Muaj ob tug me nyuam tas sim neej lawm, tab sis ua li cas sawv daws tseem tsis hno tshuaj vaccine thiab

Millions fewer Australians have been vaccinated for the flu this year. Experts say while it might not feel like a threat, it's a "potentially lethal infection".

Health authorities are urging Australians to get vaccinated following the deaths of two young people from influenza B. Source: Getty / Marco VDM

KEY POINTS

• Two children have died from the flu, and more than 1,230 people have been hospitalised with the illness this year.
• Experts have urged people to get flu jab amid a fall in vaccination rates.
• One expert says lower vaccination rates could be because of vaccine fatigue.

Tau muaj ob tug me nyuam tas sim neej los ntawm ib hom khaub thuas ces thiaj tau muaj cov kev nqua hu ceev nrooj hais kom zej tsoom sawv daws mus hno tshuaj vaccine.

Tau muaj ib tug me nyuam ntxhais hnoob nyoog 11 xyoos ntawm Sunshine Coast tau tas sim neej rau hnub zwj Feej (Wednesday) dhau los, thaum uas twb xub tau muaj ib tug tub kawm ntawm NSW lub zos Central Coast tau tas sim neej rau hnub zwj Quag (Tuesday) tom qab nom tswv tau nqua hu kom tej neeg zejzog mus hno tshuaj vaccine.

Ob tug me nyuam no kuj kis tau hom kab mob khaub thuas influenza B.

Tej kws kho mob thiaj tab tom cej luam tias tau muaj neeg kis tau kab mob khaub thuas coob tuaj ntxiv thiab raug coj mus kho ntawm tej tsev kho mob rau lub caij uas muaj cov kab theem hno tshuaj vaccine tsawg dua yog piv rau tsaib no.

Tus kab mob influenza yog dab tsi thiab ho muaj tej yam ntxwv mob zoo li cas?

Professor Frank Beard, uas yog ib tug coj theem qes ntawm lub chaw teeb txheeb National Centre for Immunisation Research and Surveillance tau hais tias tus kab mob khaub thuas influenza yog ib tug mob uas muaj kab mob virus sib kis.

Beard tau hais tias muaj ob hom kab mob khaub thuas uas yog hom influenza A thiab B, thiab tej yam ntxwv mob ces ua npaws cev kub heev, mob qa, txhaws ntswg\, mob ib ce, thiab nkees nkees.

Nws tau hais tias "Yeej muaj ntau yam kab mob virus uas ua rau muaj tej yam ntxwv mob muaj ntsis zoo sib xws li no thiab, tab sis yeej tsis muaj ceem npaum li tej yam ntxwv mob khaub thuas no, uas yuav ua rau muaj lwm yam mob cuam tshuam thiab xws li mob ntsws (cov hnab cua hauv lub ntsws muaj paug los yog muaj dej), ua rau mob plawv thiab mob rau tej hlab txais kev paub (nervous system)."

Dr Kirsty Short uas yog ib tug kws paub zoo txog kab mob virus ntawm tsev kawm qib siab University of Queensland tau hais tias, yeej muaj qhov sib txawv ntawm ob hom kab mob khaub thuas influenza no thiab.

Nws tau hais tias "Peb muaj ob hom kab mob khaub thuas influenza B uas ncaus, uas muaj hom khaub thuas influenza A ntau heev,''

"Lwm yam cuam tshuam txog kab mob khaub thuas influenza B ces zoo li peb yeej tsis txhawj txog hom mob no cov kev sib kis li, vim tsis yog tias kis ntawm tej tsiaj txhua rau tib neeg, tab sis yog tej ua kis ntawm tib neeg rau tib neeg xwb."

Hom khaub thuas no puas mob sab heev rau tej me nyuam yaus?

Raws li lub koom haum National Notifiable Diseases Surveillance System tau qhia ces nyob rau hnub tim 25 June ntawd ces, twb tau muaj tej neeg txog li 1,236 tus uas coj mus kho mob vim kis tau kab mob khaub thuas ntawm teb chaws Australia no lawm, thiab muaj 107 tus neeg tas sim neej lawm.

