Nws twb raug liam txim 2 zaug tias nws coj tej cwjpwm tsis tsim nyog tam li yog ib tug coj , thiab nws tseem swb rau cov kev sib tw kom nws rov qab tau ua nom dua zum 2 tsis tas li no los tseem tau cav tias yog ib cov kev xaiv tsa tsis ncaj ncees. Ces thiaj yuav ua rau Donald Trump yog ib tug president txawv tshaj plaws ntawm America tej keeb kwm uas tsis ua raws li tej presidents is txwm ua dhau los uas peb tau pom dua los.
Tom qab nws tau ua nom los tau 4 xyoos no ces tsis ntev no xwb nws twb yuav tawm tsis ua hauj lwm hauv tsev dawb rau limtiam no uas Joe Biden yuav los lees ua nws tus nom tshiab no, tab sis tej kws paub zoo txog tej hauj lwm no hais tias tej zaum nws yuav tsis yog ib tug neeg uas mus ntsiag to.
Yog li ntawd ne ho yuav muaj dab tsi tshwm sim ntxiv rau nws ntxiv?
Tej txiaj ntsim tau txais tam li yog ib tug President dhau los
Yog peb xam txog nqe tias nws yog ib tug president uas ua rau sawv daws dia taub hau heev no, ces peb yeej tsis muaj peev xwm yuav twv tau tias nws yuav ua dab tsi ntxiv tom qab uas nws tsis tau ua tus coj lawm.
Raws li America cov president tej keeb kwm uas ib txwm paub ntawd, ces yog thaum tej coj no ua hauj lwm tiav lawv tus nom lawm ces lawv yeej tsis cuam tshuam txog tej laj fai kum xeeb thiab yeej tsis tawm tswv yim dab tsi txog tuj nom tshiab uas los txais lub fwj chim no txuas ntxiv ntawm lawv li.
Tab sis Dr Emma Shortis uas yog ib tug kws paub zoo txog America tej laj fai kum xeeb ntawm txhooj faj lem (Tsev kawm qib siab - University) RMIT University hais tias zaum no ' ces peb yeej tsis paub tias xyov yuav zoo li cas.'
Nws tau hais tias “ntshe nws yuav tsis yog ib tug neeg uas yuav cia li mus ntsiag to''. Qhov no txhais tau tias tej zaum Mr Trump kuj tseem yuav muaj cov lus tib president Joe Biden uas raug xaiv tshiab no rau ntau xyoo ntxiv no thiab los kuj tau.
Qanon faithful believe Donald Trump is on a top-secret mission to expose evil within the US government. Source: AP
Dr Shortis hais tias “Raws li ib txwm pom mas yog tias tus president ntawm kheev tham heev, ces kuv xav mas tej zaum lawv kuj yuav sib khom nrog nws kom lawv sau tau ib phau ntawv qhia txog lub sij hawm lawv tseem ua nom thiab yuav teeb tsa ib lub chaw khaws tej ntawv uas teev thiab qhia txog tej president. Tab sis kuv xav tias Trup yuav tsis ua tej hais no."
Teeb meem cuam tshuam txog plaub ntuj
Txawm tias yeej tseem tsis tau paub meej tias nws npaj tswv yim yuav ua dab tsi rau nws lub neej pem suab, los yeej paub meej tias Mr Trump yeej tseem yuav ntsib ntau rooj plaub tsis hais cov plaub ntug ntawm tej xeev los yog plaub ntug cuam tshuam txog tsoom fwv teb chaws thiab.
Nws rooj plaub uas America lub tsev kis xeev siab tseem yuav pib coj mus hais rau hnub tim 19 January vim nws tsis coj tej cwj pwm tam li ib tug coj zoo ntawd ntshe tseem yuav siv sij hawm ntau limtiam ntxiv.
Thiab yog tias lawv pom zoo muab nws rho tawm nom vim nws tsis yog ib tug coj zoo tiag ces nws yuav tsis muaj cai los sib tw ua nom ntxiv thiab ntshe nws yuav tsis muaj cai tau txais ntau yam txiaj ntsim li America tej president tau txais dhau los thiab.
Raws li tsab cai teev txog America cov thawj tsav meem dhau los (Former Presidents Act) ntawd ces, Mr Trump yeej muaj cai tau cov nyiaj so hauj lwm ib xyoos twg txog li $200,000 , tau txais kev pov puag los ntawm tub ceev xwm soj xwm qab rooj rau ntau lub xyoo thiab tseem muaj cai paub txog ntau yam xov xwm tseem ceeb tsis pub qhia rau zej tsoom paub thiab.
