ഓസ്ട്രേലിയ ഇപ്പോൾ ഒരു “സംരക്ഷിത ദ്വീപായി” (island sanctuary) തുടരുകയാണെന്ന് ഗ്രെഗ് ഹണ്ട് എ ബി സി റേഡിയോയോട് പറഞ്ഞു.
പല രാജ്യങ്ങളിലും കൊറോണവൈറസ് ബാധ വലിയ തോതിൽ വർദ്ധിക്കുകയാണ് എന്ന കാര്യം അദ്ദേഹം ചൂണ്ടിക്കാട്ടി. ആഗോള തലത്തിൽ വൈറസ് ബാധിതരുടെ എണ്ണം 90 ലക്ഷം കടന്നിട്ടുണ്ട്.
ഈ സാഹചര്യത്തിൽ രാജ്യത്തിന്റെ അതിർത്തികൾ വളരെക്കാലത്തേക്ക് അടച്ചിടേണ്ടി വരുമെന്ന് അദ്ദേഹം പറഞ്ഞു. എന്നാൽ എത്രകാലമായിരിക്കും ഇതെന്ന് മന്ത്രി വ്യക്തമാക്കിയില്ല.
ഒരുപക്ഷേ കൊറോണവൈറസിന് വാക്സിൻ കണ്ടെത്തുന്നതു വരെ അതിർത്തികൾ അടച്ചിടേണ്ടി വന്നേക്കുമെന്നും അദ്ദേഹം സൂചിപ്പിച്ചു.
രാജ്യത്ത് വൈറസ്ബാധ രൂക്ഷമായ സാഹചര്യത്തിലാണ് മാർച്ച് അവസാന വാരം ഓസ്ട്രേലിയൻ അതിർത്തികൾ അടച്ചത്.
ഓസ്ട്രേലിയക്കാർ വിദേശയാത്ര ചെയ്യരുത് എന്നാണ് സർക്കാർ നിർദ്ദേശം.
ഓസ്ട്രേലിയൻ പൗരൻമാരും റെസിഡന്റുകളും അല്ലാതെ മറ്റാരെയും രാജ്യത്തേക്ക് വരാനും അനുവദിക്കുന്നില്ല.
അടിയന്തര സാഹചര്യങ്ങളിൽ പ്രത്യേക ഇളവുകളോടെ മാത്രമേ മറ്റുള്ളവർക്ക് യാത്ര ചെയ്യാൻ കഴിയൂ.
വിദേശ വിദ്യാർത്ഥികളെ ജൂലൈ മുതൽ പരീക്ഷണാടിസ്ഥാനത്തിൽ ഓസ്ട്രേലിയയിലേക്ക് കൊണ്ടുവരാൻ തീരുമാനിച്ചിട്ടുണ്ടെങ്കിലും, മറ്റുള്ളവരുടെ യാത്ര വൈകും എന്നാണ് ആരോഗ്യമന്ത്രി വ്യക്തമാക്കിയത്.
വിക്ടോറിയയിൽ വീണ്ടും വൈറസ് ബാധ കൂടിയതോടെ ഓസ്ട്രേലിയൻ സംസ്ഥാനങ്ങളുടെ അതിർത്തികൾ തുറക്കുന്ന നടപടിയും വൈകുകയാണ്.
ഓഗസ്റ്റ് എട്ടിന് അതിർത്തി തുറക്കാൻ തീരുമാനിച്ചിരുന്നെങ്കിലും, വിക്ടോറിയയിലെ രണ്ടാം വ്യാപനം കണക്കിലെടുത്ത് ഇത് മാറ്റിവയ്ക്കുകയാണെന്ന് വെസ്റ്റേൺ ഓസ്ട്രേലിയ പ്രീമിയർ മാർക്ക് മക്ക്ഗവൻ പ്രഖ്യാപിച്ചു.
വിക്ടോറിയയിലെ സാഹചര്യം നിരീക്ഷിച്ച് മാത്രമേ ഇക്കാര്യത്തിൽ തീരുമാനമെടുക്കൂ എന്ന് ക്വീൻസ്ലാന്റ് സർക്കാരും പ്രഖ്യാപിച്ചിട്ടുണ്ട്.
മെൽബണിൽ വൈറസ്ബാധ രൂക്ഷമാകുന്ന ആറ് ഹോട്ട്സ്പോട്ടുകളിലേക്ക് യാത്ര ചെയ്യുന്നതിനെതിരെ ഫെഡറല് സർക്കാരും വിവിധ സംസ്ഥാന സർക്കാരുകളും മുന്നറിയിപ്പ് നൽകിയിട്ടുമുണ്ട്.
മെൽബണിലേക്ക് യാത്ര ചെയ്യുന്നത് ഒഴിവാക്കുക എന്ന നിർദ്ദേശമാണ് ന്യൂ സൗത്ത് വെയിൽസ് സർക്കാർ നൽകിയിട്ടുള്ളത്.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at .
