Tsuas tshuav ntau limtiam ntxiv no xwb ces Australia yuav coj tej tshuaj coronavirus vaccine coj los hno rau tej neeg lawm los yeej tseem muaj ib txhia neeg tsis tso siab thiab txhawj xeeb txog tej tshuaj coronavirus vaccine no los, tej kws paub zoo txog tej tshuaj no yeej qhia tias kom tej neeg tsis txhob txhawj dab tsi.
Txuas ntxiv no zes kais Peter Collignon uas yogi b tug kws kho mob thiab yogi b tug kws paub zoo txog kab mob sib kis ntawm tsev kawm qib siab Australian National Univesity tshab txhais tias vim li cas tej lus tawm tswv yim no thiaj cuav xwb.
MYTH: Tshuaj vaccine tsis tau txais kev nyab xeeb rau tej laus
Tau muaj neeg kub siab txog lub tswv yim no heev tom qab tau muaj 33 tus laus neeg ntawm teb chaws Norway tau tas sim neej ntau limtiam thaum hno thawj koob tshuaj Pfizer-BioNTech vaccine lawmTau muaj neeg kub siab txog lub tswv yim no heev tom qab tau muaj 33 tus laus neeg ntawm teb chaws Norway tau tas sim neej ntau limtiam thaum hno thawj koob tshuaj Pfizer-BioNTech vaccine lawm.
Tab sis teb chaws thiab twb tau los ua tib zoo xyuas kom tej neeg tso siab rau tej tshuaj vaccine no lawm.
Professor Collignon tau hais tias txawm tej tshuaj vaccine tau ua rau tej neeg ua npaws me ntsis, thiab tej zaum kuj yuav muaj lwm yam mob cuam tshuam rau tej laus neeg uas twb yeej tsis xias nyob lawm, los yog tham txog qhov tseeb lawm ces tej neeg no yeej muaj cov kab theem tas sim neej ntau dua lawm thiab.
Nws hais tias “Tsis hais ib hom tshuaj vaccine twg li, thaum hno lawm ces tej neeg yeej ua npaws, thiab muaj qee yam tshwm sim rau lawv, thiab yog hais tias tej neeg ntawd ho yog cov neeg mob plawv tsis zoo lawm los yog lawv laus heev lawm, ces yeej ua rau lawv lub plawv ua tsis tau hauj lwm zoo npaum li qhov tsim nyog lawm."
“Peb yuav tsum piv rau tej kab mob li hais ntawd thiab. Yog tias yus ho tau tus kab mob COVID no, thiab yus twb ho muaj hnoob nyoog tshaj 85 xyoos lawm thiab nyob tsev laus lawm xwb, ces yus yeej yog cov neeg ib tug ntawm peb tug twg uas muaj cib fim yuav tas sim neej, thiab txuas ntxiv ntawd txawm tus tshuaj vaccine no yeej muaj qee yam kev phom sij ntau tuaj ntxiv uas ua rau tej laus tas si neej los yeej tau txais txiaj ntsim ntau tshaj tej teeb meem uas tus tshuaj no tsim thiab.''
Lub hlis dhau los, tau muaj xov xwm cej luam tias tej zaum tus tshuaj Oxford-AstraZeneca vaccine tsis tau txais kev nyab xeeb rau tej laus ces txawm tau muaj neeg tham txog tej xwm txheej no tom qab uas teb chaws Germany thiab Fakis tsuas tso cai siv tej tshuaj vaccine no hno rau tej neeg hnoob nyoog qes dua 65 xyoo xwb.
Tab sis zeskais (Professor) Collignon tau hais tias tau muaj cov kev txiav txim siab ntawd raws tej xov xwm lawv muaj rau lub caij ntawd xwb tsis yog cuam tshuaj txog cov kev txhawj xeeb tias tsam cov tshuaj no tsis tau txais kev nyab xeeb li cas.
Nws tau hais tias “Tos ho zoo li ntawd los vim muaj ntau cov kev teeb txheeb txog tus tshuaj Oxford-AstraZeneca no yeej ua tiav lig zog."
