ဖဲအပူၤကွံာ်စှၤကိးသီအတီၢ်ပူၤန့ၣ် ကညီဘၣ်ကီဘၣ်ခဲအသီဟဲတုၤအါထီၣ်စှၤကိးဒူၣ်န့ၣ်လီၤ။
ပှၤဟဲတုၤသီသ့ၣ်တဖၣ်အကျါအံၤပၣ်ဃုာ်ဒီး စီၤဘူရဲၣ် အဟံၣ်ဖိဃီဖိစ့ၢ်ကီးန့ၣ်လီၤ။
စီၤဘူရဲၣ် အဟံၣ်ဖိဃီဖိမ့ၢ်ကညီဘၣ်ကီဘၣ်ခဲဟဲန့ၢ်လၢနိၣ်ဖိပှၤဘၣ်ကီဘၣ်ခဲဒဲကဝီၤ လၢအအိၣ်သူၣ်လီၤအသးဖဲကၠီၣ်တဲၣ်—ကီၢ်ပယီၤကီၢ်ဆၢ ဖဲ Tak ကီၢ်ရ့ၣ်တၢ်ပၢအပူၤန့ၣ်လီၤ။
စီၤဘူရဲၣ် လၢအသးနံၣ်အိၣ် ၃၈ နံၣ် ဒီး အမါ နီၣ်မုၢ်တၢ်ကပီၤ လၢအသးနံၣ်အိၣ် ၃၇နံၣ် ဃုာ်ဒီးအဖိ သၢဂၤ ဟဲတုၤဖဲ အီစထြ့လယါကီၢ် ဝံးထိရံယါတၢ်ပၢ မဲလ်ဘၢဝ့ၢ် ဖဲအပူၤကွံာ်တနွံန့ၣ်လီၤ။
ခဲကနံၣ်အံၤအဝဲသ့ၣ်အိၣ်ဆိးဒ်ဝဲဒၣ်ဖဲအတံၤသကိးဟံၣ်နာ်သက့ အဝဲသ့ၣ် ဒီမိၢ်ဝၤခံဂၤအိၣ်ဒီးတၢ်မုၢ်လၢ်လၢအဖိသၢဂၤကန့ၢ်ထီၣ်ဘၣ်ကၠိမၤလိဘၣ်တၢ်ဂ့ၤဂ့ၤဘၣ်ဘၣ်ဒီး န့ၢ်ဘၣ်တၢ်အိၣ်မူလၢအဂ့ၤန့ၢ်ဒ်ဝဲဒၣ်လၢဘၣ်ကီဘၣ်ခဲဒဲကဝီၤအပူၤန့ၣ်လီၤ။ အဖိမုၣ်အဒိၣ်ကတၢၢ်တဂၤဒီး အဖိခွါဖိခံဂၤ အဝဲသ့ၣ်သၢဂၤလၢၤ အိၣ်ဖျါသးဖှံသးမုာ်လၢအဟဲတုာ်အိၣ်ဆိးဘၣ်ဖဲ ထံကီၢ်လၢအပှဲၤဒီးတၢ်မုာ်တၢ်ခုၣ် တၢ်အီၣ်ကုၤအီပှဲၤအပူၤန့ၣ်လီၤ။
