တၢ်အိၣ်ဆိးဆီလီၤအတၢ်နဲၣ်ကျဲ - တၢ်ရဲၣ်ကျဲၤ တၢ်ကဲမိၢ်ကဲပၢ် ဖဲလီၤဖးဝံၤအလီၢ်ခံ

ဖဲဟံၣ်ဖိဃီဖိသဲစးတၢ်ဘျၢဝဲၤကျိၤ Family Law Act အဖီလာ်န့ၣ် ဖဲမိၢ်ပၢ်သ့ၣ်တဖၣ် မၤလီၤဖှၣ်ကွံာ်သး မ့တမ့ၢ် မၤလီၤဖးကွံာ်သးဝံၤအလီၢ်ခံ ဖိသ့ၣ်တဖၣ် တၢ်အိၣ်မုာ်ဆိးပၢၤအဂီၢ် တၢ်နဲၣ်ကျဲအိၣ်ဝဲဒၣ်လၢမိၢ်ပၢ်သ့ၣ်တဖၣ်ကဘၣ်တဲသကိးလူၤပိာ်ထွဲမၤပိာ်ထွဲအီၤန့ၣ်လီၤ.

Credit: MSJ

ဖိသၣ်လၢအသးနံၣ်အိၣ် ၁၈နံၣ်ဆူအဖီလာ်န့ၣ် အဝဲကအိၣ်ဆိးတၢ်လီၢ်ဖဲလဲၣ်န့ၣ် မၤဝဲဒၣ်တၢ်ဆၢတဲာ်လၢအနီၣ်ကစၢ်ဒၣ်ဝဲတန့ၢ်ဘၣ်. ဘၣ်ဃးအတၢ်ဘံၣ်တၢ်ဘၢ တၢ်ပူၤဖျဲး တၢ်အံးထွဲကွၢ်ထွဲအီၤအဂီၢ်န့ၣ် မိၢ်ပၢ်သ့ၣ်တဖၣ် ကဘၣ်အိၣ်ဒီး တၢ်သးလီၤပလိာ် ရဲၣ်ကျဲၤမၤအီၤ မူးမူးနီၣ်နီၣ်န့ၣ်လီၤ.