បច្ចុប្បន្នភាពកូវីដ-១៩៖ ការហាមឃាត់ការធ្វើដំណើរមកពីអាហ្វ្រិកខាងត្បូងត្រូវបានច្រានចោលនៅពេលនេះ ខណៈដែលលេចឡើងនូវកូវីដ-១៩អំបូរថ្មី

នេះគឺជាបច្ចុប្បន្នភាពរបស់លោកអ្នក ស្តីពីវីរុសកូរ៉ូណានៅក្នុងប្រទេសអូស្រ្តាលី សម្រាប់ថ្ងៃសុក្រ ទី២៦ ខែវិច្ឆិកា ឆ្នាំ២០២១។

Some European countries have banned travel from some African countries but Australia is not taking the drastic step yet. Source: AAP

អាជ្ញាធរសុខាភិបាលអូស្រ្តាលីបានច្រានចោលនូវការហាមប្រាមការធ្វើដំណើរមកពីអាហ្វ្រិកខាងត្បូងសម្រាប់ពេលនេះ ខណៈដែលលេចចេញនូវវីរុសបំប្លែងថ្មីនៃកូវីដ-១៩ ដែលគួរឲ្យបារម្ភនៅក្នុងប្រទេសនេះ។ វីរុសបំប្លែងថ្មី Mu ឬ B.1.621 នេះមានការបម្រែបម្រួលមួយចំនួនដែលបង្ហាញថា វាអាចនឹងធន់ទៅនឹងថ្នាំវ៉ាក់សាំង។
រដ្ឋវិចថូរៀបានបញ្ចប់ប្រព័ន្ធអនុញ្ញាតការធ្វើដំណើររបស់ខ្លួនសម្រាប់អ្នកដំណើរក្នុងស្រុក។
រដ្ឋញូសៅវែលផ្តល់ជូននូវប័ណ្ណ
Dine & Discover vouchers
បន្ថែមដែលអាចប្រើប្រាស់បានចាប់ពីថ្ងៃនេះតទៅ។ កម្មវិធីនេះត្រូវបានបន្តរហូតដល់ថ្ងៃទី ៣០ ខែមិថុនា ឆ្នាំ២០២២។
រដ្ឋគ្វីនស្លេននិយាយថា ខ្លួនមិនអាច"បើកទ្វារឈូឆរ" បានទេ បើទោះជាក្រោយសម្រេចបានអត្រាចាក់វ៉ាក់សាំង៨០%ក៏ដោយ ព្រោះខ្លួនត្រូវការពារប្រជាជនដែលនៅសេសសល់២០%ទៀត និងកុមារអាយុក្រោម១២ឆ្នាំ។
អង្គការលើកលែងទោសអន្តរជាតិអូស្ត្រាលី និយាយថា វាជា‘ការខកចិត្ត’ ដែល អង្គការលើកលែងទោសអន្តរជាតិចក្រភពអង់គ្លេស ជ្រើសរើសផ្សព្វផ្សាយព័ត៌មានមិនពិតទាក់ទងនឹងតួនាទីរបស់កងកម្លាំងការពារអូស្ត្រាលីក្នុងការងារសង្គ្រោះដែលកំពុងអនុវត្តនៅដែនដីភាគខាងជើង ដែលរងគ្រោះដោយកូវីដ-១៩។

ស្ថិតិឆ្លងថ្មីនៃកូវីដ-១៩៖

រដ្ឋវិចថូរៀបានកត់ត្រាករណីឆ្លងថ្មីក្នុងស្រុកចំនួន ១,៣៦២ករណី និងស្លាប់៧នាក់។

រដ្ឋញូសៅវែលកត់ត្រា ២៦១ករណីថ្មីនៅក្នុងសហគមន៍។

រដ្ឋធានីដែនដីអូស្រ្តាលីកត់ត្រាករណីឆ្លងថ្មី ៨ករណី។

ការធ្វើចត្តាឡីស័កនិងការរឹតបន្តឹងនានានៅតាមរដ្ឋនិមួយៗ៖

ស្វែងរកនូវអ្វីដែលអ្នកអាចធ្វើបាន និងអ្វីដែលអ្នកមិនអាចធ្វើបាននៅក្នុងរដ្ឋឬដែនដីរបស់អ្នក

ការធ្វើដំណើរ៖

ព័ត៌មានសម្រាប់អ្នកធ្វើដំណើរអន្តរជាតិ

និងកូវីដ-១៩ និង ព័ត៌មាននៃការធ្វើដំណើរជា

ភាសាផ្សេងក្រៅពីអង់គ្លេស។

ជំនួយហិរញ្ញវត្ថុ៖

មានការផ្លាស់ប្តូរចំពោះប្រាក់ជំនួយគ្រោះមហន្តរាយកូវីដ-19 (COVID-19 Disaster Payment) នៅពេលដែលរដ្ឋនីមួយៗឈានដល់អត្រាចាក់វ៉ាក់សាំងពេញលេញ ៧០% និង ៨០%។