После неколку недели непријатно затварање, некои австралиски држави и територии привремено ги намалуваат и враќаат ограничувањата за КОВИД-19.
Тоа доаѓа откако новите бројките на заразени од вирусот секој ден продолжуваат да се намалуваат и кривата на пандемијата во земјата е речиси израмнета.
Но, властите предупредуваат дека сега не е време задоволство.
Нов Јужен Велс
Нов Јужен Велс е дом на повеќе од половината од 6.746 случаи на КОВИД-19 во државата, што резултираше државата да воведе строги правила за остани дома.
Но, како и во остатокот од Австралија, новите случаи се намалија, поради што премиерката Гладис Бериџиклиан најави голема промена на почетокот од оваа недела.
Од петок, на двајца возрасни и на нивните деца ќе им биде дозволено да посетуваат друго домаќинство за да „ја намалат социјалната изолација и да го одржат менталното здравје“.
„Ние не ставивме ограничување за тоа колку далеку можете да патувате за да посетите некој близок, но бараме сите да бидат одговорни - ова не е празник“, рече г-ѓа Берејклиан.
Властите ги повикуваат луѓето да одржуваат социјално растојание и да преземаат дополнителни мерки на претпазливост за хигиена за време на овие посети.
„При посета, состанокот во надворешна околина, како што е домашна градина, двор или веранда, ќе помогне да се намали ризикот“, рече г-ѓа Берејклиан.
Покрај тоа, некои од најпопуларните плажи во Сиднеј, вклучувајќи Бонди и Бронте, се отворија само за пливање и за сурфање.
"[These] beaches remain closed to all land-based activities including social gatherings, sunbaking, walking and jogging," Waverley Council material says.
Но, поголем број од ограничувањата во Нов Јужен Велс сè уште останува на сила.
Покрај промената на посетите на домаќинствата, на жителите им е дозволено само да го напуштат својот дом доколку имаат „разумен изговор“.
набавување храна или други добра и услуги, патувања заради работа или образование ако лицето не може да го стори тоа од дома, вежбање или медицински причини.
Квинсланд
Има добри вести за жителите на Квинсленд кои се борат со здодевноста, со цела низа рекреативни активности да бидат дозволени од овој викенд.
Од сабота, на жителите ќе им биде дозволено да одат на пикник, да одат на возење за несуштински цели, да возат мотор, џетски или брод само за забава, да посетат национален парк и да одат на шопинг за несуштински производи.
Луѓето не треба да патуваат подалеку од 50 километри од дома и само на членовите на исто домаќинство им е дозволено да ги преземат овие активности заедно. Ако живеете сами, можете да се дружите само со една друга личност.
„Ако видиме масовни собири, јас нема да се колебам да ги повлечам одлуките“, рече премиерот Анастасија Палашеј.
Мора да се одржува социјално растојание од 1,5 метри и соодветна хигиена.
Полициската комесарка на Квинсленд, Катарина Керол, изјави дека дополнителни полицајци ќе бидат на патрола овој викенд за да бидат сигурни дека жителите на Квинсланд нема да поминат преку мерките.
„Полицијата ќе биде надвор и ќе праша, дали сте од истото домаќинство, дали ја одржувате далечината, итн“, рече таа.
Северна Територија
Жителите на Северната Територија ќе имаат многу повеќе можности од петок како да ги поминуваат деновите.
Игралишта, јавни базени, некои национални паркови и резервати се меѓу местата кои повторно ќе се отворат, а исто така ќе бидат дозволени и рекреативни активности како што се риболов и голф со пријатели.
Во четвртокот, главниот министер Мајкл Ганер го
Тој најави спортските сали, кафулињата, рестораните и некои барови да бидат отворени на 15 мај, со временски ограничен рок од два часа.
И на 5 јуни, сите бизниси со планови за КОВИД-19 можат да се отворат и на гледачите ќе им биде дозволено да присуствуваат на спортски настани.
„Целата идеја е да се приближиме до нормалата, без да ве ставаме во опасност и без да ставите некои Австралијци во опасност“, рече Гунер.
„Да биде јасно, насоките за социјално растојание од 1,5 метри ќе продолжат да се применуваат на сите места, овие ограничувања не се отстрануваат“.
Олеснителните правила може да обезбедат план за други јурисдикции поради донесувањето одлуки за рестартирање на економската и социјалната активност.
Западна Австралија
Западна Австралија беше првaта држава откако од понеделникот започна претпазливо релаксирање на некои мерки.
На групи од 10 лица сега им е дозволено да се собираат за вежбање, свадби и погреби.
Рекреативни активности како што се излети во паркови, риболов, пловење, пешачење и кампување исто така се дозволени, но луѓето сепак мора да ги почитуваат патните ограничувања.
