ജനുവരി ഒന്ന് 11:59 വെള്ളിയാഴ്ച അർദ്ധരാത്രി മുതൽ ന്യൂ സൗത്ത് വെയിൽസുമായുള്ള അതിർത്തി അടക്കുമെന്ന് ആക്ടിങ് പ്രീമിയർ ജസീന്ത അലന്‍ പ്രഖ്യാപിച്ചു.
വൊളംഗോംഗിംൽ നിന്നും ബ്ലൂ മൗന്റെൻസിൽ നിന്നും വ്യാഴാഴ്ച്ച അർദ്ധ രാത്രി വരെ വിക്ടോറിയയിൽ തിരിച്ചെത്താൻ കഴിയും.
വെള്ളിയാഴ്ച്ച അർദ്ധരാത്രി മുതൽ ന്യൂ സൗത്ത് വെയിൽസുമായുള്ള അതിർത്തി വിക്ടോറിയ അടക്കും.
ഗ്രെറ്റർ സിഡ്‌നിയും നോർതേൺ ബീച്ചസും നിലവിൽ റെഡ് സോൺ പരിധിയിലാണ്.
വൊളംഗോംഗും ബ്ലൂ മൗന്റെൻസും ഇന്ന് അർദ്ധ രാത്രിയോടെ റെഡ് സോൺ പരിധിയിൽ ഉൾപ്പെടും.
വെളിയാഴ്ച്ച അർധരാത്രിക്ക് മുൻപ് ന്യൂ സൗത്ത് വെയില്സിലുള്ള വിക്ടോറിയക്കാരോട് തിരിച്ചെത്താനാണ് നിർദ്ദേശം.
അതിര്‍ത്തി അടയ്ക്കുന്നതിന് തൊട്ടുമുമ്പുള്ള 24 മണിക്കൂറുകളില്‍ തിരിച്ചെത്തുന്നവര്‍
പരിശോധനക്ക് വിധേയരായ ശേഷം പതിനാല് ദിവസം ക്വാറന്റൈൻ ചെയ്യണം.
അതിർത്തി അടച്ചതിന് ശേഷം വിക്ടോറിയയിൽ തിരിച്ചെത്തുന്നവർ ഹോട്ടൽ ക്വാറന്റൈൻ ചെയ്യണം.
തിരിച്ചെത്തുന്നവർ 24 മണിക്കൂറിനുള്ളിൽ പരിശോധനക്ക് വിധേയരാവുകയും പതിനാല് ദിവസത്തെ ക്വാറന്റൈൻ ചെയ്യണമെന്നുമാണ് നിർദ്ദേശം.
പുതുവത്സരത്തോടനുബന്ധിച്ചുള്ള പരിപാടികൾ തടസ്സപ്പെടുമെങ്കിലും നിയന്ത്രണങ്ങൾ അനിവാര്യമാണെന്ന് ആക്ടിങ് പ്രീമിയർ പറഞ്ഞു.
അതെ സമയം വിക്ടോറിയയിൽ കെട്ടിടങ്ങള്‍ക്കുള്ളില്‍ മാസ്‌ക് ധരിക്കുന്നത് വീണ്ടും നിര്‍ബന്ധമാക്കി.
സ്വന്തം വീട്ടില്‍ അല്ലാതെ, മറ്റേത് കെട്ടിടത്തിനുള്ളിലും മാസ്‌ക് ധരിക്കണമെന്ന് ആക്ടിംഗ് പ്രീമിയര്‍ ജസീന്ത അലന്‍ പറഞ്ഞു.
വീട്ടില്‍ നിന്ന് പുറത്തിറങ്ങുമ്‌പോള്‍ മാസ്‌ക് നിര്‍ബന്ധമായും കൈവശം കരുതണമെന്നും ആക്ടിംഗ് പ്രീമിയര്‍ നിര്‍ദ്ദേശിച്ചു.
വീടുകളില്‍ ഒത്തുകൂടാവുന്നവരുടെ എണ്ണവും കുറച്ചിട്ടുണ്ട്. 30ല്‍ നിന്ന് 15 ആയാണ് ഇത് കുറച്ചത്.
People in Australia must stay at least 1.5 metres away from others. Please check the relevant guidelines for your state or territory: , , , , , , , .
If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at .
