Txij li hnub zwj Hnub (Sunday) uas tsoom hwv Australia tau coj nws lub app coj los txheeb tus kab mob COVID-19 no los siv lawm, ces yeej tau muaj neeg Australian mus downloawd lub
Tsoom hwv yeej tau maj ceev nrooj los txhawb nqa kom zej tsoom sawv daws mus download lub app no coj los nruab rau lawv tej xov tooj ntawm tes siv thiaj yuav pab tej neeg kho mob txheeb kom tau sai tias seb puas yog ib tug neeg twg tau mus nyob nrog ib tug neeg kis tau tus kab mob coronavirus no ua ke.
Lub app no yuav siv cov Bluetooth technology los teev ib cov xov xwm ntawm 2 tug neeg uas siv lub app no tias seb thaum nyob nyob sib nrug 1.5 metres ntawd nkawv nyob ua ke puas ntev tshaj 15 ntiag tiv (minutes).Yog tias ib tug neeg mob uas siv lub app no raug txheeb tau tias kis tau tus mob no lawm ces yog tus neeg no tso cai pom zoo rau tej nomt swv noj qab haus huv ces lawv yuav rho tej xov xwm no coj mus siv.
Thiab yog muaj neeg Australia coob txaus mus download lub app no siv, ces tej kws kho mob hais tias tej zaum yuav muaj peev xwm pab los tawm tsam nrog tus mob coronavirus no tau zoo heev. Tab sis tib lub tsam thawj no kuj tau muaj tej neeg paub zoo txog technology thiab cov neeg paub zoo txog tej neeg ntiag tug tej xov xwm (privacy experts) tau qhia tias lawv txhawj xeeb heev txog tej xovxwm ua lub app no yuav khawv teev tseg cia ntawd.
Limtiam dhau los ua ntej tsoom hwv yuav coj lub app no los siv, ces peb yeej tau tshab txhais txog tias cov Yog li ntawd tam sim no ces yeej tau coj lub COVIDSafe app no los rau zejtsoom download siv lawm, ces tej kws paub zoo txog cov technology no tau los qhia tias lawv ho mus txheeb tau dab tsi ntawm lub app no thiab puas tsim nyog koj yuav rub los siv.
Tej neeg tsim Software (Software developers) tau los ua tib zoo txheeb xyuas lub app no tias ho tsim li cas thiab ntawm nod yog qee yam uas lawv txheeb tau.
Ua ntej yuav coj lub COVIDSafe app los siv ces yeej tau muaj tej neeg paub zoo txog technology thiab privacy experts tau nqua hu kom tsoom hwv Australia yuav tsum tau qhia seb ho siv cov code li cas los tsim lub app no, kom tej neeg nruab nrab tsi nce rau tog twg uas paub zoo txog tej technology no thiaj muaj peev xwm txheeb lub app no tias seb puas muaj teeb meem dab tsi kom nrhiav tau tswv yim los daws tej teeb meem no thiab qhia tias seb lub app no puas muaj peev xwm ua tau hauj lwm raws li tsoom hwv tau cog tseg.
Txawm li cas los tsoom hwv yeej tseem tsis tau qhia cov source code tab sis tus pwm tsav lis laj fai tswj kev noj qab haus huv yeej tau qhia rau lub chaw nthuav xov xwm ABC rau hnub zwj Hli dhau los tias nws mam li qhia rau lub sij hawm
Nyob tau lub caij tej technology experts tseem tos kom tsoom hwv qhia cov source code no ces, Australia tej neeg tsim cov software kuj tau pib los txheeb xyuas tias seb lub app no zoo li cas thiab tau coj lawv cov kev mus txheeb lub app no coj los qhia rau hauv tej social media.
Hnub zwj Hnub (Sunday 26 April 2020) ces Matthew Robbins uas yog ib tug neeg tsim software yeej tau mus download lub app no thiab tau mua coj los txheeb xyuas tias tej source code ntawm lub app uas tsim rau cov xov tooj Andriod siv ntawd zoo li cas.
