വിക്ടോറിയയുടെ എല്ലാ ഭാഗത്തും മാസ്ക് നിർബന്ധമാക്കിയതിനു പിന്നാലയൊണ് ന്യൂ സൗത്ത് വെയിൽസിലും മാസ്ക് ഉപയോഗിക്കാൻ സർക്കാർ നിർദ്ദേശിക്കുന്നത്.
എന്നാൽ മാസ്ക് ഉപയോഗം നിർബന്ധമാക്കിയിട്ടില്ല.
നാല് സാഹചര്യങ്ങളിലുള്ളവർ മാസ്ക് ഉപയോഗിക്കണം എന്നാണ് പ്രീമിയർ ഗ്ലാഡിസ് ബെറെജെക്ലിയന്റെ നിർദ്ദേശം.
- അടച്ചിട്ട മുറികളിലോ മറ്റു സാഹചര്യങ്ങളിലോ സാമൂഹിക അകലം പാലിക്കൽ പ്രായോഗികമല്ലെങ്കിൽ - പൊതുഗതാഗത മാർഗ്ഗങ്ങളോ, ഷോപ്പിംഗോ പോലുള്ള സമയത്ത്.
- ഹോസ്പിറ്റാലിറ്റി, ചെറുകിട വ്യാപാരം തുടങ്ങിയ മേഖലകളിൽ ഉപഭോക്താക്കളുമായി നേരിട്ട് ഇടപെടുന്ന ജീവനക്കാർ
- ആരാധനാലയങ്ങളിൽ
- കൊവിഡ് സാമൂഹിക വ്യാപനം കൂടിയ മേഖലകളിലും, വൈറസ് ബാധിതരുടെ എണ്ണം കൂടിയ മേഖലകളിലും
കൊറോണവൈറസ് ബാധ കൂടുതൽ അപകടകരമാകാവുന്ന വിഭാഗത്തിൽപ്പെടുന്നവർ എല്ലാ സമയത്തും മാസ്ക് ധരിക്കണമെന്നും പ്രീമിയർ പറഞ്ഞു.
പ്രായം കൂടിയവർ, മറ്റു രോഗങ്ങളുള്ളവർ എന്നിവരോടാണ് ഈ നിർദ്ദേശം.
മാസ്ക് ധരിക്കുന്നത് നിർബന്ധമാക്കേണ്ട എന്നാണ് ആരോഗ്യവകുപ്പ് തീരുമാനിച്ചിരിക്കുന്നതെന്നും, എന്നാൽ ഈ ഉപദേശം ജനങ്ങൾ പാലിക്കുമെന്ന് ഉറപ്പുണ്ടെന്നും പ്രീമിയർ ഗ്ലാഡിസ് ബെറെജെക്ലിയൻ പറഞ്ഞു.
രോഗബാധ തടയുന്നതിനുള്ള നാലാമത്തെ മാർഗ്ഗം എന്ന രീതിയിലാണ് സർക്കാർ മാസ്ക് ഉപയോഗം പ്രോത്സാഹിപ്പിക്കുന്നത്. സുഖമില്ലാത്തപ്പോൾ വീട്ടിലിരിക്കുക, സാമൂഹിക അകലം പാലിക്കുക, കൈകൾ ശുചിയായി സൂക്ഷിക്കുക എന്നതിനൊപ്പമാണ് ഈ നിർദ്ദേശവും.
അടുത്ത ഏതാനും ആഴ്ചകളാകും സംസ്ഥാനത്തിന് നിർണായകമെന്നും പ്രീമിയർ പറഞ്ഞു.
ആരോഗ്യവകുപ്പ് നൽകുന്നതിനെക്കാൾ കൂടുതൽ നിയന്ത്രണങ്ങൾ ആരോഗ്യസംരക്ഷണം മുൻനിർത്തി സ്വകാര്യ ബിസിനസുകൾ നടപ്പാക്കിയാൽ, അതിനെ സർക്കാർ പിന്തുണയ്ക്കുമെന്നും പ്രീമിയർ അറിയിച്ചു.
സംസ്ഥാനത്ത് 12 പേർക്കാണ് ഇന്ന് പുതുതായി വൈറസ്ബാധ സ്ഥിരീകരിച്ചത്.
People in Australia must stay at least 1.5 metres away from others. Check your state’s restrictions on gathering limits.
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at
