ဖဲအီစထြ့လယါကီၢ်ပူၤအံၤ ပအိၣ်ဝဲဒၣ်ဒီး ကရၢသဘျ့လၢ အရဲၣ်ကျဲၤတၢ်ဃုထၢ တၢ်ဟ့ၣ်တၢ်ဖး ကျိၤကျဲသနူန့ၣ်လီၤ။ အဝဲန့ၣ်မ့ၢ်ဝဲဒၣ် အီစထြ့လယါတၢ်ဃုထၢခီမ့ရှၢၣ် န့ၣ်လီၤ။ တၢ်ဃုထၢခီမ့ရှၢၣ်အံၤ သုးကျဲၤမၤလီၤတံၢ်န့ၢ် ပှၤအီစထြ့လယါဖိလၢအဟ့ၣ်တၢ်ဖးန့ၢ်လံကိးဂၤဒဲးသ့ၣ်တဖၣ် ကန့ၢ်ဘၣ်ဝဲဒၣ်တၢ်ခွဲးတၢ်ယာ်လၢ်တၢ်ဟ့ၣ်တၢ်ဖးအဂီၢ် ဒ်သိးကပာ်ဖျါထီၣ်ဝဲဒၣ်ပကီၢ်စၢဖှိၣ်ပဒိၣ်အက့ၢ်အဂီၤအဂီၢ်န့ၣ်လီၤ။
တနွံအံၤ တၢ်အိၣ်ဆိးဆီလီၤအတၢ်နဲၣ်ကျဲ ကရှဲပၠးဝဲဒၣ် ဘၣ်ဃးတၢ်ဘၣ်ဟ့ၣ်တၢ်ဖးဒ်လဲၣ်အဂ့ၢ်န့ၣ်လီၤ။
