Refugee Week 2023: Bendigo ကညီသးစၢ်ဟ့ၣ်နီၤလီၤအဝဲသ့ၣ်တၢ်မုၢ်လၢ်ကွၢ်စိ

တနံၣ်အံၤ ၂ဝ၂၃နံၣ် လါယူၤ ၁၈သီတုၤ ၂၄သီန့ၣ် တၢ်ပာ်ပနီၣ်အီၤဒ်အမ့ၢ် ပှၤဘၣ်ကီဘၣ်ခဲအနွံအသိး ကညီဘၣ်ကီဘၣ်ခဲ ပှၤသးစၢ် လၢအဟဲတုၤအိၣ်ဆိးဖဲ ဘဲဒံၢ်ကိၣ်ဝ့ၢ် ဘံးထိရံယါကီၢ်စဲၣ် အပူၤသ့ၣ်တဖၣ် အိၣ်ဒီးတၢ်ရဲၣ်တၢ်ကျဲၤလီၤဆီ လၢအကပာ်ဖျါထီၣ် ကညီဘၣ်ကီဘၣ်ခဲသးစၢ်အတၢ်ဟ့ၣ်နီၤလီၤဒီး ဒိးသူကဒါက့ၤအဝဲသ့ၣ်တၢ်သ့တၢ်ဘၣ် ဆူပှၤတဝၢလၢအဝဲသ့ၣ်အိၣ်ဆိးအီၤအပူၤ အဂ့ၢ်သ့ၣ်တဖၣ်န့ၣ်လီၤ.

Bendigo Karen Youth Network - Our Australian Dream: Sharing with Love. Sources: SBS Karen

တနံၣ်အံၤ ပှၤဘၣ်ကီဘၣ်ခဲအနွံ အတၢ်ဂ့ၢ်မိၢ်ပှၢ် အခိၣ်တီန့ၣ်မ့ၢ်ဝဲဒၣ် “Finding Freedom” န့ၣ်လီၤ.

စးထီၣ်ဖဲလါယူၤ ၁၈သီအနံၤန့ၣ် ဘဲၢ်ဒံၢ်ကိၢ်ကညီသးစၢ်ပှာ်ဘျးစဲ (Bendigo Karen Youth Network — BKYN) ကထုးထီၣ်ရၤလီၤဝဲဒၣ် တၢ်ကွဲးလၢအပာ်ဖျါထီၣ် ပှၤသးစၢ်လၢအအိၣ်ဖဲ ဘဲၢ်ဒံၢ်ကိၢ်ဝ့ၢ် ဒီး မၤတၢ်ဖံးတၢ်မၤဖဲပှၤတဝၢအပူၤ လၢအသနၢၣ်လီၤဆီလိာ်သးအကလုာ်ကလုာ်အဂ့ၢ်သ့ၣ်တဖၣ်န့ၣ်လီၤ. တၢ်တိၤကျဲၤလၢ တၢ်ကထုးထီၣ်ရၤလီၤ တၢ်ကွဲးဖျါတဘျီအံၤန့ၣ် ကိးဝဲဒၣ်အမံၤလၢအမ့ၢ် "Our Australian Dream: Sharing with Love" န့ၣ်လီၤ.