കൊറോണവൈറസ് ആശങ്കയെ തുടര്‍ന്ന് സൂപ്പര്‍മാര്ക്കറ്റുകളില്‍ സാധനങ്ങള്‍ കിട്ടാതായ സാഹചര്യം ആരോഗ്യമേഖലയില്‍ പ്രവര്‍ത്തിക്കുന്നവരെ രൂക്ഷമായി ബാധിച്ചിരുന്നു.
ഇത് കണക്കിലെടുത്താണ് അവര്‍ക്കായി പ്രത്യേക ഷോപ്പിംഗ് സമയം നീക്കിവയ്ക്കാന്‍ കോള്‍സ് തീരുമാനിച്ചത്.
ചൊവ്വാഴ്ചകളിലും വ്യാഴാഴ്ചകളിലും രാവിലെ സ്റ്റോര്‍ തുറന്ന് ആദ്യ ഒരു മണിക്കൂറായിരിക്കും ഇത്.
ഡോക്ടര്‍മാര്‍, നഴ്‌സുമാര്‍, പാരാമെഡിക് ജീവനക്കാര്‍, മറ്റ് ആശുപത്രി ജീവനക്കാര്‍, അഗ്നിശമന സേനാംഗങ്ങള്‍, പോലീസുകാര്‍ എന്നിവര്‍ക്ക് ഇത് ഉപയോഗിക്കാം. ഈ വ്യാഴാഴ്ച മുതലാകും ഈ പ്രത്യേക ഷോപ്പിംഗ് സമയം നിലവില്‍ വരിക.
യൂണിഫോം ധരിച്ചുവേണം ആരോഗ്യമേഖലാ ജീവനക്കാര്‍ ഷോപ്പിംഗിനായി പോകാനുള്ളത്.
Seniors have been making the most of "community hour" in Australian supermarkets. Source: AAP
അല്ലെങ്കില്‍ ഐഡന്റിറ്റി കാര്‍ഡുകള#് കൈവശം കരുതണം.
ഭൂരിഭാഗം സ്‌റ്റോറുകളും രാവിലെ ഏഴു മണിക്കാണ് തുറക്കുന്നത്.
പ്രമുഖ സൂപ്പര്‍മാര്‍ക്കറ്റ് ശൃംഖലകളായ കോള്‍സും വൂള്‍വര്‍ത്സും നേരത്തേ പ്രായമായവര്‍ക്കും മറ്റ് ബുദ്ധിമുട്ടുകള്‍ നേരിടുന്നവര്ക്കുമായി പ്രത്യേക സൗകര്യങ്ങള്‍ ഏര്‍പ്പെടുത്തിയിരുന്നു.
