စ့အ့ၣ်အါထီၣ်သတူၢ်ကလာ် တချုးတၢ်ပာ်ဖျါ ကီၢ်စၢဖှိၣ်ပဒိၣ်စ့တိာ်ပာ်

လီၢ်ခၢၣ်သးစ့တၢး, Reserve Bank of Australia (RBA) ပတုာ်ဃာ် တၢ်မၤအါထီၣ်စ့အ့ၣ် တလါဝံၤအလီၢ်ခံ ဖဲမဟါ လါမ့ၤ ၂သီအနံၤန့ၣ် မၤအါထီၣ်ကဒီးဝဲ စ့အ့ၣ်အသီတဘျီကဒီးအဃိ ဒုးအိၣ်ထီၣ်တၢ်လီၤကမၢကမၣ်လၢ တၢ်ဆါတၢ်ပှ့ၤဖၠါသ့ၣ်တဖၣ်အဂီၢ်န့ၣ်လီၤ.

The Reserve Bank of Australia building in Sydney, Tuesday, June 4, 2019. Source: AAP

တၢ်ဆၢတဲာ်အံၤ ဘၣ်တၢ်မၤအီၤတချုးဖဲဆူမဲာ်ညါတနွံအတီၢ်ပူၤ တၢ်ဒုးသ့ၣ်ညါလီၤ ကီၢ်စၢဖှိၣ်ပဒိၣ်စ့တိာ်ပာ် ဒ်ဘၣ်အခါန့ၣ်လီၤ.

စးထီၣ်လၢအပူၤကွံာ်တနံၣ်လါမ့ၤအတီၢ်ပူၤန့ၣ် လီၢ်ခၢၣ်သးစ့တၢး မၤအါထီၣ်ဝဲဒၣ် စ့အ့ၣ် တပယူၤဃီအဘျီ ၁ဝ ဝံၤ ဖဲအပူၤကွံာ်တလါန့ၣ် ပတုာ်ဆိပာ်စၢၤဝဲတစိၢ်ဖိဝံၤအလီၢ်ခံ ခဲကနံၣ်အံၤ မၤအါထီၣ်ကဒီးဝဲဒၣ်စ့အ့ၣ်အသီတဘျီကဒီးန့ၣ်လီၤ.

ခဲကနံၣ်အံၤ စ့အ့ၣ်အမျးကယၤန့ၣ် အိၣ်ဝဲဒၣ်ဖဲ ၃.၈၅ မျးကယၤ, ဒီးစးထီၣ်လၢ ၂ဝ၁၂နံၣ်လါအ့ဖြ့ၣ်န့ၣ် မ့ၢ်စ့အ့ၣ်လၢအအါကတၢၢ်န့ၣ်လီၤ.