Robbins yeej tau ua cov hauj lwm cuam tshuam txog tej technology no los ze li ntawm 10 xyoo lawm, tab sis nws yeej ua tsi ntsees rau cov kev tsim tej app los tau 8 lub xyoo dhau los. Txawm tias nws tsis yog ib tug kws paub zoo txog tej privacy--uas peb mam li tham tom qab txuas ntxiv--tab sis nws yeej pab ntau yam zoo txog tias yuav tsim ib lub app li cas, thiab yuav txheeb li cas kom thiaj paub tias lub app no ua tau tej hauj lwm li tsoom hwv tau hais tias yuav ua ntawd. Lub sij hawm 1 hnub dhau los, ces nws thiab lwm tus neeg tsim software yeej tau txheeb xyuas lub COVIDSafe app thiab kawm kom paub tias seb ho siv cov code zoo li cas los tsim lub app no.
Muaj ntau yam uas nws txheeb tau ntawd kuj zoo kawg thiab: raws li Robbins tau qhia hauv nws phau Twitter account ntawd, ces nws yeej qhia meej tias lub app no yeej ua tau hauj lwm raws li xav, thiab yeej muaj peev xwm khaws tau tej xov xwm cia rau ntawm lub app ntawm tus tswv siv lub xov tooj ntawd thiab tau txais kev ruaj ntseg, thiab lub app no yuav muab tej xov xwm uas teev khaws tseg cia ntawm lub app no lwv rau lbu sij hawm 21 hnub, thiab tsuas yog tus tswv xov tooj tso cai xwb mas tej nom tswv tswj kev noj qab haus huv thiaj muaj cai rho tau tej xovxwm ntaw lub app no coj mus siv xwb.
Tsis tas li no los lub app no kuj tsis teev tias tus neeg siv lub xov tooj no tau mus rau qhov chaw twg (tsuas yog tias cov neeg siv cov xov tooj Android thiaj yuav tau txais ib tsab xo xa tuaj qhia rau lawv kom lawv yuav tsum qhia tias seb lawv nyob qhov twg rau lawv nruab lub app ntawd rau lawv tej xov tooj xwb uas yog tej yam tsis muaj hmoo rau tej neeg neeg siv cov xov tooj Android xwb--thaum uas siv lub app no ces yuav tsum tau qhib cov Bluetooth mas thiaj siv tau lub app no tab sis lub app no tseem nug kom yus yuav tau tso cai qhia tias seb yus nyob qhov twg tiab. Txawm li cas los lub COVIDSafe app no yej tsis teev thaj chaw yus mus ntawd los yog tsis siv tej xov xwm teev txog tej chaw ntawd dab tsi).
Robbins tau qhia rau The Feed tias nws yeej tau muab lub app no ua tib zoo txheeb ntxaws rau lub caij nws khoom lawm vim rau qhov nws xav paub heev tias lub app no zoo li cas, tab sis nws kuj txaus siab heev thaum nws muab txheeb tag lawm thiab.
"Nws hais tias, tsis muaj ib sob lus zoo los khaws tej xov xwm teev tseg cia ntawd tab sis tej xov xwm no kuj tsis yog ib cov xov xwm yuav muaj tau teeb meem dab tsi rau yus thiab, Kuv ntseeg tias yeej tsim tau lub app no zoo."
Muaj 2-3 yam uas Robbins pom tau tias tseem ua yuam kev me ntsis, tab sis nws kuj qhuas tias tsoom hwv muaj peev xwm los txhawb nqa koj tsim tau lub app no coj los siv sai kawg li thiab.
Txawm tias nws tseem xav pom kom tsoom hwv coj cov source code tsim lub app no coj los qhia--uas yuav tsum qhia lub app tsim rau cov xov tooj iOS phone siv (iPhone) ntawd thiab, uas tej zaum yuav tsis muaj peev xwm txheeb tau lub app no yooj yim li lub tsim rau tej xov tooj siv Android--txawm li cas los Robbins kuj tau qhia tias kuj tsis muaj teeb meem loj txaus txhawj xeeb dab tsi txog lub app no thiab.
