Raws li tau muaj ib co kev teeb txheeb tshiab nrog tej laus neeg hnoob nyoog 70 xyoo los yog tshaj ntawd los ntawm tsev kawm qib siab Monash University ces kuj txheeb tau tias 'yog tej neeg no ib tug twg mus taug kev yam tsawg li ib zaug ntawm ib limtiam ces tej zaum kuj yuav pab kom tus neeg ntawd muaj peev xwm ua tau lub neej ntev zog ntxiv tuaj thiab.'
Yog li ntawd Professor David Dunstan uas yog tus coj lub koom haum Baker-Deakin Department of Lifestyle and Diabetes thiaj txhawb nqa tej lus txheeb tau los ntawm cov kev teeb txheeb no.
Nws hais tias 'yog tej yam tseem ceeb uas peb yuav tau los txheeb txog peb tej cej pwm ua lub neej uas pheej zaum ntev heev, los yog pheej pw/da ntev heev thiab cov kev xyuas kom peb tau qoj ib ce los yog ua excercise thawm rau ib hnub twg ntawd. Cov kev tau tawm ntawd tsev mus taug kev no tsis yog tias tau taug kev xwb tab sis tseem pab kom ib tug neeg twg tau ntsib tau cuag thiab tau koom nrog lwm tus thiab.'
Txawm li cas los Shivangi Shah uas yog tus sau tsab ntawv cej luam txog cov kev teeb txheeb no kuj tau hais tias 'yuav tau los ua tib zoo xyuas kom muaj tej chaw taug kev uas tsis muaj dab tsi khuam los yog thaiv, xyuas kom tej neeg taug kev tau txais kev nyab xeeb thaum hla kev thiab muaj lub caij hla kev kom ntev zog rau tej neeg mus tsis tshua tau kev nrawm. Tsis tas li ntawd los xyuas kom muaj tej teeb taws pom kev zoo, muaj tej chaw nkaum duab ntxoov ntxoo, muaj tej rooj tej chaw so rau tej xub ke uas tej neeg mus taug kev, thiab xyuas kom muaj tej chaw taug kev no nyob ze tej public transport.'
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
