമസക്കാരുമായി ഇടപഴകിയതായി സൂചനയില്ല.
തുടർന്നുള്ള ദിവസങ്ങളിലാണ് ഹോട്ടലിലെ സെക്യൂരിറ്റി ഗാർഡുമാരോടും, മറ്ര് ജീവനക്കാരോടും പരിശോധന നടത്താനും വീടുകളിൽ ഐസൊലേറ്റ് ചെയ്യാനും നിർദ്ദേശിച്ചതെന്നും ദ ഏജ് റിപ്പോർട്ട് ചൂണ്ടിക്കാട്ടി.

Rydges hotel on Swanston Street Source: Google maps
എന്നാൽ അതിനിടയിൽ തന്നെ അഞ്ച് സെക്യൂരിറ്റി ഗാർഡുമാർക്ക് വൈറസ് ബാധിക്കുകയും, അവർ അത് അറിയാതെ സമൂഹത്തിലെ മറ്റുള്ളവർക്ക് നൽകുകയും ചെയ്തിരുന്നു.
എസ് ബി എസ് മലയാളം ഇന്നത്തെ വാർത്ത – ഓസ്ട്രേലിയൻ മലയാളി അറിയേണ്ട എല്ലാ വാർത്തകളും (തിങ്കൾ-വെള്ളി 8pm)
ഹോട്ടൽ സുരക്ഷക്കായി വിക്ടോറിയൻ സർക്കാർ നിയോഗിച്ച സെക്യൂരിറ്റി ഗാർഡുമാർ ക്വാറന്റൈനിൽ കഴിഞ്ഞവരുമായി അടുത്തിടപഴകിയെന്നും, അതിലൂടെയാണ് വൈറസ് വ്യാപിച്ചത് എന്നുമായിരുന്നു ഇതുവരെയുള്ള റിപ്പോർട്ടുകൾ.
ഇതിന്റെ പേരിൽ വിക്ടോറിയൻ സർക്കാരിനെതിരെ ശക്തമായ ആരോപണമാണ് ഉയരുന്നത്.
അതേസമയം, ഹോട്ടൽ ജീവനക്കാരനാണോ പേഷ്യന്റ് സീറോ എന്ന കാര്യം വ്യക്തമാക്കാൻ പ്രീമിയർ ഡാനിയൽ ആൻഡ്ര്യൂസ് വിസമ്മതിച്ചു. ഇത് അന്വേഷണ സമിതി പരിശോധിക്കുമെന്ന് അദ്ദേഹം വാർത്താ സമ്മേളനത്തിൽ പറഞ്ഞു.
Metropolitan Melbourne residents are subject to Stage 4 restrictions and must comply with a curfew between the hours of 8pm and 5am. During the curfew, people in Melbourne can only leave their house for work, and essential health, care or safety reasons.
Between 5am and 8pm, people in Melbourne can leave the home for exercise, to shop for necessary goods and services, for work, for health care, or to care for a sick or elderly relative. The full list of restrictions can be found here. All Victorians must wear a face covering when they leave home, no matter where they live.
People in Australia must stay at least 1.5 metres away from others. Check your state’s restrictions on gathering limits.
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at