Donald Trump was impeached for a second time in a historic vote. Now Republicans must decide the future of their party. Source: Getty Images North America
Dr Shortis tau hais tias “Thiaj li muaj ntau yam txiaj ntsim yuav tau txais los ntawm cov kev tau ua ib tug president rau teb chaws America dhau los. Tab sis tej zaum Mr Trump kuj yuav yog thawj tug president uas tej zaum yuav plam tej txiaj ntsim no thiab."
Tsis tas li no los Mr Trump tseem yuav tau hais ntau rooj plaub cuam tshuam nrog nws cov kev ua lagluam uas muaj rooj plaub ntawm Southern District of New York ntawd nrog.
Ib rooj plaub ntawm ntau rooj uas tom qab Mr Trump xaus nws tus nom lawm ces yog cov kevtias seb puas yog nws cov lagluam muag vaj tse tau cej luam tej nqev vaj tse cuav kom nws qev tau nyiaj los yog kom nws tau txais txiaj ntsim se ntau yam. Txawm li cas los nws lub tuam txhab yeej tsis lees tias nws tau ua dab tsi txhaum thiab yeej tau hais tias yeej yog ib cov tom txwv laj fai kum xeeb uas lwm tus xav tsim teeb meem rau nws xwb.
Trump cov TV
Yeej muaj neeg tau sib ntxhi los ntev lawm tias Mr Trump tau tsim nws ib lub tuam txhab nthuav xov xwm coj los tawm tsam nrog tej tuam txhab nthuav xov xwm uas nws tis npe tias yog "ib txwm tshaj xov xwm hauv ntawv xov xwm, TV thiab xov tooj cua qub uas ib txwm muaj ntawd."
Ces thiaj muaj neeg tawm tswv yim ntau ntau zujzus tuaj ntxiv tias seb nws puas yuav tsim nws lub chaw nthuav xov xwm tom qab uas nws raug Twitter, Facebook thiab Instagram txwv vim tau muaj neeg tau mus tsim teeb meem kub ntxhov ntam tsev dawb rau thaum ntxov lub hli dhau los no.
Dr William Clapton uas yog ib tug zes kais qhia ntawv txog phab pej kum haiv cov kev sib raug zoo ntawm tsev kawm qib siab the University of NSW tau qhia rau SBS News tias ntshe Mr Trump ''yuav tsis yog tus neeg uas tsim teeb meem kub ntxhov tsawg los yog yuav cia li nyob ntsiag to" thaum nws xaus nws tus nom lawm.
President Donald Trump pictured on Wednesday. Source: AP
Dr Clapton tau hais tias yeej muaj neeg tham tias nws yuav tsim cov "Trump TV" ib yam dab tsi. Tab sis nws kuj tau hais ntxiv tias peb kuj tsis paub tias seb nws puas yuav tsim kiag cov network tshiab los yog tsuas mus koom nrog tej chaw nthuav xov xwm ntawm cov neeg nyiam coj li qub tsis nyiam cov kev pauv hloov ntawm One America News Network xwb.
Dr William Clapton uas yog ib tug zes kais qhia ntawv txog phab pej kum haiv cov kev sib raug zoo ntawm tsev kawm qib siab the University of NSW tau qhia rau SBS News tias ntshe Mr Trump ''yuav tsis yog tus neeg uas tsim teeb meem kub ntxhov tsawg los yog yuav cia li nyob ntsiag to" thaum nws xaus nws tus nom lawm.
Dr Clapton tau hais tias yeej muaj neeg tham tias nws yuav tsim cov "Trump TV" ib yam dab tsi. Tab sis nws kuj tau hais ntxiv tias peb kuj tsis paub tias seb nws puas yuav tsim kiag cov network tshiab los yog tsuas mus koom nrog tej chaw nthuav xov xwm ntawm cov neeg nyiam coj li qub tsis nyiam cov kev pauv hloov ntawm One America News Network xwb.
Dr Clapton tau hais tias “Yeej muaj neeg raws nws coob heev thiab yeej muaj neeg txhawb nqa nws ntau heev, txawm tias nws yuav tsis tau president sai sai no lawm los txhais tsis tau tias nws lub fwj chim tam li ib tug nom cia li yuav tsuag los ntaug kiag lawm. Tej kev raug lwm tus tsis nyiam thiab raug cai los yog - tej xwm txheej ua rau tej neeg no mloog tau tias muaj lwm tus ua phem rau, tsim teeb meem rau thiab tsis muaj neeg kub siab txog Trump thiab tej neeg uas txhawb nqa nws ntawd tsis yog ib cov teeb meem uas yuav cia li ploj kiag mus ib hmo tag kis kaj ntug xwb."
