ပျီတပိၢ်ပှၤလီၢ်အိၣ်ကမှံလၢအဘၣ်စံၣ်တၢ်ဒုးတဖၣ်အကျါ ဖိသၣ်ဒီးပှၤသးပှၢ်သ့ၣ်တဖၣ်ဘၣ်သဂၢၢ်ဒီးတၢ်ကီတၢ်ခဲဒိၣ်မး

ဖဲအပူၤကွံာ်စှၤကိးသီန့ၣ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ် — ခ့ၣ်အဲၣ်အဲလ်အ့ၣ် ဒီး ပယီၤသုး လၢအဟဲမၤအါထီၣ်သုးအနီၣ်ဂံၢ်သ့ၣ်တဖၣ် ဘၣ်သဂၢၢ်ခးလိာ်သး ဖဲဝီၤလ့ၤ — ရၤမတံကျဲ တၢ်လီၢ်လၢအဘူးဒီး ပျီတပိၢ်ပှၤလီၢ်အိၣ်ကမှံဒဲကဝီၤအဃိ ပှၤဘၣ်ကီဘၣ်ခဲ ၁,၂ဝဝ ဂၤဃၣ်ဃၣ် လၢအပၣ်ဃုာ်ဒီး ဖိသၣ်ဒီး ပှၤသးပှၢ်သ့ၣ်တဖၣ် ဘၣ်သုးပူၤဖျဲးကွံာ်အသးဆူ သူမွဲကၢၢ်နံၤန့ၣ်လီၤ.

Plaw Ta Poh Internally Displaced People - IDPs, Karen State, Myanmar. Source: Supplied

ဖဲလါဖ့ၤဖြူၤအါရံၤ ၂၂သီအနံၤ တၢ်ဒုးကဲထီၣ်အလီၢ်အံၤ အဘၢၣ်စၢၤစီၤစုၤယံၤဒီး ပျီတပိၢ်ပှၤလီၢ်အိၣ်ကမှံဒဲကဝီၤ အိၣ်ဒၣ်ထဲ တကံလိ ဃၣ်ဃၣ်အဃိ ပှၤဘၣ်ကီဘၣ်ခဲသ့ၣ်တဖၣ်ဘၣ်သုးပူၤဖျဲးအသး ဒီး ဘၣ်သဂၢၢ်ဒီးလီၢ်အိၣ်လီၢ်ဆိးတၢ်ကီတၢ်ခဲသ့ၣ်တဖၣ်န့ၣ်လီၤ.