“Yog li ntawd, tej neeg tswj thiab tso cai siv tej tshuaj no yeej tau qhia tias yav tag los peb yeej muaj tej xov xwm qhia tau tias yeej siv tau tej tshuaj no zoo hauj sim rau tej neeg muaj hnoob nyoog 18 xyoo txog 65 xyoos. Thiab tsis yog tias tej tshuaj no tsis zoo siv rau tej neeg muaj hnoob nyoog tshaj 65 xyoos, tab sis vim lub caij ntawd peb yeej tseem tsis tau muaj xov xwm kom txaus coj los qhia tau kom paub tseeb tias siv puas tau zoo rau tej neeg no li cas xwb."
MYTH: Tus tshuaj vaccine no yuav ua rau kuv mob tus mob COVID-19
Raws li Professor Collignon tau hais ces yeej ua tsis tau li tej neeg cov kev xav no li.
Nws hais tias “Tus tshuaj vaccine no yeej tsis ua rau nej kis tau tus kab mob COVID no, vim rau qhov twb tsis muaj cov kab mob virus tseem ciaj nyob rau tej tshuaj no li."
“Yeej tsis muaj ib yam tshuaj vaccine twg es yuav muaj cov kab mob virus tseem ciaj los yog ib yam kab mob COVID dab tsi xyaw li, ces thiaj tsis muaj peev xwm kis tau tus kab mob COVID los ntawm cov tshuaj vaccine no li."
MYTH: Tej tshuaj vaccine no mas maj ntug maj teb los tsim tau sai heev li yog li thiaj yuav tsum tsis yog ib cov tshuaj zoo
Tej tshuaj coronavirus vaccines uas yuav raug coj los siv sai sai ntawm teb chaws Australia no yog ib cov tshuaj uas tsim tau sai tshaj plaws tau li peb tau pom dua los.
Vim lwm cov tshuaj vaccine uas peb siv tas mus li tam sim no ces yuav tau siv sij hawm ntau caum xyoo thiaj mam tsim tau.
Tab sis vim tus kab mob COVID-19 cov kev cuam tshuaj thiab tej xwm txheej neeg tas sim nej uas peb tsis tau pom dua los no tau pab kom tej kaws tshawb fawb muaj peev xwm tsim tau tus tshuaj no rau lub sij hawm tsawg dua 1 xyoos.
Professor Collignon tau hais tias txawm yeej tseem muaj cov kev teev tej txheej txheem khaws tej xov xwm no ua ntuv zus, los peb yeej tso siab tias tej tshuaj vaccines no tau txais kev nyab xeeb thiab yog ib cov tshuaj siv tau hauj lwm zoo.
Nws hais tias “Yog los mas, peb yeej muaj peev xwm hla dhau ib kauj ruam tseem ceeb heev txuas ntxiv rau yav tom ntej lawm, thiab peb yeej muaj peev xwm tsim tau tus tshuaj no said dua tej peb ib txwm tsim, tab sis peb yeej tseem yuav tau ua tib zoo nrog xyuas kom muaj tej xov xwm txaus qhia tias tau txais kev nyab xeeb thiab yog ib cov tshuaj zoo, thiab tej xov xwm peb khaws tau dhau los yeej yeej yog ib co xov xwm zoo heev."
“Tab sis puas yog peb tseem xav tau xov xwm kom ntau tshaj no ntxiv thiab? Yog peb yeej tseem xav tau. Vim rau qhov tias muaj ntau pawg neeg hnoob nyoog sib txawv hais tsis ntsees rau cov neeg muaj hnoob nyoog tshaj 80 xyoo uas peb tseem xav tau xov xwm kom ntau tuaj ntxiv, thiab yeej tseem tsis tau muaj xov xwm txog tej me nyuam yaus li thiab."
MYTH: Yog tias hno cov tshuaj Oxford-AstraZeneca uas tsuas siv tau hauj lwm zoo txog li ntawm 60-70% xwb ces yej tsis muaj peev xwm pov puag tau kuv
Tus tshuaj Oxford-AstraZeneca vaccine yuav ras los ua ib cov tshuaj tseem ceeb uas Australia yuav coj los siv, vim yeej tau muaj kev sib khom pom zoo kom Australia lub chaw tsim tshuaj CSL muaj cai los tsim kom tau 50 roob koob (million doses) hauv teb chaws no coj los siv.
