နဘၣ်တၢ်စံၣ်ညီၣ်အီၣ်လိးဧါ? နကဟ့ၣ်စ့အီၣ်လိးအံၤအဂီၢ်တၢ်လၢနကဘၣ်မၤအီၤသ့ၣ်တဖၣ်မ့ၢ်မနုၤလဲၣ်?

နတလူၤပိာ်ထွဲတၢ်ဘျၢဘၣ်အဃိ နကဟးဆှဲးတၢ်စံၣ်ညီအဒိၣ်အဃၢလၢအပိာ်ထွဲထီၣ်အသးသ့ၣ်တဖၣ်ဒ်လဲၣ်? ခီဖျိလၢတနၣ်ဃုာ်တၢ်ဟ့ၣ်တၢ်စံၣ်ညီၣ်စ့အီၣ်လိးဘၣ်အဃိ တၢ်ဂ့ၢ်ပိာ်ထွဲထီၣ်အသးသ့ၣ်တဖၣ် မ့ၢ်တၢ်လၢအဃၢမးနးမးန့ၣ် ပှၤအိၣ်ဖဲအီစထြ့လယါကီၢ်ပူၤအါမး တသ့ၣ်ညါဝဲဘၣ်.

First rule when getting a fine: Do not ignore it, fines may get bigger if not paid on time. Source: Getty / Getty Images

တၢ်ဝံဃၢလၢအပိာ်ထွဲထီၣ်အသးသ့ၣ်တဖၣ်န့ၣ် စးထီၣ်လၢ ကဘၣ်ဟ့ၣ်အါထီၣ်စ့အီၣ်လိး တုၤလၢတၢ်ဆိးကတီၢ်ဆိပာ်စၢၤကွံာ် တၢ်နီသိလ့ၣ်လံာ်အုၣ်သး driver’s license, တကးဒ်ဘၣ် ပၢၤကီၢ်သ့ၣ်တဖၣ်နုာ်လီၤဃုတၢ်ဆူနဟံၣ်ပူၤ တၢ်စံၣ်ညီၣ်သ့ၣ်တဖၣ် အကျိၤအကျဲအိၣ်အါမံၤန့ၣ်လီၤ.

အဃိန့ၣ် မ့ၢ်လူၤပိာ်ထွဲတၢ်ဘျၢလၢအဆိအချ့ ဒီး တၢ်မၤစၢၤလၢနလိၣ်ဘၣ်အီၤသ့ၣ်တဖၣ် ဃုမၤန့ၢ်အီၤလၢအဆိအချ့ နကပူၤဖျဲးလၢတၢ်ကီတၢ်ခဲဒီး တၢ်လၢၤဘူၣ်လၢၤစ့ လၢနတကြၢဟ့ၣ်ဒီး ဟးဆှဲးအီၤန့ၢ်သ့ၣ်တဖၣ်အံၤန့ၣ်လီၤ.