Huab cua sov zog tuaj lawm thiab muaj tej paj xyoob paj ntoo ntau tuaj ntxiv tseem yuav tawg, ces thiaj yog lub caij nplooj hlav ntawm Australia lawm.
Txhais tau tias sai sai no ces feem coob ntawm lub teb chaws no yuav tau tig lawv tej teev kom ceev ib teev ntxiv.
Nod yog tej yuav tshwm sim rau ntawm tej chaw koj nyob thiab yuav hloov thaum twg.
Thaum twg mam pib hloov sij hawm ntawm Australia xyoo 2023 thiab thaum twg mam li xaus?
Yuav pib txij sij hawm 2 teev sawv ntxov ntawm thawj hnub zwj Hnub (Sunday) ntawm lub 10 hli ntuj txhua xyoo.
Ces xyoo no thiaj yuav tau tig koj lub teev kom ceev dua 1 teev rau lub sij hawm thaum 2 teev sawv ntxov hnub zwj Hnub (Sunday) tim 1 lub 10 hli ntuj.
Thiab mam li rov qab tig sij hawm kom qeeb ib teev rau thaum hnub tim 7 lub 4 hlis ntuj xyoo tshiab thaum sij hawm 2 teev sawv ntxov rau thawj hnub zwj Hnub (Sunday).
Australia tej xeev twg yog cov yuav hloov sij hawm?
Yuav hloov sij hawm rau tej chaw no:
- NSW
- Victoria
- South Australia
- Tasmania
- The ACT
- Norfolk Island
Tsis hloov sij hawm ntawm tej chaw no:
- Queensland
- The Northern Territory
- Western Australia
- Christmas Island
- Cocos (Keeling) Islands
Ces lub caij hloov sij hawm no, Queensland tej sij hawm thiaj li yuav qeeb ib teev piv rau tej xeev feem coob ntawm tej ntug hiav txwv sab hnub tuaj ntawm teb chaws Australia, thiab ua rau xeev Northern Territory (NT) yuav qeeb 1 teev 30 ntiag tiv, nos Western Australia (WA) ces yuav qeeb 3 teev.
Daylight saving lasts for six months. Source: Getty / Tim E White
Vim li cas thiaj tsis hloov sij hawm tib yam thoob plaws teb chaws Australia?
Cov kev hloov sij hawm no yuav pab kom hnub ntev dua 1 teev rau caij ntau hli uas huab cua sov zog no -
tab sis kuj nyob ntawm tej xeev yuav txiav txim siab tias seb lawv puas hloov los tsis hloov xwb thiab.
Xyoo 1916 ntawd ces Tasmania yog Australia thawj lub xeev uas tau siv cov dayligh saving no, kom thiaj txuag tau hluav taws xob rau lub caij tsov rog ntiaj teb zeeg ib.
Ces ib xyoo tom qab ntawd tag nrho lwm cov xeev ntawm teb chaws no thiaj hloov sij hawm lawv qab, tab sis kuj tau tso tseg rau xyoo 1918 lawm.
Tsis tas li ntawd los kuj rov qab coj cov daylight saving rov qab los siv ib ntus thoob Australia rau lub caij tsov rog ntiaj teb zeeg ob txij xyoo 1942 txog 1944 thiab.
Thiab kuj tau rov qab siv cov kev tig sij hawm kom qeeb los yog kom ceev ib teev no rov qab los siv dua ib zaug ntxiv ntawm Tasmania xyoo 1967, thiab tej xeev li Victoria (VIC), New South Wales (NSW), South Australia (SA), Australia Capital Territory (ACT), thiab Queensland (QLD) rau xyoo 1971 — tab sis QLD tsuas siv cov kev hloov sij hawm no txog rau xyoo 1972 xwb thiab.
Txij ntau xyoo ntawd los ces thiaj ua rau ob lub xeev QLD thiab WA sij hawm qeeb rau lub caij daylight saving lawm thiab thiaj li tau muaj cov kev tawm suab los kho tej no, tab sis tej neeg ntawm tej xeev no tsis pom zoo hloov li lawm.
Thiaj tau ua rau nroog Brisbane tus hau nroog Adrian Schrinner tau nqua hu tsaib no kom rov qab tawm suab kho cov daylight saving no dua,
li Yvette D'Ath uas yog tus nom tswj dej num noj qab haus huv thiab, uas nws tau hais tias tsis yog tej hauj lwm tseem ceeb dab tsi rau tsoom fwv.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,,
thiab los yog download thiab kom koj mloog tau SBS Hmong.