Txawm tias haum xub thawj yeej tau mu tej xov xwm qhia tias tus tshuaj Pfizer-BioNTech siv tau hauj lwm zoo txog 95%, los tam sim no tus tshuaj Oxford-AstraZeneca vaccine no tsuas siv tau hauj lwm zoo txog li ntawm 60-70% xwb.
Tab sis zeskais (Professor) Collignon yeej tau hais tias txawm tias tej zaum tus tshuaj no yuav tsis muaj peev xwm pab kom tej neeg txhob muaj lwm yam mob, los yeej yog ib tug tshuaj uas pab kom tej neeg feem coob tsis txhob mob sab sab, thiab tseem yog ib cov tshuaj uas khaws cia los yog xav coj mus siv tau yooj yim dua tus tshuaj Pfizer-BioNTech vaccine thiab.
Nws hais tias “Txawm tias tus tshuaj AstraZeneca vaccine yuav tsis muaj peev xwm tiv thaiv tau txua yam kab mob li tus tshuaj Pfizer vaccine, los zoo li yeej yog ib cov tshuaj zoo los pab kom tej neeg txhob tas sim neej los ntawm tej kab mob ua rau mob sab heev thiab. Thiaj xav kom nej nco ntsoov tias qhov no yog ib qho uas peb txhawj xeeb tshaj plaws."
“Yog li tej zaum kuj yuav zoo tshaj 60% los yog tej zaum yuav zoo txog li 80 los yog 90% mas thiaj yuav tiv thaiv tau kom tej neeg txhob tas sim neej."
Tej xov xwm tau tsis ntev los ntawm teb chaws Askiv yeej tau qhia tias tus tshuaj vaccine no pab tiv thaiv tau txog 82% kom tej neeg tsis txhob mob thaum hno 2 koob tshuaj rau lub caij sib nrug li 12 limtiam (3 lub hlis) yog muab piv rau cov kev hno 2 koob tshuaj no sib nrug li ib lub hlis (4 weeks) ces tsuas tiv thaiv tau txog li 62% xwb.
Tab sis Professor Collignon tau qhia tias yog tus tshuaj vaccine no muaj peev xwm pab kom tej neeg txhob tuag lawm ces peb tsis tas txhawj txog tias tsam tej neeg yuav mob ntxiv rau yav pem suab lawm.
Nws tau hais tias “Tej zaum tus mob COVID no yeej ua rau tej neeg muaj cov kab theem neeg tas sim neej ntau tshaj li 5 mus txog 10 npaug ntawm tus mob khaub thuas. Yog li ntawd yog tias peb muaj ib yam tshuaj dab tsi uas yuav pab kom tej neeg cov kab theem tas sim neej no muaj tsawg txog li 80 txog 90% li tej zaum tus tshuaj AstraZeneca yuav muaj peev xwm pab tau, ces yeej tsim nyog coj los siv lawm thiab."
“Cov kev siv ntaub npog qhov ncauj los kuj yog ib lub tswv yim zoo thiab yog tias muaj tej neeg zejzog sib kis tus kab mob no coob heev, tab sis tej zaum tsuas pab tiv thaiv tau txog li ntawm 15 los yog 20% xwb. Yog li ntawd yog tias peb muaj ib yam dab tsi coj los pab kom tiv thaiv tau tej neeg kom txhob kis tus mob no txog li 60 mus txog 90% ces, yog tej yam tsis muaj qab hau kiag li yog tias peb tseem tsis siv tej ntawd thiab."
MYTH: Yog kuv twb kis tau tus mob no los lawm ces kuv tsis tas hno tshuaj vaccine li.
Kuj muaj qee yam raug rau nqe lus no thiab.
Yeej muaj tseeb tias yog koj muaj peev xwm zoo ntawm tus mob COVID-19 no lawm ces koj cov immune system yeej tsim tau cov antibodies los pov puag koj kom txhob mob ntxiv rau yav pem suab lawm - tib yam li cov antibodies uas cov tshuaj vaccine no yuav pab tiv thaiv koj.
