Клучни точки
- Кампањата "Запрете го од почеток“ има за цел да го прекине циклусот на насилство преку охрабрување на возрасните да имаат позитивно влијание кај младите
- Мора да престанеме со изговорите и да ги воспитуваме децата на однесување со почит
- Достапни се ресурси кои ќе ви помогнат да се вклучите во разговор
Колку често сме слушнале фрази како „момчињата ќе бидат момчиња“ или „во ред е, го направил тоа само затоа што му се допаѓаш“, за непочитување или агресивно однесување кон девојчињата или жените?
Иако овие изреки на површина изгледаат безопасни, тие несвесно ја нормализираат агресијата како нешто што е вродено кај момчињата или нешто што е провоцирано од девојчињата, велат експертите.
Сите форми на непочитување не водат кон насилство, но знаеме дека насилството започнува со непочитување. Можеме да ставиме крај на овој циклус со тоа што ќе го запреме на самиот почеток.
Што е кампањата "Запрете го од почеток“?
Кампањата е иницијатива на Советот на австралиските влади, чија цел е да се прекине кругот на целото родово насилство.
Кампањата започна во 2016 година, откако станаа достапни шокантни статистички податоци за насилството врз жените и децата.
- Секоја трета жена била жртва на физичко или сексуално насилство, од својата 15-та година, од некој познат.
- Речиси секоја четврта жена била емоционално малтретирана од партнерот уште од 15-годишна возраст.
Знаеме дека на секои 10 дена во просек по една жена е убиена од сегашниот или поранешен партнерЏастин Елиот, помошник министерка за социјални услуги и спречување на семејно насилство
„Единствениот начин да се забележи континуирано намалување е преку силно внимание на национално ниво на решавање на родовата нееднаквост и другите форми на дискриминација и неповолност“, изјави за СБС помошникот министер за социјални услуги и спречување на семејно насилство, Џастин Елиот.
Признавајќи дека однесувањето на младите е под влијание и обликувано од возрасните, негувателите и лицата околу нив со влијание, кампањата е насочена кон родителите и членовите на семејствата на децата меѓу 10-17 години, да размислуваат за нивните ставови и да имаат позитивно влијание.
Препознајте го циклусот на насилство
„Насилството не само што започнува, туку расте“, вели д-р Росина МекАлпаин, експерт за родителство и автор на „Инспирирани деца“.
Откако израснала во дом во кој насилството било пренесено од нејзиниот дедо на нејзиниот татко, д-р МекАлпаин и самата го доживеала циклусот на насилство.
"Нашиот татко беше од генерација каде што веруваа дека дисциплината, физичкото казнување се начин да се пораснат добри деца".
Минатите генерации веруваа дека дисциплината и физичкото казнување се начин да се пораснат добри деца. Credit: FluxFactory/Getty Images
Таа се сеќава дека во лето одела на училиште облечена во панталони и хулахопки за да ги сокрие модриците.
"Но, во тие денови никој ништо не рече, а за нас тоа беше сосема нормално во нашата заедница".
"Можете да научите многу нефункционални работи, а многу луѓе тоа го прават во таа средина. Како деца, ние се индоктринираме за тоа што е семејниот живот, што е прифатливо, а што не е прифатливо, и кој е вистинскиот начин, а кој не е“.
Она што го отежнува прекинувањето на таков циклус е тоа што, како таткото на д-р МекАлпаин и многумина други кои нанесуваат насилство, тие веруваат дека ја прават вистинската работа за да ги воспитат добро своите деца.
Затоа тој циклус може да продолжи бидејќи не знаат друг начин, објаснува таа.
Кога бев помлада, бев загрижена дека ќе бидам како татко ми. Поминав многу години истражувајќи и споделувајќи пристапи за поддршка на родителството. Го прекинав кругот на насилство со моето семејство.Д-р Росина МекАлпајн, експерт за родителство и автор на „Инспирирани деца“.
