ကလုာ်ဒူၣ်ဆဲးလၤအါကလုာ်အတၢ်အိၣ်ဖှိၣ်သကိးလၢကသ့ၣ်ညါအါထီၣ်ဘၣ်ဃးတၢ်ဟံးန့ၢ်ကမျၢၢ်တၢ်ပာ်သးVoice Referendumအဂ့ၢ်

ကလုာ်ဒူၣ်ဆဲးလၤအါကလုာ်အပှၤတဝၢခၢၣ်စးလၢအပၣ်ဃုာ်ကလုာ်ဒူၣ်လၢအဟဲန့ၢ်လၢကီၢ်ပယီၤ— ကညီ, ကရ့ၣ်နံၣ်ဒီး ခၠီ သ့ၣ်တဖၣ်သ့ၣ်တဖၣ်လဲၤပာ်ဖှိၣ်ထီၣ်အသးဖဲ ဝ့ဒၢၣ်ကီၣ်ကးကရၢဝဲၤလီၢ်အပူၤ ဒ်အမ့ၢ်တၢ်လဲၤထီၣ်ဒိကနၣ်ဘၣ်ဃး တၢ်ကမၤတၢ်ဟံးန့ၢ်ကမျၢၢ်တၢ်ပာ်သး Voice referendum လၢတၢ်ကဒုးအိၣ်ထီၣ် ပှၤထူလံၤဖိအခၢၣ်စးဖဲဘျီၣ်ဒိၣ်အပူၤ လၢအဘၣ်တၢ်သ့ၣ်ညါအီၤဒ်အမ့ၢ် The Voice to Parliament န့ၣ်လီၤ.

Culturally and Linguistically Diverse - CALD communities gathering for better understanding of Referendum on the Voice to Parliament, Wyndham Civic Centre, Werribee, 26th June 2023. Source: SBS Karen

တၢ်လၢ Voice to Parliament န့ၣ်အခီပညီမ့ၢ်ဝဲဒၣ် ပှၤထူလံၤဖိ လၢအမ့ၢ်ပှၤအဘီရကၠ့ၣ်နၢၣ်ဒီး ထီရ့ၣ်စထြ့ၣ်ကီးဖိသ့ၣ်တဖၣ် အတၢ်ဃ့ထီၣ်လၢ တၢ်ကပာ်ပနီၣ်အဝဲသ့ၣ်ဖဲ အီစထြ့လယါထံကီၢ်သဲစးတၢ်ဘျၢခိၣ်သ့ၣ်အပူၤဒီး အိၣ်ဒီးခၢၣ်စးဖဲဘျီၣ်ဒိၣ်အပူၤ လၢအကတဲဖျါထီၣ်ဘၣ်ဃး တၢ်ဂ့ၢ်တၢ်ကျိၤလၢ အဒိဘၣ်မၤဟူး မၤဘၣ်ဒိဘၣ်ထံးပှၤထူလံၤဖိသ့ၣ်တဖၣ်န့ၣ်လီၤ.

အဃိဒ်သိးကန့ၢ်ဘၣ် တၢ်တူၢ်လိာ်ပာ်ပနီၣ်အံၤအဂီၢ် တၢ်ကဟံးန့ၢ်ကမျၢၢ်တၢ်ဘၣ်သးလၢအမ့ၢ်တၢ်ကိးအီၤလၢ Voice Referendum န့ၣ်လီၤ ဖဲတၢ်မၤ Voice Referendum — တၢ်ဟံးန့ၢ်ကမျၢၢ်တၢ်ဘၣ်သးလၢ တၢ်ကပာ်ပနီၣ်ပှၤထူလံၤဖိအတၢ်ဃ့ထီၣ် Voice to Parliament ခၢၣ်စးဖဲဘျီၣ်ဒိၣ်ပူၤအံၤကန့ၢ်အဂီၢ် ကမျၢၢ်သ့ၣ်တဖၣ် ကဘၣ်ဟ့ၣ်ထီၣ်ဝဲဒၣ် အဝဲသ့ၣ်တၢ်ပာ်သးလၢအမ့ၢ် “Yes” လၢအခီပညီမ့ၢ်ဝဲ ဘၣ်သးတူၢ်လိာ်ဆီၣ်ထွဲဝဲဒၣ် ပှၤထူလံၤဖိအတၢ်ဃ့ထီၣ်အံၤ ဒီး မ့မ့ၢ် “No” အခီပညီမ့ၢ်ဝဲ တဘၣ်သးတူၢ်လိာ်ဆီၣ်ထွဲ ပှၤထူလံၤဖိအတၢ်ဃ့ထီၣ်အံၤဘၣ်န့ၣ်လီၤ.