Tab sis peb yeej tseem tsis tau paub tias tej antibodies uas koj lub cev tsim tau ntawv ho yuav muaj nyob hauv koj lub cev ntev npaum li ca.
Professor Collignon tau qhia tias tej xov xwm dhau los yeej tau qhia tias tias tej antibodies yuav muaj nyob hauv yus lub ntev yam tsawg kawg txog li ib lub xyoos, thiab ib cov tshuaj vaccine twb yuav pab txuas lub sij hawm kom thiaj muaj cov antibodies pov puag tau koj ntev ntxiv tuaj.
Nws tau hais tias “Yog tias thaum koj paub meem tseeb tias koj kis tus kab mob COVID no lawm tab sis koj ho sim tau tias tus kab mob no tsis ua rau koj mob (positive PCR test) - ces koj tsis tas xub mus sawv ua nceeg pem hauv ntej hno tej tshuaj vaccine no los tau."
“Tab sis yag tag los mas yeej tseem tsis tau muaj pov thawj tim khawv qhia tau tias yog rov qab hno tshuaj vaccine dua puas ho yuav muaj teeb meem dab tsi, tab sis raws li peb tej kev xav thiab tej tswv yim lawm, ces tej zaum tus tshuaj no kuj tseem yuav pab kom haj yam yuav pab pov puag yus kom ntev zog ntxiv xwb, yog tias 2-3 xyoos twg yuav tseem yuav tau hno ntau koob pab ntxiv."
MYTH: Tus tshuaj vaccine no yuav ua rau kuv muaj tsis tau me nyuam rau lub neej pem suab lawm
Yeej tsis muaj pov thawj qhia tau tias ib hom tshuaj vaccine twg uas raug coj los siv los yog tsim tau coj los siv ntawd yuav ua rau muaj tsis taus me nyuam.
Tos ho muaj cov kev xav cuav zoo li no los twb vim yog muaj ntau lub teb chaws yeej hais kom tej poj niam txhob hno tshuaj vaccine rau lub caij muaj me nyuam, tsuas yog tias tseem tsis tau coj tej tshuaj vaccines los sim hno rau tej poj niam muaj me nyuam xwb.
Thiab kuj tsis yog tej yam dab tsi txawv - vim raws li tej keeb kwm ib txwm sim tshuaj vaccine ntawd ces yeej tsis pub tej poj niam muaj me nyuam mus sim tej tshuaj vaccines no li.
Professor Collignon tau qhia tias yeej yuav muaj tej xov xwm rau ntau hlis los yog ntau xyoo ntxiv no coj los qhia tias seb tom qab hno tshuaj vaccine tag lawm ho puas ua rau muaj tsis tau me nyuam li cas, tab sis nws xav tias yeej tsis muaj tej yam dab tsi yuav ua rau nws ceeb thiab.
“Kuv tsis xav tias yuav muaj ib cov laj thawj twg qhia tau tias tej tshuaj vaccines yuav ua rau muaj tsis tau me nyuam rau yav pem suab li."
“Tab sis qhov tseeb tiag ces kuv xav tias tej zaum tus kab mob COVID-19 yuav ua rau yus mob sab heev thiab ua rau yus lub cev tsis tau cov oxygen txaus thiab yuav ua rau muaj teeb meem rau yus tej raum xwb."
Tej neeg ntawm teb chaws Australia yuav tsum nyob kom nrug ntawm lwm tus neeg yam tsawg li 1.5 metres. Txheeb tau kev txwv ntawm koj lub xeev seb ho muaj cov kev txwv tsis pub tej neeg sib sau nyob ua ke li cas ntxiv.
Yog tias koj muaj cov yam ntxwv mob khaub thuas, ces nyob twj ywm hauv tsev thiab ho hu xov tooj rau koj tus kws kho mob tham thiab npaj tias seb yuav mus sim li cas los sis yog hu rau nrog lub koom haum Coronavirus Health Information Hotline tus xov tooj1800 020 080 nrog lawv tham tau.
Thiab xav thov kom koj ho mus txheeb tej kev taw qhia ntawm tej xeev koj nyob li xeev , , , , , , , thiab xeev ntxiv.
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