"Nws qhia tias kuv xav tias yeej tsim nyog peb ruab coj los nruab rau peb tej xov tooj siv lawm."
Txawm li cas los kuj tau muaj ntau tus neeg pab zoo txog cov kev tsim software los kuj tau los txheeb xyuas tej code uas siv los tsim lub app no thiab kawv kuj tau txhawb nqa kom neeg Australia mus download coj los nruab rau lawv tej xov tooj siv thiab.
Yog tias koj xav paub kom ntxaws tias tsim lub app no li cas, ces Geoff Huntley uas yog ib tug software engineer yeej tau teev ib cov ntaub ntawv uas Australia tej neeg paub zoo txog tej technology no
Lub app no twb raug coj los siv tau ntau hnub no lawm ho puas muaj teeb meem dab tsi?
Kuj txheeb tau tias muaj qee yam teeb meem cuam tshuam rau lub COVIDSafe app no thiab.
Yog thaum tej neeg download lub app no los siv totaub tias yuav siv lub app no thia ua hauj lwm li cas ntawm lawv tej xov tooj lawm ces tej zaum kuj yuav tsis txhawj dab tsi lawm. Tab sis yuav tsum tau qhib lub app no cia mas nws thiaj siv tau hauj lwm--koj yeej tseem muaj peev xwm siv tau lwm cov app ntawm koj lub xov tooj, tsuas yog tias yog koj tau qhib lub COVIDSafe app no rau lub caij koj tawm mus ib qho qhov twg xwb.
Thiaj tau ua rau muaj ib txhia kws paub zoo txog cov technology no txhawj xeeb txog tias tsam lub Vim thaum tej xov tooj iPhone roj teeb yuav tag ntawd, los yog thaum yus siv ntau lub apps uas yuav tau siv Bluethooth ua ke ntawd ces ntshe tsam lub app no tsis ua hauj lwmx wb.
Los txog rau tam sim no, ces nom tswv Australia yeej tseem muaj cov kev taw qhia sib cov nyom qhia rau tej neeg siv lub app no tias lub app no yuav ua hauj lwm li cas. Tam sim no kiag tsoom hwv Australia lub vas sab qhia txog yeej tau qhia tias yog lawv lub app uas siv rau cov xov tooj iPhone siv tsis tau li ntawm 1 hnub ntawd ces nom tswv mam li xa ib cov kev taw qhia rau lawv tias yuav ua li cas kom thiaj siv tau lub app no.
Yog li ntawd tam sim no peb thiaj tseem tsis tau muaj peev xwm paub tseeb tias yog siv lub app no lawm puas ua rau lub xov tooj lub roj teeb tas sai li cas; vim rau qhov tej neeg paub zoo txog tej technology no yeej tseem muaj cov kev xav sib txawv, yog li ntawd peb mam soj qab seb ntau hnub no peb ho yuav hnov xov dab tsi ntxiv txog lub app no.
Txawm li cas los tej teeb meem li tau hais saum toj no yeej tsis ua rau muaj teeb meem cuam tshuam txog kev ruaj ntseg rau tej neeg uas siv lub app no dab tsi, tab sis tej zaum tsuas ua rau tsis muaj peev xwm siv tau lub app no raws li qhov tsim nyog xwb, yog tias tsoom hwv tsis los nrog xyuas. Tab sis tej neeg paub txog tej technology no yeej tau rov qab hais kom tsoom hwv Australia no yuav tsum coj cov iOS source code uas tsim lub app siv rau tej xov tooj iPhone coj los qhia rau lwv kom lawv thiaj muaj peev xwm mus txheeb xyuas tias seb puas siv tau hauj lwm zoo li cas los yog puas tsim nyog kho dab tsi ntxiv kom thiaj siv tau zoo raws li qhov tsim nyog.
