'တၢ်သူၣ်အုးသးအုးလၢတၢ်ဒီသဒၢအီၤသ့': တၢ်ပာ်ဖျါအသီထံၣ်ဘၣ်ဝဲအီစထြ့လယါကၠိဖိသ့ၣ်တဖၣ်အိၣ်ဒီးတၢ်ကီလၢတၢ်ဖးလံာ်

တၢ်ဃိထံသ့ၣ်ညါအသီတခါ ပာ်ဖျါထီၣ်ဝဲဒၣ် အီစထြ့လယါကၠိဖိသ့ၣ်တဖၣ် အိၣ်ဒီးတၢ်ကီလၢတၢ်ဖးလံာ်အဂီၢ် မ့တမ့ၢ် ဘၣ်ထဲးဂံၢ်ထဲးဘါသပှၢ်ပှၢ်လၢတၢ်ဖးလံာ်အဂီၢ်န့ၣ်လီၤ.

Students are seen inside a prep class at Ormeau State School on the Gold Coast (AAP). Source: AAP / DARREN ENGLAND/AAP

တၢ်ဃိထံသ့ၣ်ညါအံၤဘၣ်တၢ်မၤအလီၤလၢ Grattan Institute ဒီး ကရၢအံၤဟ့ၣ်သဆၣ်ထီၣ်ဝဲဒၣ်ကၠိသ့ၣ်တဖၣ်လၢ ကဟံးန့ၢ် တၢ်ဟ့ၣ်ကူၣ်ဟ့ၣ်ဖးလၢကမၤစၢၤဝဲဒၣ်တၢ်အိၣ်ဖျါလၢအဖှီၣ်အနးအံၤအဂီၢ်န့ၣ်လီၤ.

ကရၢအံၤဟ့ၣ်ပလီၢ်ဝဲဒၣ် ပှၤကၠိဖိလၢအဖးလံာ်တဘၣ်အါအါဘၣ် မ့တမ့ၢ် အိၣ်ဒီးတၢ်ကီလၢကဖးလံာ်အဂီၢ်သ့ၣ်တဖၣ်န့ၣ် အါတက့ၢ်အိၣ်လီၤတဲာ်တ့ၢ်လၢတၢ်လီၢ်ခံ ဒီး တၢ်မၤသးဒ်အံၤအဃိ လၢတၢ်ဆၢကတီၢ်ဖးယံၤအဂီၢ်န့ၣ် ကလီၤလၢဝဲဒၣ် အီစထြ့လယါကီၢ် စ့ဒီလၣ် လၢအဘံလယၢၢ်အါမးန့ၣ်လီၤ.