Tab tom muaj tej neeg khwv tau nyiaj hauj lwm ntau tuaj ntxiv ntawm Australia lawm, thiab yej muaj tej neeg coob leej ntau tus los kuj khwv tau nyiaj ntau tuaj ntxiv txij li thaum tau muaj kab mob COVID-19 kis thoob ntuj los no lawm thiab.
Raws li lub koom haum Australian Bureau of Statistics (ABS) cov kev ntsuam txog tej neeg ua hauj lwm tej nyiaj uas khwv tau ib xyoos ib zaug ntawd ces kuj txheeb tau tias khwv tau nyiaj theem nrab ntau tuaj ntxiv ib limtiam twg txog li $1,300 (ua ntej yuav txiv se) txog rau lub 8 hli ntuj xyoo 2023 no lawm. Uas yog khwv tau ntau tuaj ntxiv tshaj li $52 piv rau tej nyiaj nrab uas khwv tau rau xyoo 2022.
Txhais tias yog koj khwv tau $1,300 ib limtiam twg, ces koj yog cov neeg khwv tau nyiaj nrab ntawm teb chaws Australia no lawm, thiab koj yog cov neeg khwv tau nyiaj ntau dua yuav laug txog li ib nrab ntawm Australia tej pej xeem.
ABS cov kev tsuam tej neeg ua hauj lwm uas lawv qhia tias seb khwv tau nyiaj li cas ntawm ib co cuab yig twg thiab ho txheeb tias seb ho muaj cov kev pauv hloov li cas rau cov kev khwv nyiaj hauj lwm ntawm Australia, ces kuj txheeb tau tias 10 feem pua ntawm tej neeg yeej yog cov kwv tau nyiaj txog li $2,820 rau ib limtiam twg ua ntej tsis tau them se.
Koj muaj peev xwm txheeb seb koj khwv tau nyiaj hauj lwm npaum li cas piv rau lwm tus raws li hauv qab no. Yog tias ho tsis ua hauj lwm zoo ces ces yuav coj koj mus rau ntawm peb lub vas sab (website).
Yeej muaj cov feem pua khwv tau nyiaj hauj lwm ntau tuaj ntxiv rau tag nrho txhua cov neeg ua hauj lwm lawm, tab sis tej neeg khwv tau nyiaj tsawg 10 feem pua uas khwv tau nyiaj tsawg ces yeej khwv tau nyiaj ntau tuaj ntxiv tsawg tshaj plaws txij li lub 8 hli ntuj xyoo 2022 txog rau lub 8 hli ntuj xyoo 2023.
Thiab lawv tsuas khwv tau nyiaj ntau ntxiv tuaj txog li 3 feem pua xwb yog piv rau tej neeg 40 feem pua uas khwv tau ntau tuaj ntxiv txog li 5.8 feem pua uas yog cov khwv tau ntau tshaj plaws.
Tej xeev uas khwv tau nyiaj hauj lwm ntau tshaj plaws theem nrab ces yog lub xeev Australian Capital Territory (ACT) uas khwv tau txog li $1,550 rau ib limtiam twg, ntxiv ntawd ces yog xeev Northern Territory ($1,427), NSW thiab Western Australia (uas ob lub xeev no khwv tau $1,339 tib yam).
Hos tej xeev uas khwv tau nyiaj theem nrab tsawg tshaj plaws ces yog xeev South Australia (uas khwv tau $1,200 ib limtiam), Tasmania ($1,210) thiab Victoria ($1,280).
ABS kuj tau txheeb tau tias tej poj niam cov nyiaj khwv tau theem nrab ntawm ib limtiam twg ces khwv tau ntau tuaj ntxiv sai tshaj tej txiv neej khwv tau rau lub sij hawm 5 xyoos dhau los, vim muaj cov kev txhawb nqa tej poj niam coob heev kom tau ua hauj lwm full-time ntau tuaj ntxiv.
Neeg Australia tej nyiaj hauj lwm uas khwv tau ntau ntxiv tuaj tiag
Kuj tau muaj lwm cov statistics qhia tias neeg Australia yeej khwv tau nyiaj zoo zog tuaj ntxiv lawm,thiab yog thawj zaug ntawm ntau xyoo uas neeg Australia tau pom tau tias lawv khwv tau nyiaj ntau tuaj ntxiv tiag.
Thiab ABS cov xov xwm Wage Price Index figures tshiab uas teev rau lub caij 3 hlis xaus rau lub 12 hlis ntuj xyoo 2023 ntawd ces kuj pom tias khwv tau nyiaj hauj lwm ntau tuaj ntxiv txog 4.2 feem pua thoob plaws rau lub xyoo ntawd lawm.
Thiab kuj yog tej nyiaj hauj lwm khwv tau ntau tshaj plaws raws xyoo uas khwv tau txij lub lub 3 hlis ntuj xyoo 2009 uas khwv tau nyiaj hauj lwm ntau tuaj ntxiv txog li 4.2 feem pua.
Tsis tas li ntawd los tus zauv no yeej ib nyuag siab zog tus kab theem nyiaj poob nqe uas tau nce txog 4.1 feem pua xyoo 2023 — thiab yog thawj zaug txij li lub 3 hlis ntuj xyoo 2021 uas khwv tau nyiaj hauj lwm ntau tshaj tej nqe ntau yam uas tej cuab yig siv.
Ces thiaj ua rau tej nyiaj nrab uas tej neeg ua hauj lwm full-time khwv tau ntau tuaj ntxiv txog li 4.5 feem pua rau ib limtiam twg los ua $1,888.80 los txog rau thaum xaus lub 11 hlis ntuj xyoo 2021 lawm.