Инспекциите на куќи за продавање започнаа повторно, а државата ги принудува своите работници од угостителскиот сектор да завршат курс за хигиена за КОВИД-19, додека се подготвуваат да ги отвори баровите и рестораните.
„Ние треба да запомниме дека остануваме во вонредна состојба“, рече премиерот Марк Мекгован пред новинарите во неделата.
Restrictions are starting to be loosened in some states and territories. Source: AAP
„Затоа нашите граници ќе останат затворени подолг временски период. Нашите бројки може да бидат мали, но треба да ги задржиме во тој правец“, рече тој.
„И јас силно ги охрабрувам сите дека мора да продолжат да практикуваат соодветно социјално дистанцирање“.
Викторија
Викторија води претпазлив пристап што значи сè уште ништо не се менува за жителите.
Премиерот Даниел Ендрус рече дека најрано некои ограничувања че можат да бидат укинати на 11-ти мај, кога ќе заврши вонредната состојба.
„Со тие податоци, со тие резултати од тестирањата, ќе имаме опции да олесниме некои ограничувања за кои знам дека се фрустрирачки и предизвикувачки и тешки, но ограничувања што функционираат“, рече тој оваа недела.
„Ова е како двојна проверка. Ова е апсолутно да се осигураме дека не се случува нешто што не знаеме“.
Victorian Premier Daniel Andrews addresses the media during a press conference in Melbourne Source: AAP
Тасманија
Тешкото заклучување на северозападниот дел на Тасманија, кое ги принуди несуштинските трговци на мало да затворат и училиштата да останат затворени, ќе биде олеснета во понеделник.
Дванаесет од 13-те смртни случаи на Тасманија се случија на северо-запад и две третини од вкупно 221 случаи се појавија таму.
„Ширењето на вирусот на северо-запад сега е во голема мерка под контрола“, објави во петокот премиерот Питер Гутвеин.
Олеснувањето на ограничувањата го враќа северо-западниот дел во согласност со остатокот од државата и значи дека трговците на мало, како што се продавниците за облека и белa техника, можат да се отворат за прв пат по три недели.
Premier of Tasmania Peter Gutwein. Source: AAP
Г-н Гутвин истакна дека ограничувањата на целата држава, вклучително и ограничувањата на јавните собири и забраната за несуштински патувања, ќе останат на сила.
Јужна Австралија и Австралиската Капитална Територија
Јужна Австралија сè уште го разгледува својот следен потег и сè уште не објави никакви промени, и покрај тоа што нема забележано нови случаи на коронавирус цела недела.
Државата веќе презеде поблаг пристап во текот на заклучувањето со дозволени собири до 10 лица, додека не се издадени казни за кршење на ограничувањата на коронавирусот.
Австралиската Капитална Територија е исто така непопустлива и се уште не сака да го загрози нискиот број на случаи со било какви промени.
Премиерот Скот Морисон го закажа состанокот на националниот кабинет со лидерите на држави и територии кон средината на мај, велејќи дека ќе биде клучен за укинување на некои социјални и економски стеги што ја зафатија нацијата.
Две години ограничувања?
Промените што ги најавуваат државите и териториите зависат од одржување на социјалното дистанцирање како дел од австралиското „ново нормално“.
Професорот Питер Колињон, експерт за заразни болести на Австралискиот национален универзитет, ги предупреди Австралијците да не се жалат во наредните месеци.
„Причината што успеавме толку добро е што ги запревме гужвите, имавме добро следење, добро тестирање, луѓето ги мијат рацете и физички се дистанцираат ... Огромното мнозинство луѓе беа во согласност со донесените мерки “, рече тој за вестите на СБС .
„Во моментот, ние сме во многу добра позиција, но ако станеме презадоволни, може лесно да се повлечеме од таа добра позиција“.
Професорот Колињон рече дека е особено загрижен за приближувањето на зимата.
„Зимата доаѓа за два месеци и сите респираторни вируси во овaa време се пренесуваат повеќе“.
И, тој рече дека пандемијата нема да заврши во скоро време, што значи дека може да постојат одредени ограничувања долго време.
„Треба да го задржиме ова за следните шест месеци, а можеби дури и за две години“.
Additional reporting: AAP
Тестирањето за коронавирус сега е широко достапно низ Австралија. Доколку имате симптоми на настинка или грип, закажете тест повикувајќи го вашиот лекар или јавете се на телефонската линија за здравствени информации за коронавирус на 1800 020 080.
Апликацијата за следење на коронавирус на Сојузната влада COVIDSafe е достапна за преземање и од апликацијата на вашиот телефон.
СБС е посветена на информирање на различните заедници во Австралија за најновите случувања на COVID-19. Вести и информации се достапни на 63 јазици на
