Ob hnub so yuav los txog no, ces lub teb chaws Australia no twb yuav mus tawm suab seb puas pom zoo kho txhooj cai tswj haiv seb puas pom zoo teeb tsa pawg neeg ua suab sawv cev rau neeg txum tim hauv tsev tsoom fwv lawm.
Yog tias koj tseem tsis tshua meej pem los yog tseem ua rau koj txhawj tias xyov yuav ua li cas rau hnub tawm suab, ces kav tsij nyeem txuas ntxiv.
Yuav tawm suab li cas?
Yog tias koj yog ib tug pej xeem Australia thiab muaj hnoob nyoog 18 xyoo los yog tshaj ntawd lawm, thiab tau teev npe xaiv nom lawm, ces koj yuav tau mus tawm suab rau hnub tawm suab Voice Referendum tim 14.10.2023 txij 8 teev sawv ntxov txog 6 teev tsaus ntuj ntawm tej chaw tawm suab, tsis li ntawd ces tej zaum koj kuj yuav raug nplua thiab tsuas yog tias ntshe koj ho muaj laij thawj zoo txaus qhia rau AEC tias vim li cas koj thiaj tsis mus tawm suab xwb.
Koj muaj peev xwm mus txheeb tau Australia lub koom haum tswj kev xaiv tsa lub vas sab seb muaj tej chaw mus tawm suab qhov twg.
Thiab yuav qhib tej chaw tawm suab no txij 8 teev sawv ntxov thiab kaw 6 teev tsaus ntuj raws sij lawm ntawm lub xeev koj nyob.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab Downloadthiab caum
Thaum koj mus tawm suab, ces koj yuav tau ib daim ntawv sau tawm suab. Thiab yuav muaj sob lus sau tias:
''Xav thov kho txhooj cai tswj haiv los lees paub Australia tej neeg txum tim li los teeb tsa pawg neeg ua suab sawv cev rau cov neeg Aboriginal thiab Torres Strait Islander. Koj puas pom zoo rau cov kev thov kho no?''
Thiab nyob rau daim ntawv tawm suab ntawd ces koj yuav tsum tau sau ob lo lus meej meej rau li:
- Sau ''YES '' rau lub box yog tias koj pom zoo kho, los yog
- Sau ''NO'' rau lub box yog tias koj tsis pom zoo kho.
Yog tias koj tsis sau lo lus YES los yog NO rau lub box tab sis ho sau lwm yam rau ces tej zaum yuav tsis suav koj daim ntawv tawm suab ntawd. Tab sis Australia lub koom haum tswj kev xaiv tsa (Australian Electoral Commission - AEC) kuj hais tias yog koj kos ( √ ) kuj yuav raug suav tias yog koj tawm suab 'YES' tib yam li yeej tau siv rau 6 cov kev tawm suab kho txhooj cai tswj haiv dhau los thiab.
Tej xub ke rau koj xaiv siv tawm suab
Koj muaj peev xwm xa ntawv tawm suab rau hauv post office, thiab tawm suab tau ntawm los yog tawm suab rau ntawm or at an
Koj muaj peev xwm txheeb tau. Txawm tias tau qhib tej chaw tawm suab ntxov rau tej neeg tawm suab ntawm txhua lub xeev los kuj tag sij hawm tawm suab ntxov txij sij hawm 6 teev tsaus ntuj hnub tim 11.10.2023 lawm thiab.
Yuav paub tau li cas tias puas pom zoo los tsis pom zoo rau cov kev tawm suab no?
Yog xav kom kho tau txhooj cai tswj haiv mas yuav tsum muaj ob yam kev pom zoo feem coob li tej pej xeem feem coob tawm suab pom zoo thiab tej xeev feem coob pom zoo.
Thiab yuav lees paub tej neeg ntawm ob lub xeev Australian Capital Territory (ACT) thiab Northern Territory (NT) nrog haiv neeg no tej neeg cov kev tawm suab,
Yog xav kom kho tau txhooj cai tswj haiv mas yuav tsum tau txais ob cov kev pom zoo. Source: Australian Electoral Commission (AEC).
Thaum twg mam paub txog cov kev tawm suab no seb tau li cas lawm?
Australia lub koom haum tswj kev xaiv tsa (AEC) yuav pib los suav tej ntawv tawm suab no txij sij hawm 6 teev tsaus ntuj raws sij hawm ntawm ib lub xeev twg. Thiab lub caij uas tseem suav tej ntawv tawm suab ntawd ces yuav qhia tias seb muaj cov kev tawm suab zoo li cas lawm rau ntawm lawv lub vas sab (website) uas AEC mam li npaj tias muaj cov kev tawm suab npaum li cas ntawm ib lub xeev twg. Txhais tau tias tom qab tau kaw tej chaw tawm suab sij hawm 6 teev tsaus ntuj rau hnub tawm suab (14.10.2023) ntawd lawm, ces tej neeg sawv daws yuav paub tias ho muaj cov kev tawm suab zoo li cas lawm. Thiab lub koom haum no yeej yuav qhia tej xov xwm tshiab txog cov kev tawm suab no txhua txhua 90 feeb twg.
Txawm tias tej zaum kuj yuav muaj peev xwm qhia tau tias ho muaj cov kev tawm suab li cas rau hmo ntawd lawm, los Pat Callanan uas yog ib tug kis ntawm AEC tau qhia ces ntshe tej neeg yuav tau tos me ntsis thiaj yuav paub.
Vim tias yuav siv caij nyoog me ntsis rau tej neeg xa ntawv tawm suab rau post office thiab yuav tau siv sij hawm ntev zog los suav cov ntawv tawm suab no, thiab tsoom fwv yeej muaj cai tos 13 hnub mas thiaj yuav tau txais tag nrho tej ntawv tawm suab uas xa rau post office.
Txawm li cas los, yog tias ho muaj neeg tawm suab rau ib tog twg ntau dua lawm, ces tej zaum kuj yuav tau suab txaus thiab muaj peev xwm qhia tias tog twg yeej rau hmo ntawd lawm thiab.
