Низ целата земја, 26 јануари е државен празник, за време на кој многу заедници ќе запалат скара и ќе уживаат во слободен ден, како и во крајот на летните одмори. Тоа е денот кога стотици австралиски граѓани ќе добијат признание со национални почести за нивната општествено корисна работа.
За многу луѓе од Првите нации, денот има многу поинаков тон и е ден на жалост и размислување, бидејќи го означува почетокот на колонијалната инвазија од страна на Британците што резултира со војна, геноцид, расизам и други злосторства со генерации против луѓето од првите, домородни нации.
Наспроти оваа позадина, илјадници нови и постоечки мигрантски заедници ќе го прослават добивањето државјанство во Австралија.
Значи, дали денот заглавен во конфликт, кој го означува доаѓањето на Првата флота, треба да биде истиот датум кога луѓето од мултикултурно потекло го слават единството под австралиското знаме? Тоа е прашање со кое се борат мултикултурните заедници.
„Треба да негуваме чувство на припадност“
Според пописот од 2021 година, над седум милиони луѓе или 29,3 отсто од населението на Австралија, со исклучок на оние чие родно место не е наведено, се родени во странство.
Асефа Бекеле, од етиопската заедница во Сиднеј, има работено со домородната заедница и има голем интерес за историјата на луѓето од Првите нации.
Тој вели дека е многу важно да се негува чувството на припадност кон заедница или нација.
„Мора да има чувство на припадност за секој поединец, секој граѓанин, а особено оние кои дошле од странство и домородните Австралијци кои живееле тука повеќе од 60.000 години“, рече г-дин Бекеле.
„И знаете, подобро е да се сподели историјата, културата и сè и навистина да се развие чувството на припадност и заедништво.
„Немам никаков проблем со промена на датумот, никако. Австралија напредува и времињата се менуваат и луѓето треба да се менуваат со неа.
„Најпосле, на сите ни треба само мир, хармонија и заедништво.
„Погрешен ден за прослава“
Гавин Сомерс припадник на народите Бутчула и Губи Губи, е пејач и текстописец. Тој ја признава важноста да се има ден за славење на Австралија и да се биде Австралиец, но вели дека сегашниот датум е едноставно погрешен ден за прослава.
„Треба да имаме датум што можеме гордо да го славиме, заедно со нашите сојузници, кои се и други мултикултурни групи кои живеат тука“, рече г-дин Сомерс.
„Важно е да се собереме и всушност да го прославиме овој ден на датум со кој всушност сите можеме да се идентификуваме“.
Денот на Австралија генерира тешки прашања
Крег Ригни, припадник на домородните народи Нгаринџери и Каурна, и извршен директор на непрофитна организација на Абориџините “KWY”, воден од заедницата, вели дека Денот на Австралија продолжува да поставува непријатни прашања.
На Денот на Австралија, треба да одвоиме малку време да се запрашаме: ‚Како се гледаме еден со друг?Крег Ригни
“Дали се гледаме себеси во заедничка иднина?”- вели г-дин Ригни.
„Чувствувам дека тоа ќе ги одреди нашите судбини, нашата иднина, како се однесуваме кон себе и како се однесуваме еден со друг“.
Градоначалничката на Советот, Ангелика Панопулос Credit: Angelica Panopoulos
Градоначалничката на Советот, Ангелика Панопулос, вели дека датумот 26 јануари, е тесно поврзан со почетокот на вековната борба за луѓето од првите нации.
“Тоа е денот (во 1788 година) кога капетанот Артур Филип (и Првата флота) дојдоа во Австралија и започнаа отфрлањето и геноцидот “, рече таа.
„Факт е дека сè уште имаме огромни проблеми со меѓугенерациската траума, системскиот расизам и правдата во кривичниот систем, коишто се наследство од оваа (колонизација).
„И затоа е многу важно да слушаме кога луѓето од Првата нација ни кажуваат дека 26 јануари не е ден за славење“.
Г-дин Ригни вели дека е време Австралија да слуша и да научи од оние кои не се чувстуваат пријатно поради актуелниот датум на Денот на Австралија.
„Како дел од оваа заедница, (и) како дел од оваа нација, верувам дека ќе научиме да признаваме, да се сакаме со почит еден со друг и оваа земја што ја нарекуваме Австралија“.
Сепак, тој рече дека прашањето на кој ден треба да слават Австралијците, сè уште е причина за заведеност и поделеност меѓу луѓе.
Тој рече дека сегашното славење Денот на Австралија на 26 јануари е релативно ново и постои ширум Австралија само од 1994 година.
