Teb chaws South Korea yeej tau ceeb toom tias tshuav ze ze rau qhov tom qab txheeb tau tias lub hauv paus kis tus kab mob no yog xub pib ntawm ib lub tsev teev ntuj ntawm tuam ceeb Seoul.
Ces thiaj ua rau South Korea muaj cov neeg kis tau tus kab mob no yuav laug txog li 1,000 tus tshiab rau lub plua dhau los tom qab uas tau muaj 400 tus neeg kis tau tus mob no cuam tshuam nrog lub tsev teev ntuj Sarang Jeil thiab Jun Kwang-Hun uas yog tus coj thiab ib cov tub koom siab qho tus los kuj raug txheeb tau tias kis tau tus mob COVID-19 no lawm.
Tus coj lub tsev teev ntuj no los kuj yog ib tug neeg tawm tsam kom tau kev ncaj ncees thiab yog tus nyiam coj raws li tej kev cai qub thiaj tau ntaus thawj hlo sawv tawm tsam tsis pom zoo nrog tsoom fwv cov kev txwv tsis pub neeg tawm mus qhov twg, suav cov kev rwg npoj ntawm tuam ceeb Seoul rau hnub zwj Cag (Saturday) uas muaj nws tej tub koom siab ntawm nws pawg ntseeg ntau txheeb tus tau mus koom tawm tsam thiab.
Lub tuam chav twj kev noj qab haus huv thiaj li tau sau ntawv tsis txaus siab mus yws rau Jun tias nws cov kev mus koom tawm tsam rau hnub zwj Cag (Saturday) yog ib cov kev yuam tsoom fwv tej cai tswj kom tej neeg cais lawv tus kheej, thiab tseem txwv txiav tsis kam koom tes thiab tsis kam qhia tej tub koom siab npe kom thiaj txheeb tau lawv los yog hais komm lawv mus sim thiab tsis kam koom tes nrog tej neeg kho mob cov kev tshuaj ntsuam tias seb tim li cas thiaj li muaj tej neeg kis tus kab mob no coob heev.
Hnub zwj Cag (Saturday) ntawd ces yeej muaj tej neeg mus tawm tsam ntau txheeb tus rau ntawm tej kev tsis pom zoo nrog thawj tsav meem (President) Moon Jae-in tej cai txwv, thiab cam tsis ua raws nom tswv cov kev txwv kom txhob mus rwg npoj hauv tuam ceeb thiab cov kev ceeb toom kom tej neeg nyob kom nrug ntawm lwm tus.
Tej xwm txheej no thiaj qhia txog zaj dab neeg tias xub pib muaj tus kab mob coronavirus sib kis los ntawm pawg ntseeg hu ua Shincheonji los. Ces thiaj tau ua rau muaj neeg coob tshaj 5,000 tus kis tau tus kab mob no cuam tshuam txog pawg ntseeg no. Lee Man-hee uas yog tus coj ntawm pawg ntseeg no kuj raug txhom thiab raug liam tias txhob txwm teev zwm tej kev sib sau ua ke ntawm nws lub tev teev ntuj yuam kev thiab tsim ib cov npe tub koom siab cuav qhia rau nom tswv.
Dua ntawm cov xwm txheej uas tus kab mob kis rau tej neeg no cuam tshuam txog lub tsev teev ntuj no lawm, yeej tseem muaj lwm cov xwm txheej ib nyuag me dua uas yeej tau kis tej neeg ze txog li ntawm 30 leej cuam tshuam txog lub khw haus kasfes Starbucks ntawm lub nroog Paju sab qaum teb ntawm tuam ceeb Seoul ntawd thiab.
Lee Man-hee, a leader of Shincheonji Church of Jesus, speaks to the media during the press conference in Gapyeong, South Korea. Source: AAP
Cov kev sib sau teev ntuj thiab cov kev phom sij
Cov kev sib sau teev ntuj ua ke yog tej yam kev phom sij loj heev ua rau neeg kis kab mob coronavirus coob heev. Vim tej neeg tau mus sib sau ua ke ti heev thiab mus koom tej kev teev hawm ntawm South Korean tej tsev teev ntuj thiaj ua rau tej neeg no yuav kis tau tus kab mob no yooj yim.
Zeskais Raina MacIntyre uas yog tus coj tswj cov Biosecurity Program ntawm tsev kawm qib siab University of NSW tshab txhais tias cov kev mus sib sau ua ke hauv ib lub tsev twg uas tsis tshua dim pa thiab "tseem nqua tej yas suab ntxiv thiab ces thiaj yog tej yam uas tus kab mob no sib kis tau yooj yim heev."
Thaum muaj ib tug neeg uas kis tau tus kab mob COVID-19 hnoos, txham, los yog tham nrov nrov los sis yog nqua yas suab (hu nkauj) ces tus neeg ntawd yuav ntsawj tej kua qaub ncaug ya nrog cua. yeej muaj cov kab mob coronavirus xyaw rau hauv ces thiaj li yog ib yam tseem ceeb ua rau sib kis tau tus kab mob no.
Thaum ib tug neeg twg hnoos, tham, ua pa los yog nqua yas suab ces lawv yeej tau tshuab tej kuab qaub ncaug ua cov teev me me txog li ntawm tawm ntawm tus neeg ntawd lub qhov ncauj diam.
To reduce the risk, Zeskais (Professor) MacIntyre thiaj qhia rau SBS Dateline tias yog xav txo kom raug cov kev phom sij no tsawg zog ces yuav tsum tau yuam kom tej neeg yuav tsum tau siv ntaub npog qhov ncauj rau lub caij tej neeg mus sib sau teev hawm ua ke thiab yog tias tseem teev hawm nraum zoov thiab mas haj yam yuav zoo dua.
South Korean police officers wearing face masks walk in Seoul, Saturday, August 15, 2020 Source: AP
“Tab sis txawm ua li ntawd los yeej tseem phom sij heev thiab," raws li nws tau hais.
South Korea yeej tsim tau tej cai siv coj los txheeb tej neeg tau zoo heev tom qab uas nws muaj peev xwm tswj tau tus kab mob uas sib kis rau ntawm cov teb chaws sab hnub tuaj nruab nrab - Middle East Respiratory Syndrome (MERS) xyoo 2015 ntawd. Yog li ntawd txawm tej thawj coj ntawm tej tsev teev ntuj tsis kam qhia tej xov xwm txog lawv tej tub koom siab uas tau mus sib sau teev ntuj ua ke rau nom tswv los nom tswv yeej muaj cai rau txim rau tej neeg no tau.
Yog li ntawd ces 2 lub tsev teev ntuj li Sarang Jeil thiab Shincheonji thiaj li yog 2 lub tsev teev ntuj uas muaj kev cov nyom heev-- uas yog pawg ntseeg uas ntseeg raws ib tug cwj pwm, ib yam khoom los yog ib lub hom phiaj txawv tej ib txwm muaj.
Jun Kwang-hoon yog tus coj pawg ntseeg no uas coj tej tub koom siab uas nyiam coj kev cai qub mus tawm tsam tsis pom zoo nrog South Korea tus thawj tsav meem (Presidet) Moon Jae-in.
Nws tau cav tias yeej yog muaj neeg phem txhob txwm ua kom muaj tus kab mob no sib kis rau hauv nws lub tsev teev ntuj kom nws txhob muaj peev xwm sim tau nws lub tswv yim tawm tsam tej laj fai kum xeeb lawm xwb.
