Victoria ကညီတဝၢမၤလၤကပီၤကညီနံၣ်သီ ၂၇၆၂နံၣ်

ကညီဖိလၢအအိၣ်ဆိးဖဲအီစထြ့လယါကီၢ် ဝံးထိရံယါကီၢ်စဲၣ်အပူၤသ့ၣ်တဖၣ် ဖဲလါဒံၤစဲဘၢၣ်အသီ ၁ဝ တနံၤအံၤ ပာ်ဖှိၣ်မၤလၤကပီၤသကိးဝဲ ကညီနံၣ်ထီသီ ၂၇၆၂ ဖဲ Horsham တၢ်လီၢ်လၢအအိၣ်ဖဲ ဝံးထိရံယါကီၣ်စဲၣ်မုၢ်နုာ်တကပၤန့ၣ်လီၤ. ဖဲတၢ်ဆါသံသတြိာ် COVID-19 ကဲထီၣ်ဝံၤအလီၢ်ခံ တၢ်အံၤမ့ၢ်တၢ်မၤလၤကပီၤဘၣ်က့ၤ ကညီနံၣ်သီလၢမဲာ်သကိးမဲာ် အဆိကတၢၢ်တဘျီန့ၣ်လီၤ.

ကညီ “ဒိ” တၢ်ဂဲၤကလံၣ်ဖဲဝံးထိရံယါကညီတဝၢတၢ်မၤလၤကပီၤကညီနံၣ်ထီၣ်သီ ၂၇၆၂နံၣ်, တၢ်လီၢ်—Horsham, ၁ဝ/၁၂/၂ဝ၂၂ တၢ်ဂီၤ— AKP

ဒ်အညီနုၢ်အသိး နံၣ်ထီၣ်သီမူးအပူၤ အိၣ်ဝဲဒီး ကညီလုၢ်လၢ်ထူသနူတၢ်ဂဲၤကလံၣ် “ဒိ”, ဒီးလုၢ်လၢ်ဆဲးလၤတၢ်ဟူးတၢ်ဂဲၤအဂုၤအဂၤသ့ၣ်တဖၣ်န့ၣ်လီၤ. တနံၤအံၤတၢ်မၤလၤကပီၤနံၣ်ထီၣ်သီအပူၤ ကမျၢၢ်ဘူးထီၣ်လၢ ၅ဝဝ ဃၣ်ဃၣ် လဲၤပာ်ဖှိၣ်ထီၣ်အသးမၤလၤကပီၤသကိးကညီနံၣ်ထီၣ်သီအဂ့ၢ်န့ၣ် အီစထြ့လယါကညီကရၢ — ဝံးထိရံယါကီၢ်စဲၣ် ပှၤပၢၤလီၢ်ဆ့ၣ်နီၤ သရၣ်တီဒိၣ်မူ တဲဘၣ်ဝဲဒၣ် အဲးစ်ဘံအဲးစ်ကညီကျိာ်တၢ်ရဲၣ်တၢ်ကျဲၤန့ၣ်လီၤ.