ဘၣ်မနုၤပှၤသးစၢ်သ့ၣ်တဖၣ်လိၣ်ဘၣ်စ့ၢ်ကီး တၢ်မၤကွၢ်ပီးလီ လၢပှံာ်ကဖုခဲစၢၣ်တၢ်ဆါအဂီၢ်လဲၣ်?

ပှၤအီစထြ့လယါလၢအဒိးန့ၢ်ဘၣ်ကလီ တၢ်မၤကွၢ်ပီးလီ လၢပှံာ်ကဖုခဲစၢၣ်တၢ်ဆါအဂီၢ်သ့ၣ်တဖၣ် တၢ်ပာ်ပနီၣ်ပာ်အီၤလၢအသးနံၣ် ၅ဝဆူအဖီခိၣ် နာ်သက့ ခဲကနံၣ်အံၤ ကီၢ်စၢဖှိၣ်ပဒိၣ်တၢ်ဟ့ၣ်ကူၣ်ဟ့ၣ်ဖးအဖီလာ်န့ၣ်စံးဝဲဒၣ်လၢ တၢ်ကဘၣ်မၤစှၤလီၤအသးနံၣ် လၢအဘၣ်စးထီၣ်အီၤဖဲ ပှၤသးနံၣ် ၄၅နံၣ်ဒီးဆူအဖီခိၣ်န့ၣ်လီၤ.

ပှံာ်ကဖုခဲစၢၣ်တၢ်ဆါ Source: Getty / Getty Images

ခဲကနံၣ်အံၤန့ၣ် ပှၤအီစထြ့လယါလၢအသးနံၣ်အိၣ် ၅ဝ ဆူအဖီခိၣ်သ့ၣ်တဖၣ် တၢ်ဆှၢန့ၢ်ကလီအဝဲသ့ၣ် တၢ်မၤကွၢ်ပီးလီ လၢပှံာ်ကဖုတၢ်ဆါအဂီၢ် ခံနံၣ်တဘျီန့ၣ်လီၤ.

မ့ၢ်လၢတၢ်ဆါအံၤဟဲအါထီၣ်ဖဲပှၤသးစၢ်သ့ၣ်တဖၣ်အကျါဃိ တၢ်အံၤကဲထီၣ်ဝဲဒၣ် တၢ်ဃ့ထီၣ်လၢ တၢ်သမံသမိးတၢ်ဆါအံၤအတၢ်ရဲၣ်တၢ်ကျဲၤ ကဘၣ်ဟ့ၣ်လီၤစ့ၢ်ကီး တၢ်သမံသမိးကွၢ်ပီးလီအံၤလၢပှၤသးစၢ်သ့ၣ်တဖၣ်အဂီၢ်န့ၣ်လီၤ.