Hmoob Australia cov kev sib tw ncaws pob Easter 2023

Xyoo 2023 no pab twg yuav yeej cov kev sib tw ncaws pob Easter Cup? Nplaj Neeb Yaaj uas yog tus organiser tham lus tawm tswv yim txog tej no.

Credit: Lub pob Addidas ntawm lub tshav ncaws pob - Peter Glaser -Unsplash

Xyoo 2023 uas tau muaj Hmoob Australia cov kev sib tw ncaws pob rau lub caij so Easter los yog Hmong Australia Easter Cup 2023 no ces tsuas muaj 5 pab koom cov kev sib tw no xwb.

Tau muaj cov kev sib tw round-robin tag ces pab tau points ntau tshaj plaws yuav sib tw seb puas tau zum ib, zum ob, zum peb thiab zum plaub xwb.

Yog li ntawd xyoo no Cairns Wolves yeej zeeg ib lawm, Melbourne Panthers tau zeeg ob thiab Briabane Super Glue tau zeeg peb lawm.

Nplaj Neeb Yaaj uas yog tus npaj lub koom txoos sib tw ncaws pob xyoo no thiaj hais lus ua tsaug rau ib tsoom niam txiv kwv tij neeg tsa Hmoob uas mus koom txhawb nqa lawv tej me nyuam thiab cov kev sib tw ncaws pob xyoo 2023 uas Cairns ua tswv cuab. Thiab xyoo tom ntej no (2024) ces Melbourne ua tswv cuab lawm thiab cia siab tias yuav muaj ntau pab tub ncaws pob mus koom sib tw kom lom zem tshaj qub.

Mloog tau SBSHmong, rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm  Facebook, Googlepodcasts, Spotify,thiab Apple podcasts los yog download SBS Audio App  thiab SBS Hmong pod follow kom koj mloog tau SBS Hmong.