Tej xov xwm no kuj tau qhia tias tau muaj cov kab theem kis kab mob khaub thuas coob tshaj plaws rau tej neeg hnoob nyoog 5 txog 9 xyoos, ntxiv ntawd ces yog cov thaum yug los txog 4 xyoos, thiab cov muaj hnoob nyoog 10 txog 14 xyoos.

Thiab muaj tej neeg uas kis tau kab mob khaub thuas uas raug coj mus kho ntawm tsev kho ntawm tej tsev kho mob txog li 69 feem pua yog tej me nyuam yaus hnoob nyoog qes dua 16 xyoo.

Limtiam dhau los, ces New South Wales lub tuam chav emergency departments tau teev tias muaj tej neeg mob uas mob thiab muaj ntsis zoo sib xws li tau khaub thuas ntawd ntau tuaj ntxiv txog 37 feem pua, thiab muaj tej neeg mob no tshaj ib nrab yog cov neeg muaj hnoob nyoog qes dua 16 xyoo.

Txij lub 5 hlis ntuaj los, ces tau muaj 16 tus me nyuam ntawm lub xeev no raug coj mus kho rau ntawm cov chav intensiv care unit (ICU) ntwam peb lub tsev kho mob loj uas ua tus kab mob khaub thuas ua rau muaj kev phom sij rau tej neeg no txoj sia vim muaj lwm yam mob cuam tshuam li, muaj teeb meem loj rau lub plawv, paj hlwb thiab tej nqaij.

Puas tsim nyog hno tshuaj vaccine thiv thaiv khauv thuas rau me nyuam yaus?

Dr Kerry Chant uas yog NSW tus coj tswj dej num noj qab haus huv thiaj tau muaj ib co kev ceeb toom txog cov kev phom sij los ntawm tus kab mob virus no, hais tsi ntsees rau tej hluas.

Chant tau nqua hu kom tej niam txiv coj lawv tej me nyuam mus hno tshuaj vaccine ua ntej yuav rov qab mus kawm ntawv.

Nws tau hais tias "Peb pom tias xyoo no tau muaj teeb meem ntau heev rau tej me nyuam yaus tseem kawm ntawv uas muaj hnoob nyoog 5 txog 16 xyoo,''

"Tos ho zoo li ntawd los twb yog vim hom kab mob khaub thuas influenza B uas tseem tab tom sib kis, thiab hom mob no los yeej muaj teeb meem ntau dua rau tej me nyuam muaj hnoob nyoog tseem kawm ntawv.''

NSW Chief Health Officer Dr Kerry Chant uas yog NSW tus coj tswj dej num noj qab haus huv tau nqua hu kom tej neeg sawv daws mus hno tshuaj vaccine tiv thaiv kab mob khaub thuas. Source: AAP / Joel Carrett

Professor Beard tau hais tias tej zaum tos ho muaj hom khaub thuas influenza B no kis rau tej hluas coob dua los tej zaum tim lawv tsis tau txais kev pov puag.

Nws tau hais tias "The concern in children would be because there wasn't any influenza B circulating last year, and there wasn't any influenza at all in 2020 and 2021,"

"Txhais tau tias tej zaum tej me nyuam yaus tsis tau kis dua tus kab mob khaub thuas influenza B no dua los, li tej laus uas twb tau kis ntau yam kab mob rau ntau xyoo dhau los lawm, suav cov kab mob khaub thuas hom A thiab B nrog, tsis tas li ntawd los tej kev hno tshuaj vaccine kuj muaj feem rau lub cev cov kev tau txais kev pov puag thiab.''

Professor Beard tau hais tias kom tsim nyog kub tsiab tias tus kab mob khaub thuas no yog ib tug mob uas ua rau yuav mob sab thiab muaj kev phom sij tau rau tib neeg txoj sia thiab.

