ഓസ്ട്രേലിയിയൽ ഏറ്റവുമധികം കൊറോണവൈറസ് ബാധിതരുള്ള സംസ്ഥാനമാണ് ന്യൂ സൗത്ത് വെയിൽസ്.
തിങ്കളാഴ്ച രാത്രി എട്ടു മണി വരെയുള്ള 24 മണിക്കൂറിൽ 6048 പേർക്കാണ് സംസ്ഥാനത്ത് വൈറസ് പരിശോധന നടത്തിയത്. എന്നാൽ ഇതിൽ ഒരാൾക്ക് പോലും വൈറസ് സ്ഥിരീകരിച്ചിട്ടില്ല.
എല്ലാവർക്കും ഫലം നെഗറ്റീവായിരുന്നു.
മാർച്ച് അഞ്ചിനു ശേഷം ഇതാദ്യമായാണ് സംസ്ഥാനത്ത് ഒരാൾക്ക് പോലും വൈറസ് സ്ഥിരീകിക്കരിക്കാത്ത ഒരു ദിവസം.
3053 പേർക്കാണ് ഇതുവരെ സംസ്ഥാനത്ത് വൈറസ്ബാധ സ്ഥിരീകരിച്ചത്. 44 മരണങ്ങളും സംസ്ഥാനത്തുണ്ടായി.
വൈറസ് ബാധ കുറഞ്ഞതിനാൽ സംസ്ഥാനത്തെ നിയന്ത്രണങ്ങളിൽ ഇളവു നൽകിത്തുടങ്ങുന്ന കാര്യം പ്രീമിയർ ഗ്ലാഡിസ് ബെറെജെക്ലിയൻ ഞായറാഴ്ച പ്രഖ്യാപിച്ചിരുന്നു. ഇളവുകൾ നൽകുന്നതോടെ സംസ്ഥാനത്തെ രോഗബാധ കൂടാൻ സാധ്യതയുണ്ടെന്നും പ്രീമിയർ മുന്നറിയിപ്പ് നൽകിയിട്ടുണ്ട്.
സാമൂഹിക അകലം പാലിക്കലും വ്യക്തി ശുചിത്വവും തുടർന്നാൽ മാത്രമേ സ്ഥിതി മെച്ചമായി തുടരൂ എന്നും സർക്കാർ വ്യക്തമാക്കി.
സംസ്ഥാനത്തെ സ്കൂളുകളിൽ ഈയാഴ്ച മുതൽ കുട്ടികളും തിരിച്ചെത്തി തുടങ്ങി. ആഴ്ചയിൽ ഒരു ദിവസം വീതമാണ് കുട്ടികൽ സ്കൂളിലെത്തുന്നത്.
People in Australia must stay at least 1.5 metres away from others. Check your state’s restrictions on gathering limits. Testing for coronavirus is now widely available across Australia.
If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080. The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at .
