ဖဲအပူၤကွံာ်မုၢ်ယဲၢ်နံၤန့ၣ် ကီၢ်အမဲရကၤအပူၤ Silicon Valley Bank စ့တၢး လီၤပှီၢ်ဟးဂီၤဖုးသတူၢ်ကလာ် ခီဖျိအလူၤပိာ်ထွဲကျိၣ်စ့ဂ့ၢ်ဝီမူဒါတၢ်အၢၣ်လီၤသ့ၣ်တဖၣ် တန့ၢ်လၢၤဘၣ်အဃိ ဒုးအိၣ်ထီၣ် တၢ်တဂၢၢ်တကျၢၤဒီး ခီပနံၣ်တၢ်ဖံးတၢ်မၤဒီးပှၤဘျၢနုာ်လီၤကျိၣ်စ့ လၢအလီၤလၢဒီလၣ် ဘံလယၢၢ်အါမးသ့ၣ်တဖၣ်အဂီၢ်န့ၣ်လီၤ.
California ဟီၣ်ကဝီၤအပူၤ စ့တၢးအံၤ မ့ၢ်စ့တၢးလၢအဟ့ၣ်လိၢ်လီၤစ့ဆူ ပှၤတ့ထီၣ်တၢ်ဖံးတၢ်မၤသ့ၣ်တဖၣ်အဂီၢ် ဒီးဖဲအပူၤကွံာ်တနံၣ် နံၣ်ကတၢၢ်န့ၣ် ကီၢ်အမဲရကၤအပူၤ ဘၣ်တၢ်ပာ်ပနီၣ်အီၤဒ်အမ့ၢ် စ့တၢးလၢအအဟ့ၣ်လိၢ်လီၤစ့အဒိၣ်ကတၢၢ် ၁၆ဖျၢၣ်တဖျၢၣ် ဒီး အတၢ်စုလီၢ်ခီၣ်ခိၣ်အိၣ်သ့ၣ်တဖၣ် အိၣ်လီၤလၢဝဲ ဒီလၣ် ၂ဝ၉ ဘံလၢယၢၢ်ဃၣ်ဃၣ်န့ၣ်လီၤ.
