Dr. Sarika Sewalramani ntawm tsev kawm qib siab Monash University hais tias nws cov kev teeb txheeb Ph.D. study tau qhia tias vim tej niam txiv neeg tsiv teb tsaws chaw tuaj nyob teb chaws Australia no muaj kev vam kev cia siab loj heev rau lawv tej me nyuam, thiab tsis totaub zoo txog Australia cov kev kawm zoo ces lawv thiaj ua rau tej me nyuam yuav tau xaiv tej sob kawm nyuaj uas tej zaum lawv kawm tsis tau zoo los yog tej zaum yuav ua rau lawv muaj teeb meem rau tej hauj lwm lawv ua rau yav pem suab tau.
Dr. Sarika Yeej tau qhia tias muaj ntau cov laj thawj ua rau muaj tej teeb meem no xws li, lawv yog cov neeg nyuam qhuav tuaj pib dua neej tshiab ntawm teb chaws Australia, tsis nkag siab zoo txog Australia cov txheej txheem qhia thiab kawm ntawv, yuav tau nrhiav hauj lwm ua los pab lawv lub cuab yig thiab tsis tas li no tseem tsis paub lus Askiv zoo thiab, ces thiaj ua rau muaj tej teeb meem no.
Txawm li cas los nws cov kev tshawb fwb yeej tau qhia tias yuav tsum tau muaj kev koom tes los ntawm tej teej kawm, tej niam txiv, cov tub kawm thiab tej neeg sab laj tawm tswv yim tias yog kawm cov sob kawm twg yuav tau ua yam hauj lwm dab tsi yuav tau los sib pab rau hnub open day li tau muaj tej koom txoos no ntawm lub tsev kawm qib siab qhia rau tej tub kawm thaum tseem ntxov kom lawv thiaj paub npaj thiab txiav txim siab tias yuav kawm li cas thiab ua cov hauj lwm twg.
