Xyoo no ces lub koom txoos Reconciliation Week yus siv sob lus 'More Than Ever'.
Lub hom phiaj yog ua kev nco txog ob yam xwm txheej tseem ceeb li cov kev tawm suab lees paub Australia tej neeg txum tim ua pej xeem xyoo 1967 thiab ua kev zoo siab rau hnub Mabo Day tim 3 lub 6 hli ntuj.
Txawm li cas los kuj yog lub caij siv los 'txhawb nqa kom muaj txoj kev kub siab nrog txhawb nqa thiab pov puag Australia tej neeg txum tim tej cai, tej kab lis kev cai, qhia qhov tseeb txog Australia tej keeb kwm thiab tsim kom muaj cov kev haum xeeb thiab kev koom npoj kom muaj peev xwm ua tau lub neej txuas ntxiv rau yav pem suab', raws li Ms Hussain hais.
Tsaib no uas Australia tau muaj cov kev tawm suab seb puas pom zoo teeb tsa pawg neeg uas suab sawv cev rau Australia tej neeg txum tim Aboriginal thiab Torres Strait Islander hauv tsev tsoom fwv ntawd ces tsuas muaj tib lub xeev Australian Capital Territory (ACT) thiaj tawm suab pom zoo xwb.
Yog li ntawd cov kev lees paub tias cov kev sib kho kom muaj kev haum xeeb no thiaj tseem ceeb tag nrho rau txhua tus neeg Australia.
Ms Rana Hussain ntawm lub koom haum Reconciliation Australia thiaj qhia tias 'zoo li yeej yog ib lub luag hauj lwm thiab ib co cib fim rau peb yuav tau kub siab tshaj no los nrog xyuas tej hauj lwm no thiab nrog xyuas ntau yam hauj lwm, thiab txog caij lawm peb yuav tau los ua. Thiab hais tsi ntsees rau tej neeg tsiv teb tsaws chaw tshiab uas tuaj rau lub teb chaws no, ces nyob ntawm peb yuav tau kawm kom paub txog tej keeb kwm thiab lees paub Australia cov neeg txum tim lub suab, lawv cov kev muaj peev xwm ua tau lub neej thiab qhia txog qhov tseeb ntawm tej keeb kwm.'
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