Puas yog tej neeg paub zoo txog kev ruaj ntseg tseem txhawj xeeb txog cov kev siv lub COVIDSafe app no?
Tej kws paub zoo txog kev ruaj ntseg (Security experts) yeej tseem muaj qee cov kev txhawj xeeb txog cov kev siv lub app no thiab. Tab sis yog ntug txog tias tej kev txhawj xeeb no puas ua rau koj ntshai tsis xav download lub app no los siv, no ces kuj yog ntawm tej zwj ceeb cuam tshuam txog yus ntiag tug seb ho zoo li cas xwb thiab. Ntawm no yog qee cov laj tawj qhia tias yog vim li cas.
Limtiam dhau los ua ntej yuav coj lub app no los siv, cesThe Feed yeej tau nrog zeskais (Professor) Dali Kaafar uas yog tus coj lub koom haum Optus Macquarie University Cyber Security Hub yeej tau qhia txog ib cov kev txhawj xeeb cuam tshuam txog tej neeg ntiag tug cov , uas yeej muaj ntau yam tseem cuam tshuam txog lub app tam sim no.
Ib qho tseem txaus txhawj xeeb uas zes kais Kaafar thiab ntau tus kws paub zoo txog tej teeb meem no tau qhia ces lawv txhawj tias tej xov xwm uas raug teev khaws tseg cia ntawm lub app ntawm tej xov tooj tseem yuav raug rho coj mus khaws cia rau ib lub chaw twg ntxiv thiab. Ces yog tias ho muaj neeg nyiag ces yuav tau tej xov xwm ntau heev coj mus siv ua txhaum cai lwm yam tau.
Txawm li cas los txij li tau coj lub app no los siv lawm, yeej tau muaj lwm tus kws paub zoo txog tej neeg cov privacy li Associate Professor Vanessa Teague ntawm tsev kawm qib siab Australian National University tau qhia txog lwm cov kev txhawj xeeb tias . Piv txwv li tias Australia tej chaw tsim cov app ntau yam rau tej xov tooj los yog cov devices ntau hom siv ntawd lawv yeej tseem pom tau tais tseem muaj teeb meem tsis muaj peev xwm yuav los tsim kom tau cov sob lus yooj yooj yim rau tej neeg siv xov tooj uas tsis paub siv technology pes tsawg ntawd kom nkag siab.
"Txawm tias kuj yuav tsis yog tej ya yuav muaj tau teeb meem dab si, los ib hom xov tooj twg uas ib tug neeg siv ntawd los yog tej zauv xov tooj uas ib tug neeg siv ntawd kuj yuav yog tej yam xov xwm qhia txog tus neeg ntawd lawm," raws li zeskais Teague thiab nws tej neeg koom ua hauj lwm ua ke tau sau rau hauv ib phau ntawv blog hauv online rau hnub zwj Hli (Monday) dhau los.
"Piv txwv li tias yog tus neeg ntawd xav paub tias lwm tus neeg uas lawv txheeb tau nws lub xov tooj ntawm puas tau mus xyuas tib qho chaw uas nkawv swm ntawd thiab. Ces yuav ua rau tus neeg ntawd muaj peev xwm nyeem tau tej xov xwm teev tseg cia ntawm lub COVIDSafe app thiab lawv kuj yuav muaj peev xwm qhia tau tias seb lwm lub xov tooj uas lwm tus neeg siv ntawd pua zoo tib yam li hom xov tooj uas lawv siv thiab."
"Txawm yeej tsis yog tej yam tseem ceeb dab tsi uas pheej yuav xav tias yog ib qhov cim thawj dab tsi, los yeej tseem yog tej yam tseem ceeb uas yuav tau qhia los yog tsis lees paub txog ib tug neeg uas lawv tau ntsib twg thiab."
