Cov kev txwv coj los siv rau lub caij muaj kab mob coronavirus no tau ua rau tej neeg Australia uas xav los npaj lub ua cov kev zoo siab rau xyoo 2021 no txawv tej ib txwm ua dhau los lawm.
Vim rau qhov tseem muaj neeg ntawm xeev NSW kis tau tus kab mob no ntau tuaj ntxiv, ces tej nom tswv thiaj tau nqua hu kom tej neeg zejzog
Ntawm nod yog tej ua koj muaj peev xwm ua tau thiab tsis pub koj ua rau lub caij xyoo tshiab raws li tej cai siv coj los tswj tsis pub sib sau ua ke uas siv thoob plaws lub teb chaws no:
Northern Beaches
Siv cov kev txwv nruj tshaj plaws los txwv tej neeg rau lub caij tseem muaj kab mob coronavirus sib kis ntawm nroog Sydney lub zos Northern Beaches, vim yog
Tej neeg nyob rau ntawm sab qaum teb ntawm lub zos Northern Beaches yeej rau taw qhia kom nyob twj ywm hauv tsev mus txog ntua yam tsawg txog hnub tim 9 January, txawm li cas los nom tswv kuj tso cai rau tej neeg no ua tau kev zoo siab xyoo tshiab thiab pub 5 tug neeg koom ua kev lom zem tau hauv lawv tsev, suav tej me nyuam nrog thiab yog tias lawv yog cov neeg ntawm tib thaj chaw no.
Tej neeg nyob rau sab qab teb ntawm lub zos Northern Beaches ces kuj tau txais kev tso cai rau 5 tug neeg koom ua tau kev zoo siab rau ntawm lawv tsev, suav cov me nyuam yaus nrog tib si, yog tias lawv yog tib cov neeg ntawm thaj chaw no, tab sis yuav tsis pub tej neeg ntawm thaj chaw no tos tej qhua ntawm cheeb tsam Greater Sydney mus xyuas lawv.
Tej bars, restaurants and tej chaw ntau yam ntawm 2 thaj chaw ntawm lub zos Northern Beaches li hais no tsuas tso cai rau tej khw no npaj khoom noj khoom haus tiav ces muag rau tej neeg yuav kiag nqa mus lawm xwb.
Greater Sydney
Gladys Berejiklian uas yog tus hau xeev NSW tau qhia txog cov kev txwv xyoo tshiab no rau lub caij nws tau nrog tej neeg nthuav xov xwm tham rau hnub Wednesday (Zwj Feej) tom qab uas tau muaj
Pib txij li ib tag hmo hmo no mus ces tsuas pub tej neeg sib sau ua ke los yog tos qhua coob kawg nkaus txog 5 tug neeg ntawm tsev lawm xwb.
"Tag nrho txhua yim neeg ntawm Greater Sydney uas suav cov chaw li Wollongong, Central Coast, Nepean, Blue Mountains, thiab lub zos Northern Beaches sab qab teb yog cov chaws uas tsuas pub tej neeg txog li 5 tug neeg ntawm ib tse neeg twg muaj cai koom ua kev zoo siab xyoo tshiab no lawm xwb," raws li Ms Berejiklian tau qhia.
Tsis tas li no los kuj tsuas pub tej neeg sibsau tau ua ke nraum zoov txog li 30 leej lawm xwb thiab, uas yog rau txos ntawm 50 leej lawm.
Yog li nom tswv yuav siv cov kev txwv no mus txog rau thaum yog muaj dab tsi pauv hloov dab tsi ntxiv "ces mam li qhia ntxiv."
Victoria
Tom qab uas lub xeev no rau txwv ntev tshaj plaws ntawm teb chaws Australia xyoo no lawm, ces tej neeg Victorians kuj muaj peev xwm ua tau kev zoo siab xyoo tshiab tau yooj yim vim twb tau 2 hlis uas tsis muaj neeg kis tau tus kab mob no hauv tej zejzog hlo li lawm.
Tso cai rau tej neeg txog li 30 leej sib sau ua ke tau hauv ib yim neeg twg tau, thiab tso cai rau neeg coob txog li 100 leej sib sau tau ua ke nraum zoov.
