တၢ်ပာ်ဖျါထီၣ်ခိသွဲစရီအဆၢကတီၢ်ဘူးထီၣ်လံအဃိ တၢ်ဟ့ၣ်ပလီၢ် ပှၤလၢအမၤအါထီၣ်တၢ်ဖံးတၢ်မၤသ့ၣ်တဖၣ်

ဖဲလၢတၢ်ဆၢကတီၢ်ဘူးထီၣ်လၢ တၢ်ကဘၣ်ပာ်ဖျါထီၣ်က့ၤ ခိသွဲစရီကတီၢ်အံၤ - အီစထြ့လယါခိသွဲဝဲၤဒၢး — Australian Taxation Office ပာ်ဖျါထီၣ်ဝဲဒၣ် တၢ်ပဲၤထံနီၤဖး ကျိၤကျဲလၢ တၢ်ကသ့ၣ်ညါနၢ်ပၢၢ်အါထီၣ် တၢ်ပာ်ဖျါထီၣ်ခိသွဲစရီအဂ့ၢ်ဒီး မၤလီၤတံၢ်လၢ ပှၤကိးဂၤဒဲး ဟ့ၣ်လီၤခိသွဲဒ်သိးလၢအဝဲသ့ၣ် ဘၣ်ကြၢးဟ့ၣ်အီၤအသိးန့ၣ်လီၤ.

The Australian Taxation Office in Sydney Source: AAP

ပှၤအိၣ်ဆိးဖဲအီစထြ့လယါကီၢ်ပူၤသ့ၣ်တဖၣ် လၢအဝဲသ့ၣ် တၢ်အိၣ်တၢ်ဆိး အတၢ်လၢၤဘူၣ်လၢၤစ့သ့ၣ်တဖၣ်အဂီၢ်န့ၣ် ဘၣ်ထဲးဂံၢ်ထဲးဘါသပှၢ်ပှၢ်အဃိ, တၢ်မၤအါထီၣ် တၢ်ဖံးတၢ်မၤအသီတခါန့ၣ် ကဲထီၣ်ဝဲဒၣ် တၢ်မၤတကလုာ်လၢ တၢ်မၤအီၤအါ ဘၣ်သူၣ်ဘၣ်သးအီၤအါန့ၣ်လီၤ.

အဃိန့ၣ် ခဲကနံၣ်အံၤ မ့ၢ်လၢတၢ်ဆၢကတီၢ်ဘူးထီၣ်လၢ တၢ်ကဘၣ်ပာ်ဖျါထီၣ်ကဒါက့ၤ ကျိၣ်စ့ ခိသွဲစရီအဃိ ပှၤလၢအအိၣ်ဒီး တၢ်မၤအဂၤတခါ မၤတၢ်မၤအါန့ၢ်တခါသ့ၣ်တဖၣ် တၢ်ပာ်အီၤလၢ တၢ်မၤနီၣ်အပူၤ န့ၣ်လီၤ.