Trump cov kev xav rov qab sib tw nom xyoo 2024
Txawm tias tej zaum yuav muaj peev xwm ua tau los raws li Dr Shortis xav mas Mr Trump yuav raug txwv tsis pub los ua nom ntxiv lawm, txawm tias nws yeej xub tau qhia ua ntej tias nws xav rov qab los sib tw ua nom dua ib zaug ntxiv rau xyoo 2024 dua.
Mr Trump tau qhia rau tej neeg ntawm tsev dawb rau lub caij holiday lub 12 hlis ntuj tsaib no tias "Yog lub sij hawm 4 xyoo uas zoo heev. Thiab peb tseem yuav los xyuas seb puas tau ua 4 xyoos ntxiv. Yog tias tau rov qab los ua ces kuv mam rov nsib nej dua rau 4 xyoo tom ntej no."
Dr Clapton tau hais tias yog hais tias Mr Trump tsis raug txwv thiab tseem muaj cai los sib tw ua nom ntxiv, ces nws yuav tshwm nyiaj ntau heev coj los pab nrhiav suab kom nws rov qab yeej los ua president tshiab dua ib zaug ntxiv.
President Donald Trump exits the White House to walk toward Marine One on the South Lawn on 12 January, 2021 in Washington, DC. Source: Getty
Yog li nws thiaj tau hais tias tej neeg txhawb nqa thiab nyiam Trump thiab pom tau tias cov kev rov qab los sib tw president ray xyoo 2024 no ''yog ib cov kev pauj kev chim, thiab yog ib co kev daws tso thiab npaj kom tej neeg no kub siab rov qab los tawm tsam ntxiv."
Dr Shortis los kuj tau hais tias nws yeej yuav tau kub siab txog Trump tej me nyuam uas xav los ua nom hloov lawv txiv thiab yog tias lawv txiv ho raug txwv tsis pub sib tw ua nom rau xyoo 2024 tiag.
Nws hais tias “Hais tsi ntsees rau Donald Jr uas yeej tau txais kev txhawb nqa los ntawm tej neeg nyiam Trump thiab tej neeg uas mus tsim kev kub ntxhov rau tsev dawb ntawd."
Donald Trump's daughter, Ivanka Trump. Source: By Mark Wilson/Getty Images News/Getty Images May 30, 2018
“Ivanka ces kuj txawv vim tsis muaj tej neeg li hais no txhawb nqa nws, tab sis peb yeej pom tias nws yeej xav ua zoo xyuas kom haum raws tej neeg txhawb nqa nws thib pab nom Republican thiab."
Tej hauj lwm uas nws tau tso teg cia
Mr Trump txoj kev ua president uas nws tau tso tseg cia ces ntshe yuav raug neeg tib nws rau tej xwm txheej uas tau ua rau muaj neeg mus tsim kev kub ntxhov rau tsev dawb.
Tom qab tau muaj tej xwm txheej no lawm, hau nroog New YorK tau qhia tias lub nroog no yuav "txaiv tag nrho txhua cov kev lagluam" uas tau sib khom nrog Mr. Trump.
Tom qab tau muaj tej kev txiav txim siab no lawm ces tej tuam txhab nyiaj tseem ceeb thiab tej koom haum ntau golf yeej tau tso tseg thiab tsis xav muaj feem cuam tshuam dab tsi nrog nws ntxiv lawm.
Tab sis tej kws paub zoo txog tej hauj lwm no qhia tias txawm tias yuav tau lub koob tsis zoo tso tseg cia xwb los Trump lub tswv yim (Trumpism) yeej tseem yuav muaj txuas ntxiv mus.
Dr Shortis tau hais tias “Muaj neeg tshaj 70 million tus neeg yeej pom zoo tawm mus thiab mus xaiv Trump thiab yeej tseem yuav muaj neeg txhawb nqa nws li no txuas ntxiv."
“Txawm tias Trump tam li yog ib tug neeg ntiag tug uas tsis muaj feem koom nrog America tej laj fai kum xeeb lawm los, kuv xav tias tej nws tau ua tso tseg ntawd yuav yog tej yam uas tseem yuav muaj ntev ntxiv mus."
Koj muaj peev xwm saib tau Joe Biden lub koom txoos nws los lees ua nws tus nom ntawm teb chaws America tshiab tau tshiab tshiab kiag ntawm SBS News txij sij hawm 3am (Australian Eastern Daylight Time-AEDT) rau hnub zwj Teeb (Thursday) zwj thaj tim 21 January 2021 no tau.
Mloog tau rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm thiab subscribe los sis yog download thiab mloog tau ntau cov podcasts (xov xwm ua suab) ntawm, , thiab los yog download kom koj mloog tau SBS Hmong.
