This article is more than 3 years old
Yuav qhia koj daim ntawv hno tshuaj COVID-19 vaccine ntawm Australia li cas
Tab tom rov qab qhib thawj chaw twg ntawm teb chaws no thiab yuav tshem qee cov kev txwv rau pej kum haiv cov kev ntoj ncig, tab sis tej neeg yuav tsum tau muaj ntau ntawv hno tshuaj vaccine qhia tau tias tau hno tshuaj lawm thaum lawv mus rau tej chaw ib qho qhov twg. Nod yog tej xub ke qhia tias yuav rub tau koj daim ntawv hno tshuaj vaccine li cas thiab yuav ua dab tsi yog koj mus txawv teb chaws.
Published 20 October 2021 4:47pm
Updated 22 October 2021 1:03pm
By Emma Brancatisano
Presented by Vixay Vue
Source: SBS News
Tam li yog ib feem ntawm Australia cov kev rov qab pib qhib teb chaws tom qab raug kaw vim muaj kab mob COVID-19 ntawd ces tam sim no yeej tau hais kom tej neeg uas mus rau ib co chaw twg yuav tsum tau qhia tias lawv tau hno tshuaj vaccine lawm.
Ntxiv ltawd los tsoom fwv teb chaws yeej tau qhia tias yuav pib tshem qee cov kev txwv rau tej neeg ntoj ncig pej kum haiv txij lub 11 hlis ntuj no mus thiab, tab sis muaj ib txhia teb chaws yuav tsum tau qhia tias lawv tau hno tshuaj vaccine lawm thaum lawv tuaj.
Ces thiaj yuav siv cov COVID-19 digital certificate los yog daim ntawv iteev txog koj cov keeb kwm hno tshuaj (Immunisation history statement) coj los ua cov qhia tias koj tau hno tshuaj vaccine lawm.
Kuv yuav nrhiav tau kuv daim ntawv COVID-19 digital certificate li cas?
Tom qab uas koj tau hno ob koob tshuaj COVID-19 vaccines lawm ces koj muaj peev xwm mus saib tau koj daim COVID-19 digital certificate los yog daim ntawv qhia txog koj tej keeb kwm hno tshuaj tau ntawm lub koom haum Australian Immunisation Register (AIR).
Yog koj xav mus saib koj daim certificate hauv online, ces koj yuav tsum tau tsim ib phau account los yog sign in rau koj phau myGov account, thiab muab koj phau Medicare online account txuas rau myGov account. Mus xaiv qhov "Proof of COVID-19 vaccination" link, ces mus saib keeb kwm hno tshuaj ntawm "View history" thiab koj lub npe kom saib tau koj daim ntawv pov thawj hno tshuaj vaccine.
Yog tias koj siv lub Express Plus Medicare smartphone app, ces koj yeej muaj peev xwm saib tau koj daim certificate thiab, tab sis yeej tseem yuav tau siv myGov thiab Medicare online accounts nrog thiab.
Yuav siv sij hawm txog li ntawm 10 hnub mas lub koom haum AIR thiaj yuav teev tau koj cov keeb kwm hno tshuaj vaccine.
Ces koj thiaj muaj peev xwm khaws tau diam digital certificate hauv koj lub xov tooj ntawm tes coj los qhia tias koj tau hno tshuaj vaccine lawm.
Koj yuav share tau koj daim digital certificate nrog lub check-in app li cas?
Tej neeg nyob ntawm New South Wales thiab Victoria, ces yeej muaj peev xwm khawv tau tej ntawv COVID-19 vaccine digital certificate rau ntawm lub Service Victoria thiab Service NSW apps hauv tej xov tooj ntawm tes tau.
- New South Wales
Ntawm New South Wales ces tam sim no tej neeg uas tau hno 2 koob tshuaj vaccine lawm muaj peev xwm , txhais tau tias lawv muaj peev xwm muab daim ntawv no qhia rau tej neeg ua hauj lwm ntawm ib qho chaw twg saib tau thaum lawv mus rau ntawm tej chaw ntawv thiab teev tias lawv tau mus rau thaj chaw ntawd.
Thaum pom koj cov keeb kwm hno tshuaj hauv lub Express Plus Medicare app, lawm ces xais qhov tias "share with check in app", ces xaiv "Service NSW" thiab ua raws li cov txheej txheem qhia kom koj ua. Uas koj muaj peev xwm ua tau hauv online.