Professor Kaafar los kuj tshab txhais tias nws tseem txhawj tias tej nom tswv kuj tseem yuav tau tej xov xwm ntau tshaj qhov tej neeg siv tej app no paub txog lawm thiab los kuj tau. Yog tias ib tug neeg twg ho kis tua tus mob no thiab ho pom zoo qhia lawv tej zauv cov tooj khaws cia rau ntawm lub app no thiab ces lawv kuj yuav qhia tias lawv tau mus ntsib tus neeg 2 lob yog tus neeg 3 qhov twg thiab, ces yuav ua rau tej nom tswv tswj tej xov xwm no yuav paub tias tus neeg 2 thiab tus neeg 3 ntawd tau mus sib ntsib lawm thiab, tab sis 2 tug neeg li hais no yeej tsis paub tias tej xov xwm no raug faib mus qhia rau lwm tus paub lawm.
Yog li zeskais (Professor) Kaafar thiaj hais tias yog thaum muaj tej zwj ceeb zoo li tshwm sim lawm ces yuav cuam tshuam txog ib tug neeg tiag ntug twg lawm.
"Tej zaum tej xov xwm no kuj tsis tseem ceeb dab tsi rau ib txhia neeg, tab sis yuav tseem ceeb heev rau lwm tus neeg. Piv txwv li tias 2 tug nom ntawm 2 pab nom sib txawv uas tab tom sib ntsib los yog ib tug neeg tshaj xov xwm tseem tab tom ntsib ib tug nom twg ntawd."
Professor Kaafar hais tias yeej muaj peev xwm los kho ntau yam me me ntawm lub app no kom txhob muaj ceeb meem cuam tshuam txog tej neeg cov privacy, tsis tas li no los tseem tau muaj pej kum haiv cov kws paub zoo txog tej neeg cov privacy no yeej tau qhia tias kuj yuav yog ib lub app tsim coj los soj tej neeg uas yeej tsis khaws xov xwm dab tsi rau
Professor Kaafar tau qhia rau The Feed tias tsua syog txog rau thaum uas los muaj cov kev pauv hloov ntau yam rau lub app no lawm xwb mas nws thiaj yuav kam los download lub app no siv xwb, tsis li ntawd ces nws yuav tsis download coj los nruab rau nws lub xov tooj siv. Tsis tas li no los nws kuj qhia tias nws tsis pom qab yuav taw qhia tau dab tsi tias tsim nyog neeg Australia yuav ua li cas thiab.
"Kuv yeej tsis paub tias xyov yuav hais los tsis hais kom tej neeg nruab lub app no siv ntawm lawv tej xov tooj, kuv tsis paub tiag tiag li ho--vim tseem yog ib lo lus nug uas cov heev rau kuv."
"Kuv xav tias tsoom hwv yuav tsum tau kub siab txog tej neeg cov privacy me ntsis thiab, tab sis kuj tsis cuam tshuam txog qee yam privacy uas yuav tseem ceeb heev thiab. Tiag mas nws yeej muaj lub zoo hom phiaj yuav los siv lub app no, piv txwv li tias uas zoo xyuas kom lub app no txhob teev tias seb tus neeg ntawd mus qhov twg, thiab yuav muab tej xov xwm teevkhaws tseg cia ntawd lwv pov tseg rau lub sij hawm 21 hnub lawm."
"Kuv xav tias ib yam tseem tseem ceeb ntawd cov privacy ntawd mas nyob ntawm tej neeg ntiag tug ib tug twg ho xav li cas xwb thiab. Vim qee cov xov xwm qhia txog ib co neeg tau mus rau ib thaj chaw ntawd yeej tsis zoo coj los qhia rau lwm tus paub, tab sis yog xam rau lwm tus neeg lawm ces tej xov xwm ntawd kuj tsis tseem ceeb dab tsi li."