Nws tau hais tias "Kab mob khaub thuas kuj muaj peev xwm ua rau tej neeg hnoob hnoob nyoog 18 xyoo los yog tej me nyuam yaus uas noj qab nyob zoo mob sab thiab tas sim neej tau thiab, vim li ntawd peb thiaj xav kom tej neeg mus hno tshuaj vaccine txhua xyoo vim tus kab mob khaub thuas yog ib tug uas yuav ua rau raug kev phom sij tau thiab."

"Tsis tas li ntawd los yeej haj yam xav kom ntau pawg neeg uas yuav kis tau tus mob no yooj yim li - tej me nyuam yaus tseem yau, tej laus uas muaj hnoob nyoog 60 xyoo los yog siab tshaj 60 xyoo, thiab tej neeg uas twb muaj ntau yam mob lawm mus hno tshuaj vaccine thiab.''

"Tab sis yeej xav kom sawv daws mus hno vim tus mob no yog ib tug mob phem heev."

Vim li cas neeg Australia thiaj pheej tsis mus hno tshuaj vaccine?

Tseem muaj tej neeg Australia tsawg dua li ntawm 2 million tau hno tshuaj vaccine tiv thaiv khaub thuas xyoo no yog piv rau tej uas tau hno rau tib lub caij thaum lub 3 hlis ntuj txog 7 hli ntuj tsaib no.

Raws li lub koom haum teev zwm tej neeg cov kev hno tshuaj vaccine Australian Immunisation Register hais, ces tsuas muaj neeg Australia txog li 8.5 million tus thiaj tau hno tshuaj vaccine tiv thaiv kab mob khaub thuas rau lub caij pib txij thaum lub 3 his ntuj mus txog hnub tim 9 lub 7 hli ntuj xyoo no xwb.

Uas yog piv rau tsaib no ces twb tau muaj tej neeg Australia txog 10 million tus uas tau hno tshuaj vaccine.

Dr Short tau hais tias cov kev dhuav tsis xav hno tshuaj vaccine kuj yog ib co laj thawj ntawm ntau yam laj thawj uas ua rau muaj neeg hno tshuaj vaccine tsawg lawm.

Nws tau hais tias "Peb tau ntxeem dhau ntau yam rau lub sij hawm ob ob peb xyoos dhau los no, thiab yeej raug hais kom mus hno tej tshuaj vaccine ntau heev, los yog tau mus hno cov tshuaj boosters ntau heev, thiab tej zaum sawv daws xav tias tus kab mob khaub thuas no tsis tsim teeb meem phom sij dab tsi,"

"Thiab kuj yog tej yam tseem ceeb uas mus hno tshuaj vaccine txhua xyoo vim yeej muaj tej tshuaj vaccine tshiab coj los siv txhua xyoo thiab."

Nws tau hais tias tej no thiaj yog tej yam tseem ceeb heev hais tsi ntsees rau tej me nyuam tseem yau heev uas muaj hnoob nyoog qes dua 5 xyoos, tej laus neeg, thiab tej neeg uas cov immune system ntawm lawv lub cev tsis muaj zog lawm.

Thiab yeej muaj cov program hno tshuaj National Immunisation no hno tshuaj tiv thaiv khaub thuas pub dawb rau tej neeg txum tim Aboriginal and Torres Strait Islander, tej neeg muaj hnoob nyoog pib txij li 6 hli; tej me nyuam hnoob nyoob txij 6 hli mus txog hnoob nyoog qes dua 5 xyoos; tej poj niam xeeb me nyuam; tej neeg hnoob nyoog tshaj 65 xyoos los yog siab tshaj ntawd; thiab tej neeg uas muaj ntau yam mob.

Dua ntawm tej neeg li tau hais dhau los ntawd lawm ces, yuav tau them nyiaj txij li ntawm $20 thiab $30 rau ib koob tshuaj vaccine uas mus hno ntawm ib lub chaw muag tshuaj twg.

With the Australian Associated Press.