Cov Wage Price Index uas tau hloov txij lub 12 hlis ntuj xyoo 2004. Source: SBS
Vim li cas peb thiaj mloog tias zoo li peb khwv tsis tau nyiaj ntau dua?
Txawm tias khwv tau nyiaj hauj lwm ntau tuaj ntxiv lawm los, Deloitte Access Economics partner thiab macroeconomist Stephen Smith tau hais tias tej neeg tej nyiaj yeej tsis muaj peev xwm yuav tau khoom ntau tib yam li qub dhau los lawm.
Nws tau hais tias "Yog tias yus mus tsam kiab lub kiab Woolworths los yog Coles, ces tej nqe khoom yeej nce kim tshaj (tej nyiaj yus khwv tau) ces thiaj ua rau yus poob qab deb lawm. Ntawd yog ib co laj thawj tseem ceeb tias vim li cas, txawm tej neeg kwv tau nyiaj ntau tuaj ntxiv los zoo li tej neeg tseem mloog tau tias zoo li haj yam txom nyem ntxiv.''
Txawm li cas los tseem yuav khwv tau nyiaj hauj lwm kom ntau tuaj ntxiv thiab Smith tau hais tias tej economists yeej tau kwv tab tom kwv yees tias tseem yuav khwv tau nyiaj hauj lwm ntau tuaj ntxiv tab sis tseem yog thaum ntxov xwb ces zoo li tej neeg thiaj mloog tau tias zoo li lawv tsis tau txais txiaj ntsim dab tsi.
Tej neeg yuav khoom tseem mloog tau tias zoo li lawv tseem tsis tau tau txais tej txiaj ntsim los ntawm cov kev khwv tau nyiaj hauj lwm ntau tuaj ntxiv ntawm teb chaws Australia. Source: AAP
Tej nyiaj poob nqe ces yog ntsuam tej nqe khoom thiab services qee yam uas tej cuab yig yuav, thiab yeej tau nqe ntawm 7.8 feem pua uas tau nce siab heev rau yav lig xyoo 2022.
Ntau xyoo tsis ntev los no ces, kuj muaj ntau yam tau ua rau nyiaj poob nqe li muaj cov kev txwv tsis pub pej kum haiv tej nkoj thauj khoom rau lub caij tseem muaj kab mob sib kis thiab tej nqe roj kim tuaj ntxiv vim tsov rog ntawm teb chaws Ukraine.
Ntshe tseem yuav ntev, thiab tseem yuav khwv tau nyiaj ntau tuaj ntxiv rau ntau quarters ua ntej peb yuav poob rau tib theem li kev khwv tau nyiaj ntau tuaj ntxiv li qub ua ntej yuav muaj tus kab mob sib kis thiab ua ntej yuav muaj kab theem nyiaj poob nqe ntau ntxiv tuaj.Stephen Smith, Deloitte Access Economics
Tab sis Smith kuj tau hais ntxiv tias yeej muaj ntau yam ntxiv tau tshwm sim tsis ntev no thiab li tsis muaj vaj tse txaus nyob thiab cov kev pauv hloov tej chaw tsim hluav taws xob tshiab siv yog cov muaj feem xyuam thiab.
"Peb tseem tsis tau poob rau theem li peb cia siab tam sim no. Vim tseem yuav muaj qee yam ntawm (ntau yam) li hais ntawd txuas ntxiv li tej nqe ntiav tsev kim, txawm li cas los kuj muaj lwm yam dua mus lawm — li tej teeb meem muaj los ntawm tus kab mob kis thoob ntuj — (uas lawv) yeej yog ib co xwm txheej uas tau dhau mus lawm."
Tseem yuav tau nyiaj ntau ntxiv rau neeg Australia
Kuj yuav muaj qee cov kev pauv hloov rau ib nrab xyoo rau thaum yuav xaus xyoo no uas tej zaum yuav tau chaw dim pa me ntsi rau tej cuab yig tej nyiaj txiaj siv thiab.
Cov kev yuav pib raug coj los siv txij tim 1 lub 7 hli ntuj (2024) no mus, thiab yuav pab kom txhua tus neeg ua hauj lwm them se ntawm Australia no yuav tau txais kev pab qee yam los ntawm cov kev txo se.
Smith tau hais tias "Yeej muaj ob peb yam qhia tias tej zaum yeej tab tom yuav pab tau qee yam rau tej cuab yig thiab.''
Source: SBS / Kenneth Macleod
Ua ke no los lub koom haum Fair Work Commission kuj tseem tab tom txheeb xyuas tej nyiaj , thiab yeej yuav nce tej nyiaj no txij hnub tim 1 lub 7 hli ntuj (2024) no mus thiab.
Tsaib no ces Fair Work Commission yeej rau tej neeg ua hauj lwm coob tshaj 2.5 million tus, vim nws hais tias muaj neeg poob hauj lwm tsawg, khwv tau nyiaj tsawg thiab nyiaj poob nqe ntau heev.
Tsoom fwv Albanese thiaj li tau tsis kam taw qhia kom nce tej nyiaj hauj lwm no rau ib co feem pua npaum li cas kiag, thiab nws tsuas hais tias ''yuav ua tib zoo xyuas kom Australia tej neeg ua hauj lwm khwv tau nyiaj tsawg tsis txhob ua lub neej poob qab.''
Hos lub koom haum Australian Council of Trade Unions (ACTU) ces yeej tau nqua hu kom ces nyiaj hauj lwm txog 5 feem pua rau tej neeg ua hauj lwm, tab sis lub koom haum Australian Chamber of Commerce and Industry tsuas xav kom nce tsis tshaj 2 feem pua xwb.
- Additional reporting by the Australian Associated Press
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