"Yog li ntawd kuv thiaj tsis muaj peev xwm yuav muaj ib cov kev tawm tswv yim cuam tshuam txog 2 cov zwj ceeb zoo li no ntawm no rau sawv daws, tab sis kuv mam li tos thiab saib seb ho yuav zoo li cas ntxiv tom ntej no xwb. Peb yuav tsum muaj kev dawb huv los qhia txog qhov tseeb txog tej technology thiab tej cai coj los tswj cov ke siv lub app no."
Puas tsim nyog kuv install lub COVIDSafe app no siv?
Nod yog cov kev xaus sob lus nug no. Xws li lub COVIDSafe app yog yeej raug tsim sai heev coj los siv raws li ib cov laj thawj li no: uas yog peb tseem nyob rau lub caij uas tseem muaj tus kab mob COVID-19 sib kis thoob ntuj tam sim no. Yog peb xav kom rov qab qhib peb lub teb chaws los ua tau lub neej li qub dua, ces peb yuav tsum muaj peev xwm los txheeb kom tau ib tug neeg twg sai sai tias puas tau mus nyob nrog ib tug neeg uas nyuam qhuav kis tau tus kab mob COVID-19 no tshiab, uas yog tej yam tseem ceeb heev thiab.
Yog tias muaj neeg Australia coob txaus los download lub app no coj los siv thiab paub siv kom raug tiag tiag, ces kuj yuav muaj peev xwm pab tswj tau tej xwm txheej no zoo heev thiab. Tab sis tsoom hwv Australia yeej tau qhia tias yuav tsum yog neeg Australia yam tsawg li 40% siv lub app no los mas thiaj yuav siv tau hauj lwm zoo. Uas yog xam ua tus zauv lawm ces yuav tsum muaj neeg ze txog li 10 roob (million) tus siv diam, tab sis los txog tam sim no tsuas muaj neeg Australia txog li 2,8 roob (million) tus mus download lub app no siv xwb.
Thiaj li nyob ntawm koj tus kheej cov kev txiav txim siab seb koj yuav siv los tsis siv, thiab koj tej privacy ho tseem ceeb li cas rau koj xwb--tib yam li Professor Kaafar tau qhia tias nyob ntawm seb yus yuav ua li cas xwb.
"Qhov ua rau kuv meem txom tshaj plaws mas tseem muaj cov kev sib teev theev zoo li no cuam tshuam txog 2 nqe lus li 'pab tej neeg' thiab 'tej neeg cov privacy' thiab. Thiaj yog tej zwj ceeb phem kawg nkaus rau ib cov neeg uas yog tias lawv txhawj txog lawv cov privacy ces lawv yuav yog cov neeg qia dub tsis kam koom tes vim lwm cov neeg twb tsis hais dab tsi."
David Vaile yog tus pov puag tej neeg tej xov xwm tshiab thiab soj tej neeg tej xovxwm ntawm lub koom haum Allens Hub for Technology, Law and Innovation ntawm tsev kawm qib siab University of New South Wales hais tias "tej xov xwm li hais no muaj peev xwm coj los tsim ib lub chaw loj khaws cia qhia txog tej xwm txheej no thiab yuav tsum muaj tej cai lij choj thiab fab txuj technology los pov puag tej xov xwm no, ces peb yuav tsum tau ceev faj, tab sis tib lub tsam thawj no los zej tsoom cov kev txhawj xeeb txog tus kab mob no los kuj yog tej yam tseemc eeb heev li thiab, yog li ntawd ces thiaj yog tej yam nyuaj kawg nkaus li."
Yog tias thaum kawg koj ho tau txiav txim siab tias koj tsis xav siv lub COVIDSafe app no, ces kom koj nco tias yeej tseem yuav tau muaj ntau yam kev pauv hloov los kho lub app no kom zoo tshaj no ntxiv tuaj los yog kho dua tshiab kom zoo tshaj qub thiab. Yog li ntawd peb mam li qhia rau koj txhua ntxiv txog tej xwm txheej no yog tias ho tshwm sim muaj tiag li tau hais ntawd.
