Cov ntsiab lus tseem ceeb:
- Lub tuam chav Australian Passport Office tab tom coj cov passport hom R coj los siv.
- Cov passport no musj ib cov twj tswj kev ruaj ntseg thiab tej duab qhia txog Australia tej toj roob hauv pes.
- Hos cov hom passport P thiab N los kuj tseem yog ib co ntaub ntawv siv ntoj ncig tau txog rau thaum siv tsis tau lawm thiab.
Australia cov passport shiab ua rau tej neeg muaj lub suab luag - tab sis tej duab siv ntawm passport ces tsis pub yees luag.
Lub tuam chav Australian Passport Office tau pib coj cov passport hom R uas yog hom tshiab coj los siv lawm, uas muaj ib cov duab ntawm tej chaw yees txog tej chaw uas muaj neeg nyiam ncig tshaj plaws thiab muaj tej duab txog ntau yam nroj tsuag xyoob ntoo uas ib txwm muaj ntawm teb chaws no uas yog neeg txum tim yog cov kos tej duab no.
Tej passport tshiab no kuj muaj ntau yam twj coj los tswj kev ruaj ntseg thiab tiv thaiv kom tsis txhob muaj neeg ua tau cov cuav thiab txhob nyiag tau tej neeg tej cim thawj (identity theft) siv.
Daim plhaub ntawm xub ntiag thiab nrob qaum ces yog muaj duab ntug hiav txwv, hos cov nplooj ntawv sab hauv daim passport ntawd ces muaj 17 daim duab qhia rau tus tswv daim passport ntawd txog Australia tej toj roob hauv pes.
Yog li ntawd tej duab qhia txog tej toj roob hauv pes no thiaj yog ib cov siv coj los tswj kev ruaj ntseg, thiab yeej muaj tej duab yees nruab ntug uas hloov ua cov duab yees hmo ntuj thaum siv teeb ultraviolet tsin rau, thiab kuj muaj Australia ntau yam tsiaj txhua thiab nroj tsuag xyoob ntoo.
Raws li lub tuam chav Australian Passport Office tau qhia ces Australia daim passport no yog thawj daim passport uas muaj cov roj hmab ''ruaj qhwv, muaj kev tswj kev ruaj ntseg zoo, thiab muaj ntau txheej roj hmab qhwv.''
Cov roj hmab no yog polycarbonate, uas siv laser coj los sau tsis yog siv kob coj los luam, ces thiaj ua rau tej duab ntawd yog cov duab dawb thiab dub xwb tsis yog duab xim lawm.
Ho nyob rau ntawm nplooj uas siv tswj kev ruaj ntseg ntawd ces, muaj muaj Australia cov paj haiv uas yog thaum tig raws seem txawv lawm ces kuj yuav hloov cov kob txawv thiab, thaum muab cov teeb ultraviolet tsom rau cov tsos xiav ntawm tej duab ntawd yuav hloov ua tsos liab lawm, thiab muaj cov paj wattle liab thiab dawb nyob ntawm thawj nplooj ntawm phau passport ntawd.
The Australian passport has been updated to include additional security features along with images of Australian landscapes and native species. Source: Supplied / Department of Foreign Affairs and Trade
Vim li cas Australia thiaj siv phau passport tshiab, thiab kuv puas tseem muaj peev xwm siv tau kuv phau qub lawm?
Yeej kho Australia tej passport tas mus li coj los ua ib cov kev pov puag tej neeg siv phau passport ntawd cov cim thawj (identity) thiab lawv tej xov xwm ntiag tug, yog li hom passport R no ces yeej tau npaj txij li xyoo 2015 los lawm.
Yog tias koj muaj hom passport P thiab N siv tam sim no los koj yeej tseem muaj peev xwm siv tau mus txog ntuas thaum tag hnoob nyoog siv tsis tau phau passport ntawd lawm thiab.
Yog tias ib tug twg thov ib phau passport tshiab siv txij li thaum ntxov xyoo 2023 no lawm ces yuav tau hom passort R no siv.
Tab sis tej nqe thov passport thiab tej txheej txheem lis ntaub ntawv thov kom tau passport siv no yeej tseem siv li qub thiab them tus nqe qub xwb, thiab lub tuam chav Australian Passport Office qhia tias cov kev hloov siv cov passport tshiab no tsis ua rau txheeb tej passport no qeeb dab tsi.