Tom qab ntawd ces, log in rau lub Service NSW app ntawm koj lub xov tooj thiab ntxiv koj daim digital certificate rau koj qhov profile. Tej zaum koj kuj xaiv qhov tias "show more" kom txheeb tias seb koj puas muaj daim ntawv pov thawj yog thaum koj mus rau ib qho chaw twg thiab.
- Victoria
Yeej muaj peev xwm siv tau cov txheej txheem no rau tej neeg ntawm xeev Victoria tib yam thiab, tab sis tsuas xaiv qhov "Service Victoria" ces ua raws cov txheej txheem muaj ntsis zoo sib xws tau.
Tam sim no ces tsus pub tso tau ib daig digital certificate kom txuas tau rau lub Service Victoria app xwb. Yog koj siv hom xov tooj iPhone los yog Apple device, los koj yeej muaj peev xwm siv tau Safari los sis siv Chrome browsers tau. Tab sis yog koj siv cov xov tooj Android device, ces koj yuav tau siv Chrome.
Yog kuv tsis muaj xov tooj ntawm tes ne yuav ua li cas kuv thiaj qhia tau tias kuv tau hno tshuaj vaccine lawm?
Yog tias koj ho tsis siv smartphone, los koj yeej muaj peev xwm siv koj phau Medica account sib txuas tau nrog koj phau raws tib cov txheej txheem no thiab.
Los yog lwm txoj xub ke uas koj ua tau ces muab koj tej keeb kwm hno tshuaj los yog koj daim ntawv pov thawj no luam.
Los sis yog koj muaj peev xwm hu rau lub koom haum AIR raws tus xov tooj 1800 653 809 thiab thov kom lawv xa ib daig tuaj rau koj tau. Tab sis yuav siv sij hawm li 14 hnub mam tuaj txog koj.
Yog koj tsis muaj Medicare ne yuav ua li cas thiaj qhia tau tias koj tau hno tshuaj vaccine lawm?
Txawm tias koj tsis muaj cai siv Medicare, los koj yeej tseem muaj peev xwm txheeb tau tej ntawv hno tshuaj no thiab qhia tau koj daim ntawv hno tshuaj COVID-19 digital certificate rau lwm tus tau thiab. Tab sis koj yuav tsum tau muaj tus (IHI) number, uas koj thov tau ntawm .
Ces koj muaj peev xwm ua raws tib co txheej txheem kom koj muaj peev xwm mus saib tau koj daim certificate thiab tso tau rau hauv 2 lub app li Service NSW los yog Service Victoria.
Yog tias kuv mus txawv teb chaws ne?
Tam sim no ces tej neeg uas tau hno tshuaj vaccine txwm ob koob lawm tau.
Thiab tej neeg muaj Australia cov passport los yog tej neeg Australia uas muaj ib cov visa twg siv uas lawv tej keeb kwm hno tshuaj COVID-19 vaccine raug khaw cia ntawm lub koom haum AIR ces yeej muaj peev xwm tawm tau ntawm lub teb chaws no mus thiab mus ncig txawv teb chaws tau.
Tej neeg yeej muaj peev xwm thoav tau daim ntawv international certificate dawb xwb yog lawv siv lawv phau Medicare account mus txuas rau , los sis yog siv lub Medicare Express app tau thiab.
Koj yeej muaj peev xwm download daim digital certificate no los yog luam tawm tau tib yam, uas yeej siv tau nrog lub COVID-19 travel apps li International Air Transport Association (IATA) Travel Pass ntawd thiab.
Thsoom fwv teb chaws yeej tau hais tias daim ntawv pov thawj hno tshuaj international proof no yeej siv tau rau cov teb chaws txog li 145 lub diam, tab sis tsis yog tag nrho txhua lub teb chaws hais koj yus qhia tias seb yus puas tau hno tshuaj vaccine. Yog li thiaj xav tau qhia rau tej neeg uas xav mus ncig txawv teb chaws yuav tsum tau ua tib zoo mus txheeb xyuas tej lus taw qhia txog tej tej chaw uas lawv yuav mus ncig ntwd tau ntawm tsoom fwv lub vas sab thiab.
Kuv yuav nrhiav tau cov xov xwm no ua lwm hom lus dua ntawm cov xov xwm ua lus Aaskiv tau li cas?
Yog koj xav tau xov xwm txog cov kev mus rub kom tau daim ntawv pov thawj hno tshuaj COVID-19 digital certificate ces
- With AAP. Interactive by Ken Macleod, artwork by Jono Delbridge.
Share