Престанете со изговорите
Измислувањето изговори за непочитување или агресивно однесување кон девојчињата може да ги обликува ставовите на младите за тоа што е прифатливо.
The на веб-страницата на кампањата илустрира како јазикот може да носи скриено значење.
Така, една навидум безопасна фраза, „момчињата ќе бидат момчиња“ може да се толкува од девојчињата како „тоа е она што го прават момчињата - треба да се навикнам на тоа“ или да ја протолкуваат момчињата дека „ние сме само такви, добро е“.
Д-р МекАлпаин вели, не смееме да ги дозволиме овие изговори и да ги воспитуваме децата за тоа што е однесување со почит.
Родителите и старателите имаат одговорност да ги воспитуваат децата да почитуваат Credit: MoMo Productions/Getty Images
Водете активен, отворен, постојан разговор
Дел од кампањата е да се "охрабри активен, отворен и постојан разговор за односите за почитување и родова еднаквост“, вели г-ѓа Елиот.
"Важно е да се започне тој дијалог".
Дискусиите за непочитување и агресивно однесување со децата никогаш не се лесни. Но, родителите и старателите треба да бидат подготвени да разговараат и често пати да разговараат.
Никогаш не се премногу млади или никогаш не е предоцна да разговарате со вашите децаД-р Росина МекАлпаин
Еден од ресурсите што ги обезбедува кампањата е . Тоа е алатка која ви помага да започнете разговор за да одговорите и да ги разберете одговорите од децата.
Како наставници, како родители, во секоја фаза, важно е да не правете изговори, наместо тоа да се запира и да се воспитува и да се водат тие разговори околу однесувањето со почит.Д-р Росина МекАлпаин
Значи, ако браќата и сестрите се караат, наместо да ја надминат ситуацијата користејќи „изговори“, застанете и испрашајте ги, „дали тоа беше правилно однесување?“, „дали беше тоа со почит?“, „како ќе се чувствувате ако бевте вие?“ сугерира Д-р МекАлпаин.
Исто така, постои список за што им овозможува на родителите и членовите на семејството да го идентификуваат и разберат ставот на детето за почитта, давајќи ви место да започнете разговор.
Решавање на проблемот на културно чувствителен начин
Стапката на насилство врз жените и децата е често повисока во одредени културни и лингвистички разновидни заедници (CALD), како и групи Абориџини и островјани од теснецот Торес, вели г-ѓа Елиот.
Лидерите на CALD заедниците имаат суштинска улога во решавањето на овие прашања на културолошки чувствителен начин.
Марија Димопулос е претседател на Одборот на Safe and Equal, врвно тело за специјализирани услуги за семејно насилство во Викторија.
Таа вели дека кога се осврнуваме на примарната превенција на семејното насилство врз жените и децата во овие заедници, тоа мора да го направиме на начин што „ја препознава улогата на културата и важните начини на кои мултикултурализмот може да влијае врз тие искуства“.
Кампањата Stop it at the Start ја има на повеќе јазици и на домородните ресурси и може да се најде на .
Кампањата работи
"Запрете го од почеток“ оваа година влезе во четврта фаза, а досега спроведената евалуација покажа дека 68 отсто од сите луѓе се сетиле на некој елемент од активноста на кампањата.
"82 отсто од луѓето кои ја видоа кампањата ја разбраа и ја прифатија нивната улога во покажувањето на младите како да се однесуваат со почит“, вели г-ѓа Елиот.
Затоа, ајде да ги воспитуваме нашите деца на однесување со почит. Препознавајќи го циклусот на насилство, можеме да го запреме на самиот почеток и да станеме позитивни примери.
Поддршка и услуги
Ако вие или некој што го познавате е под влијание на сексуално вознемирување или напад, јавете се на 1800RESPECT на 1800 737 732 или одете на
Во итен случај, јавете се на 000.
