တနံၣ်တဘျီန့ၣ် Community Achievement Awards Australia ဃ့ထီၣ်လၢ တၢ်ကဆှၢနုာ် မံၤစရီလၢအကြၢးဒိးန့ၢ် တၢ်လၤကပီၤ ခီဖျိ အဝဲသ့ၣ်တၢ်ဖံးတၢ်မၤ တၢ်ဟူးတၢ်ဂဲၤ ကဲထီၣ်ဂ့ၤလီၤဆီ သ့ၣ်တဖၣ် ဒ်သိးအဝဲသ့ၣ် ကဃုထၢပာ်ပနီၣ်ဒီးဟ့ၣ်လီၤလၤကပီၤအဝဲသ့ၣ် ဒီးတၢ်လၤကပီၤခိၣ်ဖး လၢအကြၢးဒီးအဝဲသ့ၣ် တခါစုာ်စုာ်အဂီၢ်န့ၣ်လီၤ.
Bendigo Karen Youth Network participation at Karen Culture Showcase, Bendigo, 23/09/23. Source: BKYN
ပှၤတဝၢတၢ်မၤကဲထီၣ်ဂ့ၤလီၤဆီတၢ်ဟ့ၣ်လီၤကပီၤခိၣ်ဖးအံၤ တၢ်နီၤဖးအိၣ်ဝဲလွံၢ်ခါ လၢအမ့ၢ် Konica Minolta Australia Customer Service Award ခိၣ်ဖး, Nectre Fireplaces Regional Service Award ခိၣ်ဖး, Regional Development Victoria Business Achievement Award ခိၣ်ဖး ဒီး Regional Development Victoria Leadership and Innovation Award ခိၣ်ဖး သ့ၣ်တဖၣ်န့ၣ်လီၤ.
ခဲကနံၣ်အံၤ ဘဲၤဒံၤကိၤကညီသးစၢ်အပှာ်ဘျးစဲ ကရူၢ်အံၤပၣ်ဃုာ်ဝဲဒၣ်ဖဲ ပှၤလၢအကြၢးဒိးန့ၢ်ဘၣ် Nectre Fireplaces Regional Service Award ခိၣ်ဖး မံၤစရီလီၢ်ခံကတၢၢ်အပတီၢ်န့ၣ်လီၤ.
ပှၤလၢအဒိးန့ၢ်ဘၣ်တၢ်လၤကပီၤခိၣ်ဖးသ့ၣ်တဖၣ်အမံၤစရီန့ၣ် တၢ်ကဘိးဘၣ်သ့ၣ်ညါလီၤအီၤဒီး ဟ့ၣ်လီၤအီၤခိၣ်ဖးတဘျီဃီဖဲ ၂ဝ၂၃ လါဒံၤစဲဘၢၣ် ၁ သီ ဖဲ Awards Gala Presentation Dinner တၢ်ဟ့ၣ်လီၤခိၣ်ဖးတၢ်လၤကပီၤဟါတၢ်အီၣ်အမူးအဆၢကတီၢ်န့ၣ်လီၤ.
