អូស្ត្រាលីបានបោះឆ្នោត "NO" នៅក្នុងការបោះឆ្នោតប្រជាមតិ សំឡេងជនជាតិដើមភាគតិចទៅកាន់សភា

សំណើសំឡេងជនជាតិដើមភាគតិចទៅកាន់សភា ត្រូវបានបរាជ័យនៅក្នុងការបោះឆ្នោតប្រជាមតិលើកដំបូងរបស់ប្រទេសអូស្ត្រាលី ក្នុងរយៈពេលជាងពីរទសវត្សរ៍មកនេះ។

Ballot papers are seen at a counting centre in Melbourne, Saturday, October 14, 2023. Australians will vote in a referendum on October 14 on whether to enshrine an Indigenous voice in the country's constitution. (AAP Image/Con Chronis) NO ARCHIVING Source: AAP / CON CHRONIS/AAPIMAGE

Key Points

• ការបោះឆ្នោតប្រជាមតិសំឡេងជនជាតិដើមភាគតិចទៅកាន់សភា ទទួលបានលទ្ធផលជាមួយនឹង ការបោះឆ្នោត "NO" យ៉ាងច្រើនលើសលុប។
• រដ្ឋទាំងប្រាំមួយ ជាមួយនឹងដែនដីភាគខាងជើង បានបោះឆ្នោត 'NO' ខណៈ ដែល ACT បានបោះឆ្នោត 'YES' ។
• លោកនាយករដ្ឋមន្ត្រី Anthony Albanese បានជំរុញឱ្យប្រជាជនអូស្ត្រាលីរួបរួមគ្នា។

ពលរដ្ឋអូស្ត្រាលីបានច្រានចោលសំណើមួយដែលសុំដាក់សំឡេងជនជាតិដើមភាគតិចទៅកាន់សភាចូលក្នុងរដ្ឋធម្មនុញ្ញ។

ការបោះឆ្នោត 'NO' ត្រូវបានកត់ត្រានៅក្នុងរដ្ឋទាំងប្រាំមួយ និងដែនដីភាគខាងជើង ក្នុងអំឡុងពេលធ្វើប្រជាមតិជាប្រវត្តិសាស្ត្រកាលពីថ្ងៃសៅរ៍។

ការបោះឆ្នោត 'NO' ក៏កំពុងតែនាំមុខនៅក្នុងការរាប់សន្លឹកឆ្នោតទូទាំងប្រទេសផងដែឬ។

ដែនដីរដ្ឋធានីអូស្រ្តាលី (ACT) គឺជាយុត្តាធិការតែមួយគត់ដែលកត់ត្រាការបោះឆ្នោត 'YES' ។

LISTEN TO

សំឡេង “NO” ឈ្នះដាច់នៅក្នុងការបោះឆ្នោតសំឡេងជនជាតិដើមទៅកាន់សភា

SBS Khmer

15/10/202306:14

Play

លោកនាយករដ្ឋមន្រ្តី Anthony Albanese ដែលខកចិត្តជាខ្លាំងបានទទូចថា លទ្ធផលនេះ "មិនកំណត់និយមន័យរបស់យើងទេ ហើយវានឹងមិនបែងចែកពួកយើងដែរ" ។

"ឥឡូវនេះវាអាស្រ័យលើយើងទាំងអស់គ្នាក្នុងការមកជាមួយគ្នា និងស្វែងរកផ្លូវមួយផ្សេងទៀត ទៅកាន់គោលដៅផ្សះផ្សាដូចគ្នានេះ"។

Australian Prime Minister Anthony Albanese delivers a statement on the outcome of the Voice Referendum at Parliament House.

មេដឹកនាំបក្សប្រឆាំង លោក Peter Dutton បានអំពាវនាវឱ្យប្រទេសនេះរួបរួមគ្នា ដោយចាត់ទុកការបោះឆ្នោតប្រជាមតិថាជាលំហាត់មួយដែលអូស្ត្រាលី "មិនចាំបាច់ត្រូវធ្វើ"។

លោកបានបន្តថា៖ «សំណើនិងដំណើរការនេះ គួរតែត្រូវបានរៀបចំឡើងដើម្បីបង្រួបបង្រួមប្រជាជនអូស្ត្រាលី មិនមែនដើម្បីបំបែកបំបាក់យើងទេ»។

Opposition Leader Peter Dutton and Shadow Minister for Indigenous Australians Senator Jacinta Price address the media following the referendum. Source: AAP / JONO SEARLE/AAPIMAGE

ជនជាតិដើមភាគតិចអូស្ត្រាលីមួយចំនួនកំពុងធ្វើការ "ស្ងប់ស្ងាត់មួយសប្តាហ៍" បន្ទាប់ពីលទ្ធផលនៃការបោះឆ្នោតនេះ ខណៈដែលអ្នកផ្សេងទៀតកំពុងសម្លឹងរកមើលអ្វីដែលនឹងកើតឡើងបន្ទាប់។

រដ្ឋមន្ត្រីជនជាតិដើមភាគតិចអូស្ត្រាលី និងជាអ្នកតស៊ូមតិ 'YES' លោកស្រី Linda Burney បាននិយាយថា លោកស្រីមានទំនុកចិត្តថា អ្នកជំនាន់ថ្មីនៃមេដឹកនាំជនជាតិដើមភាគតិចនឹងលេចឡើងក្រោយការបោះឆ្នោតនេះ។

លោក Nyunggai Warren Mundine អ្នកធ្វើយុទ្ធនាការ”NO”ដ៏លេចធ្លោមួយរូបបាននិយាយថា លទ្ធផលនេះបានបង្ហាញថា ប្រជាជនអូស្ត្រាលីចង់ធ្វើការងារដែល ទាក់ទងនឹងបញ្ហាដែលកំពុងប្រឈមនៅក្នុងសហគមន៍ជនជាតិដើមភាគតិច។

លោកបានបន្តថា៖ «ប្រជាជនត្រូវតែឈប់បិទភ្នែកបិទត្រចៀកចំពោះអំពើហិង្សា ការរំលោភបំពាន ការគ្រប់គ្រងដោយបង្ខិតបង្ខំ និងអាកប្បកិរិយាបំផ្លិចបំផ្លាញ ដែលកើតមាននៅក្នុងសហគមន៍ជនជាតិដើមភាគតិចមួយចំនួន»។

ទទួលបាននូវព័ត៌មានអំពីការបោះឆ្នោតប្រជាមតិសំឡេងជនជាតិដើមភាគតិចទៅកាន់សភាឆ្នាំ 2023នេះ ពីទូទាំងបណ្តាញ SBS Network រួមមានទាំងទស្សនៈយល់ឃើញរបស់ប្រជាជន​ដើមដំបូង​ First Nations តាមរយៈ NITV ។

សូមចូលទៅកាន់ SBS Voice Referendum portal 

សូមចូលមើលវិបផតថលរបស់ SBS Voice Referendum ដើម្បីចូលមើលអត្ថបទ វីដេអូ និងផតខាស្តិ៍ជាង 60 ភាសា ឬការផ្សាយអំពីព័ត៌មាន និងការវិភាគចុងក្រោយបង្អស់ ឯកសារ និងការកម្សាន្តដោយឥតគិតថ្លៃ នៅ Voice Referendum hub on SBS On Demand ៕