ထံကဆှီလၢဖိသၣ်ကိးဂၤဒဲးအဂီၢ်တၢ်တိာ်ကျဲၤမူဒါခိၣ် ဒိးန့ၢ်ဘၣ် ၂ဝ၂၁ ပဒိၣ်မါရှၤခိၣ်နၢ်သးစၢ်တၢ်လၤကပီၤ

စီၤသ့ဂ့ၤမူ — Safe Water for Every Child - Myanmar တၢ်တိာ်ကျဲၤ ပှၤပၢဆှၢတၢ်မူဒါခိၣ် ဒိးန့ၢ်ဘၣ် ၂ဝ၂၁ ပဒိၣ်မါရှၤခိၣ်နၢ်သးစၢ်တၢ်လၤကပီၤအခိၣ်ဖး (2021 Padoh Mahn Sha Young Leader Award) Photo: Phan Foundation

အဲးစ်ဘံအဲးစ် ကညီ

View Podcast Series

Get the SBS Audio app

Other ways to listen

ဖဲလါအီကူး ၁၁သီ မုၢ်လ့ၢ်ဧိၤအနံၤန့ၣ် ဖါဖီၣ်ဒ့ရှၢၢ် (Phan Foundation) ဘိးဘၣ်ရၤလီၤလၢ စီၤသ့ဂ့ၤမူလၢအမ့ၢ် ပှၤပၢဆှၢတၢ်မူဒါခိၣ်ဖဲ တၢ်ဟ့ၣ်ထံကဆှီလၢဖိသၣ်ကိးဂၤဒဲးအဂီၢ် ဒိးန့ၢ်ဘၣ် ၂ဝ၂၁ ပဒိၣ်မါရှၤခိၣ်နၢ်သးစၢ်တၢ်လၤကပီၤအခိၣ်ဖး (2021 Padoh Mahn Sha Young Leader Award) န့ၣ်လီၤ။

ညီနုၢ်န့ၣ် တၢ်ဟ့ၣ်လၤကပီၤအံၤ ဘၣ်တၢ်ဘိးဘၣ်သ့ၣ်ညါဒီး ဟ့ၣ်လီၤဝဲဒၣ်တၢ်လၤကပီၤအံၤ ဖဲတၢ်ဆၢကတီၢ်လၢအဘူးဒီး လါဖ့ၤဖြူၤအါရံၤ ၁၄သီ လၢအမ့ၢ်မုၢ်နံၤလၢတၢ်ကူၣ်မၤသံ ပဒိၣ်မါရှါလါဖါအခါန့ၣ်လီၤ။ နာ်သက့ဖဲဖါဖီၣ်ဒ့ရှၢၣ်တၢ်ဘိးဘၣ်သ့ၣ်ညါလီၤအပူၤန့ၣ် စံးဝဲလၢ ၂ဝ၂၁ နံၣ်အဂီၢ် တၢ်ဘိးဘၣ်သ့ၣ်ညါလီၤဒီးဟ့ၣ်လီၤတၢ်လၤကပီၤစဲၤခံဝဲဒၣ် ခီဖျိ COVID-19 တၢ်ဆါသံသတြိာ် အတၢ်အိၣ်သးသ့ၣ်တဖၣ်အဃိန့ၣ်လီၤ။

ကညီသးစၢ် စီၤသ့ဂ့ၤမူ မ့ၢ်ပှၤပၢဆှၢတၢ်မူဒါခိၣ်ဖဲ Safe Water for Every Child - Myanmar တၢ်တိာ်ကျဲလၢအမ့ၢ် တၢ်ဟ့ၣ်လီၤထံကဆှီလၢဖိသၣ်ကိးဂၤဒဲးအဂီၢ် ဒီး အဝဲမ့ၢ်စ့ၢ်ကီး ပှၤမၤသကိးတၢ်လီၢ်လံၤဖဲ ကညီကၠိဖိပှာ်ဘျးစဲကရူၢ်တဂၤန့ၣ်လီၤ။

Interview: Karen medic tells his experiences of working in Myanmar, Iraq and Syria