ទិដ្ឋាការធានាឳពុកម្តាយមានពីរប្រភេទគឺ ការមិនបង់វិភាគទាន(Non-Contributory) និង ការបង់វិភាគទាន (Contributory)
ខណៈដែលទិដ្ឋាការមិនបង់វិភាគទាន () អាចត្រូវចំណាយត្រឹមតែប្រមាណ ៥៩០០ដុល្លារនោះ អ្នកអាចត្រូវរង់ចាំរយៈពេលពី១៨ទៅ៣០ឆ្នាំក្នុងការអនុម័ត។ រីឯ ទិដ្ឋាការបង់វិភាគទាន( )វិញ អ្នកត្រូវចំណាយប្រមាណពី ៤៥០០០ ទៅ ៥៥០០០ដុល្លារសម្រាប់ឳពុក ឬម្តាយម្នាក់ ប៉ុន្តែត្រូវការពេលវេលាតែ២ឆ្នាំប៉ុណ្ណោះ។
Source: SBS
ការធ្វើតេស្តអាកប្បកិរិយានិងសុខភាព
អ្នកត្រូវតែជាប់ការធ្វើតេស្តអាកប្បកិរិយានិងសុខភាពនៅពេលដែលអ្នកដាក់ពាក្យសុំទិដ្ឋាការ ហើយម្តងទៀតនៅពេលដែលអ្នកទទួលបានទិដ្ឋាការ។
Australian visa form Source: AAP
ជម្រើសដទៃទៀតសម្រាប់ឳពុកម្តាយដែលស្ថិតក្នុងអាយុធ្វើការ
ប្រសិនបើឳពុកម្តាយរបស់អ្នកស្ថិតនៅក្នុងអាយុធ្វើការងារនោះ ពួកគេអាចដាក់ពាក្យសុំទិដ្ឋាការបណ្តោះអាសន្នលេខ ១៧៣ ឬក៏ ៨៨៤បាន ដោយការបង់ប្រាក់ដើមដំបូងនោះអស់តែ ២៩១៣០ដុល្លារប៉ុណ្ណោះ ហើយពួកគាត់មានពេល២ឆ្នាំរស់នៅក្នុងប្រទេសអូស្រ្តាលីហើយអាចប្រើប្រាស់ប្រព័ន្ធមេឌីខែនិងមានសិទ្ធិធ្វើការពេញម៉ោង។ ក្នុងពេល២ឆ្នាំនេះពួកគាត់អាចសន្សំបា្រក់ដែលត្រូវការបន្ថែមចំនួន១៩០០០ដុល្លារដើម្បីប្តូរទៅដាក់ពាក្យសុំសិទ្ធិរស់នៅអចិន្ត្រៃយ៍លេខ ១៤៣ដែលជាទិដ្ឋាការបង់វិភាគទានបាន។
Source: Pixabay, Public Domain
អ្នកដាក់ពាក្យសុំទិដ្ឋាការឳពុកម្តាយនេះត្រូវការអ្នកធានាដែលមានសញ្ជាតិអូស្រ្តាលី សិទ្ធិរស់នៅអចិន្រ្តៃយ៍ ឬក៏ជនជាតិណូវ៉ែលហ្សេឡង់ដែលមានសិទ្ធិធានាបាន។
អ្នកក៏ត្រូវការភស្តុតាងបញ្ជាក់ផងដែរថាអ្នករស់នៅទីនេះ ដែលជាទូទៅមានរយៈពេល២ឆ្នាំ។ អ្នកដាក់ពាក្យសុំទិដ្ឋាការក៏ត្រូវតែបំពេញតាមលក្ខខណ្ឌនៃការធ្វើតេស្តសមតុល្យគ្រួសារផងដែរ ដោយតម្រូវឲ្យមានភស្តុតាងបញ្ជាក់ថាសមាជិកគ្រួសាររបស់គាត់ភាគច្រើនរស់នៅក្នុងប្រទេសអូស្រ្តាលី។
Source: Getty Images
អ្នកត្រូវផ្តល់ការធានាពីការទំនុកបម្រុង
ការធានាដល់ការទំនុកបម្រុង គឺជាមូលបត្ររដ្ឋាភិបាលដែលត្រូវកាន់កាប់ដោយ ។ អ្នកដាក់ពាក្យសុំទិដ្ឋាការដោយមានការបង់វិភាគទានត្រូវតំកល់មូលប័ត្រមានតម្លៃជាទឹកប្រាក់១០០០០ដុល្លា សម្រាប់អ្នកដាក់ពាក្យគោល និង៤០០០ដុល្លារសម្រាប់អ្នកបន្ទាប់បន្សំ ហើយមូលប័ត្រនេះត្រូវតម្កល់ទុកនៅCentrelink រយៈពេល១០ឆ្នាំ។ ចំណែកឯអ្នកដាក់ពាក្យសុំទិដ្ឋាការដោយមិនបង់វិភាគទានវិញ ត្រូវតំកល់ប្រាក់ចំនួន៥០០០ដុល្លារសម្រាប់អ្នកដាក់ពាក្យគោល និង២០០០ដុល្លារសម្រាប់អ្នកបន្ទាប់បន្សំ ហើយមូលប័ត្រនេះត្រូវតម្កល់ទុកនៅCentrelink រយៈពេល២ឆ្នាំ។
មានអ្នកដាក់ពាក្យសុំទិដ្ឋាការឳពុកម្តាយដែលចំណាយទាបប្រមាណ ៤ម៉ឺននាក់កំពុងតែរង់ចាំនៅក្នុងបញ្ជី ទិដ្ឋាការមិនបង់វិភាគទាន ()។ ហើយនៅក្នុងឆ្នាំនេះរដ្ឋាភិបាលផ្តល់ទិដ្ឋាការចំនួន១៥០០តែប៉ុណ្ណោះ។ ខណៈដែលទិដ្ឋាការបង់ប្រាក់វិភាគទានខ្ពស់ () មានកន្លែងទំនេរ ៧១៧៥កន្លែង ក្នុងឆ្នាំនេះ ។
Australian currency pictured in Sydney, Thursday, Sept. 11, 2014. (AAP Image/Joel Carrett) NO ARCHIVING Source: AAP
សម្រាប់ព័ត៌មានបន្ថែមពាក់ព័ន្ធនឹងការដាក់ពាក្យសុំទិដ្ឋាការឳពុកម្តាយនេះ សូមចូលទៅកាន់គេហទំព័ររបស់ ។
ស្តាប់របាយការណ៍លំអិត៖
ទិដ្ឋាការធានាឳពុកម្តាយមករស់នៅអូស្រ្តាលីត្រូវចំណាយប្រាក់ច្រើននិងពេលយូរ