Tej bars, restaurants thiab lwm cov chaw li tej nightclubs ces qhib ua luam tab sis tseem txwv tias pub neeg coob npaum li cas mus siv tau tej chaw no.
Kuj tau muab Melbourne cov kev tua paj hluav taws ntawm Yarra River tso tseg lawm thiab nom tswv xeev tau nqua hu kom tej neeg tsis txhob mus rau nroog Melbourne CBD, thiab yeej tau hais ntxiv tias tsuas tso cai rau tej neeg uas twb tau teem caij yuav mus siv ib thawj chaw twg hauv nroog mus tau xwb.
آتشبازی شب سال نو بر فراز دریای یارا در ملبورن Source: AAP
Queensland
Xeev Queensland kuj yog ib lub xeev ntxiv thiab uas yeej tsis muaj neeg kis tau tus kab mob coronavirus los ntev lawm thiab, yog li thiaj pub tej cuab yig tos txais qhua tau txog li 50 leej uas suav cov neeg hauv yim neeg ntawd nrog thiab pub neeg txog li 100 leej sib sau tau ua ke nraum zoov txog 100 leej.
South Australia
Ntawm xeev South Australia ces pub neeg txog li 50 leej sib sau tau ua ke ntawm ib yim neeg twg tau, yog tias tej neeg ntawd ib tug twg nyob nrug ntawm lwm tus txog li 2 metres xwm meem.
Pub neeg txog li 200 leej sib sau tau ntawm ib lub koom txoos ntiag tug twg tau, yog tias lawv ua raws li tib tsab cai tswj tej neeg nyob sib nrug.
Western Australia
Western Australia tsis txwv tias pub neeg sib sau tau coob npaum li cas, yog tias tej neeg ntawd ib tug twg nyob kom nrug ntawm lwm tus li 2 metres xwm meem.
Tasmania
Tasmania ces yeej siv cov cai tswj kom ib tug neeg twg nyob kom nrug ntawm lwm tus li 2 metres xwmmeem, tab sis tsuas pub neeg coob kawg nkaus txog li 250 leej sib sau tau ua ke rau tej chaw uas yuav tau mus koom nyob hauv tsev xwb.
Tso cai rau 1,000 tus neeg sib sau tau ua ke nraum zoov los yog ntau cov chaw uas tej neeg koom nraum zoov tau.
Northern Territory and ACT
Tsis muaj cov kev txwv tsis pub tej neeg sib sau hauv tsev los yog nraum zoov dab tsi ntawm xeev Northern Territory, tab sis yeej xav kom ib tug neeg twg nyob kom nrug ntawm lwm tus neeg lawv tsis nrog nyob ua ke deb li 1.5 metres txhua sij hawm.
Xeev ACT ces yeej tsis muaj cov kev txwv tias pub pes tsawg tus qhuas tuaj xyuas yus ntawm tsev. Pub cov neeg sib sau tau nraum zoov ntawm tuam ceeb Canberra txog 500 leej xwb tab sis yuav tsum kom ib tug neeg twg yuav tsum nyob kom nrug ntawm lwm tus li 2 metres xwm meem.
Tej neeg ntawm teb chaws Australia yuav tsum nyog kom sib nrug ntawm lwm tus yam tsawg li 1.5 metres. Txheeb tej kev txwv ntawm koj lub xeev seb nom tswv pub tej neeg sib sau ua ke li cas xwb. Yog tias koj muaj cov yam ntxwv mob tau khaub thuas ces nyob twj ywm hauv tsev thiab npaj hu xov tooj nrog koj tus kws kho mob tham seb yuav mus sim li cas, los yog hu xov tooj rau tus zauv xov tooj 1800 020 080 nrog lub koom haum Coronavirus Health Information Hotline tham tau.
Muaj tej xov xwm qhia txog tus kab mob COVID-19 ua 63 hom lus uas koj txheeb tau ntawm
Tsis tas li no xav kom koj mus txheeb xyuas tej kev taw qhia ntawm lub xeev koj nyob ntxiv thiab: , , , , , , , .
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
